ଚାଲର୍‌ସଙ୍କ ସହ ଓଡ଼ିଶା ଜଡ଼ିତ

ପିପିଲି/ନିମାପଡ଼ା,୧୧ା୯(ଡି.ଏନ୍‌.ଏ.): ବ୍ରିଟେନ ରାଣୀ ଦ୍ୱିତୀୟ ଏଲିଜାବେଥଙ୍କ ମୃତ୍ୟୁ ହେବା ପରେ ତାଙ୍କ ଉତ୍ତରାଧିକାରୀ ବଡ଼ ପୁଅ ପ୍ରିନ୍ସ ଚାଲର୍‌ସ ତୃତୀୟ ରାଜଗାଦି ସମ୍ଭାଳିଛନ୍ତି। ପ୍ରିନ୍ସ ଚାଲର୍‌ସ ଶନିବାର ରାଜାଭିଷେକ ହୋଇ ରାଜା ଦାୟିତ୍ୱ ନେଇଥିବାବେଳେ ବିଶ୍ୱ ସମେତ ଓଡ଼ିଶାରେ ମଧ୍ୟ ଖୁସିର ଲହରି ଖେଳିଯାଇଛି। ବିଶେଷ କରି ପୁରୀ ଜିଲା ନିମାପଡ଼ା ନିର୍ବାଚନମଣ୍ଡଳୀ ଅନ୍ତର୍ଗତ ତଥା ପିପିଲି ସୀମାନ୍ତରେ ଥିବା ହରିପୁର ଗ୍ରାମର ଅଞ୍ଚଳବାସୀ ବେଶ୍‌ ଉତ୍ସାହିତ ହୋଇଛନ୍ତି। କାରଣ ଏହି ଗ୍ରାମକୁ ବ୍ରିଟେନ୍‌ ରାଜା ପ୍ରିନ୍ସ ଚାଲର୍‌ସ ଆସିଥିଲେ। ଏଠାରେ କିଛି ସମୟ ବିତାଇ ଲୋକଙ୍କ ସହ ଭାବବିନିମୟ କରିଥିଲେ।
କି, ୧୯୭୮ ମସିହାରେ ଓଡ଼ିଶା ସରକାର ହରିପୁର ପଞ୍ଚାୟତକୁ ଆଦର୍ଶ ପଞ୍ଚାୟତ ରୂପେ ଘୋଷଣା କରିଥିଲେ। ତେବେ ଏହାର ଠିକ୍‌ ଦୁଇ ବର୍ଷ ପରେ ୧୯୮୦ ଡିସେମ୍ବର ୪ରେ ଯୁବରାଜ ପ୍ରିନ୍ସ ଚାଲର୍‌ସ ଓଡ଼ିଶା ଗସ୍ତରେ ଆସି ଏକ ଗ୍ରାମର କଳା, ସଂସ୍କୃତି ଓ ଚାଲିଚଳଣ ଦେଖିବା ପାଇଁ ଓଡ଼ିଶା ସରକାରଙ୍କୁ ଜଣାଇଥିଲେ। ସେହି ଅନୁସାରେ ହରିପୁର ଆଦର୍ଶ ପଞ୍ଚାୟତ ହୋଇଥିବାରୁ ହରିପୁର ଗ୍ରାମକୁ ପରିଭ୍ରମଣରେ ଆସିଥିଲେ। ହରିପୁରକୁ ଯିବା ପୂର୍ବରୁ ଚାଲର୍‌ସଙ୍କୁ ପ୍ରଥମେ ପିପିଲି ନିକଟରେ ଏକ ଭବ୍ୟ ସ୍ବାଗତ କରାଯାଇଥିଲା। ଚାର୍ଲସଙ୍କୁ ଏକ ସୁସଜ୍ଜିତ ଚାନ୍ଦୁଆ ପାଲିଙ୍କି ଥିବା ହାତୀରେ ବସାଯାଇ କିଛିବାଟ ପର୍ଯ୍ୟନ୍ତ ନିଆଯାଇଥିଲା। ସେ ସମୟରେ ତତ୍କାଳୀନ ପୁରୀ ଜିଲାପାଳ ଅଶୋକ ଦାସ ଯୁବରାଜ ଚାଲର୍‌ସଙ୍କୁ ଗ୍ରାମର ବିଭିନ୍ନ ସ୍ଥାନକୁ ବୁଲି ଦେଖାଇଥିଲେ। ବୁଲିବା ବେଳେ ନଡ଼ିଆ ଗଛ ଚଢ଼ିବା, ଧାନ ଅମଳ କରିବା, ଝୋଟି ଦେବା, ଶଗଡ଼, ଢିଙ୍କି କୁଟିବା, ଟୋକେଇ ବୁଣା ସମେତ ଗଁାର ଚାଲିଚଳଣ ପ୍ରିନ୍ସ ଚାଲର୍‌ସ ଦେଖିଥିଲେ। ଏଥିସହ ଗ୍ରାମରେ ପୂଜା ପାଉଥିବା ଶ୍ରୀ ଶ୍ରୀ ଗୋପୀନାଥଙ୍କ ମନ୍ଦିରକୁ ଯାଇ ଠାକୁରଙ୍କୁ ଦର୍ଶନ କରିଥିଲେ। ଏପରିକି ଗ୍ରାମବାସୀଙ୍କ ସହ ବିଶେଷ କିଛି ଆଲୋଚନା କରିବା ସହିତ ପଇଡ଼ ମଧ୍ୟ ପିଇଥିଲେ। ପ୍ରିନ୍ସ ଚାଲର୍‌ସଙ୍କ ହରିପୁରକୁ ଆସିବାର ଏହିସବୁ ସ୍ମୃତିକୁ ଗ୍ରାମର ସାମାଜିକ କର୍ମୀ ସୋମନାଥ ଦାଶ ବିବରଣୀ ପ୍ରଦାନ କରିବା ସହ ଖୁସିବ୍ୟକ୍ତ କରିଥିଲେ। ବର୍ତ୍ତମାନ ଚାର୍ଲସ ରାଜା ହେବାର ଶୁଣି ପ୍ରାୟ ୪୨ ବର୍ଷର ପୁରୁଣା ସ୍ମୃତିକୁ ଗ୍ରାମବାସୀ ମନେପକାଇ ଖୁସି ହୋଇଥିଲେ। ଏପରିକି ସାମାଜିକ କର୍ମୀ ଦାଶଙ୍କ ନେତୃତ୍ୱରେ ଗ୍ରାମବାସୀ ଗୋପୀନାଥଙ୍କ ନିକଟରେ ଦୀପଦାନ କରି ରାଜାଙ୍କ ମାଆ ଏଲିଜାବେଥଙ୍କ ଅମର ଆତ୍ମାର ସଦ୍‌ଗତି କାମନା କରିବା ସହ ପ୍ରିନ୍ସ ଚାଲର୍‌ସଙ୍କ ଦୀର୍ଘାୟୁ କାମନା କରିଛନ୍ତି। ରାଜା ହେବା ପରେ ଚାଲର୍‌ସ ପୁଣିଥରେ ଗ୍ରାମକୁ ଆସିବା ନେଇ ଗ୍ରାମବାସୀ ଆଶାବାଦୀ ରହିଛନ୍ତି। ସେହିଭଳି ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ କହିଛନ୍ତି, ସେହି ସମୟରେ ମୁଁ କଲେଜରେ ପଢ଼ୁଥାଏ। ପ୍ରିନ୍ସ ଚାଲର୍‌ସ ହରିପୁର ଗ୍ରାମକୁ ଆସିଥିବା ଖବରପାଇ ଆମେ ଶତାଧିକ ସାଙ୍ଗ ସାଇକେଲରେ ହରିପୁର ଯାଇ ତାଙ୍କୁ ଦେଖିଥିଲୁ। ସେହି ସମୟରେ ସ୍ମୃତି ଏବେ ଚାଲର୍‌ସଙ୍କ ରାଜା ହେବା ପରେ ମନେ ପଡ଼ିଯାଉଛି ବୋଲି ମନ୍ତ୍ରୀ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

କାର୍ଯ୍ୟକ୍ଷମ ହେଉନି ହଳଦିଆପଦର ନୂତନ ବସ୍‌ଷ୍ଟାଣ୍ଡ

ଛତ୍ରପୁର,୨୫।୯(ଡି.ଏନ.ଏ.): ଗଞ୍ଜାମ ଜିଲାର ପ୍ରମୁଖ ବ୍ରହ୍ମପୁର ସହର ପାଇଁ ନିର୍ମିତ ହଳଦିଆପଦର ନୂତନ ବସ୍‌ଷ୍ଟାଣ୍ଡ ଉଦ୍‌ଘାଟନ ପରଠାରୁ ହିଁ କାର୍ଯ୍ୟକ୍ଷମ ହୋଇନି । ଫଳରେ ବର୍ଷବର୍ଷ...

ଲଗାଣ ବର୍ଷା ମୟୂରଭଞ୍ଜକୁ ଆଣିଦେଲା ବିପତ୍ତି

ବାରିପଦା ଅଫିସ,୨୦।୮: ବଙ୍ଗୋପସାଗରରେ ସୃଷ୍ଟ ଲଘୁଚାପ ପ୍ରଭାବରେ ମୟୂରଭଞ୍ଜ ଜିଲାରେ ପ୍ରବଳ ବର୍ଷା ଯୋଗୁ ନାହିଁ ନ ଥିବା କ୍ଷୟକ୍ଷତି ଘଟିଛି । ବିଶୋଇ ବ୍ଳକ...

ବିପଦର ସମ୍ମୁଖୀନ ହେଉଛନ୍ତି ସାର୍କ

ବାଲେଶ୍ୱର ଅଫିସ, ୧୫।୭-ବାଲେଶ୍ୱର ନୋସି ବିଜିନେସ୍‌ ପାର୍କର ଉତ୍କଳା ମଞ୍ଚରେ ପାଳିତ ହୋଇଛି ‘ସାର୍କ ଦିବସ’। ସାର୍କ କେତେ ଗୁରୁତ୍ୱପୂର୍ଣ୍ଣ ତାହା ଉପରେ ଶିକ୍ଷା ଦେବା...

କାର ଦୁର୍ଘଟଣାଗ୍ରସ୍ତ: ଅଳ୍ପକେ ବର୍ତ୍ତିଲେ ୩ ଯାତ୍ରୀ

ଜହ୍ନାପଙ୍କ, ୬।୬ (ଡି.ଏନ.ଏ): ବୌଦ୍ଧ-ବଲାଙ୍ଗୀର ଜାତୀୟ ରାଜପଥ ନଂ. ୫୭ର ଜହ୍ନାପଙ୍କ ଫାଣ୍ଡି ନିକଟରେ ଗୁରୁବାର ସକାଳ ପ୍ରାୟ ୭ଟା ବେଳେ ଏକ କାର (ନଂ.ଓଡି୧୭ଏଚ/୬୬୭୭)...

ଗ୍ରାମରେ ଦେଖାଦେଲା କରୋନା ଲକ୍ଷଣ : ୭ ଦିନ ଓଡଙ୍ଗ ପଞ୍ଚାୟତ ଶଟ୍‌ଡାଉନ୍‌

ବନ୍ତ,୨୭।୭(ଡି.ଏନ୍‌.ଏ./ସ୍ବ.ପ୍ର) : ଭଦ୍ରକ ଜିଲା ବନ୍ତ ବ୍ଲକ ଓଡ଼ଙ୍ଗ ପଞ୍ଚାୟତକୁ ସରପଞ୍ଚ କିଶୋର କିଙ୍କର ପଢ଼ିଆରୀ ସୋମବାର ସକାଳ ୭ଟାରୁ ଆସନ୍ତା ରବିବାର ସନ୍ଧ୍ୟା ୭ଟା...

ଗୋପାଳପୁର ବେଳାଭୂମି ମହୋତ୍ସବ ଆଜି ଉଦ୍‌ଘାଟନ କରିବେ ମୁଖ୍ୟମନ୍ତ୍ରୀ

ଗୋପାଳପୁର,୨୪ା୧୨-ଚଳିତ ବର୍ଷ ଗଞ୍ଜାମ ଜିଲା ଗୋପାଳପୁର ବେଳାଭୂମି ମହୋତ୍ସବ ପାଇଁ ପ୍ରସ୍ତୁତି ଶେଷ ହୋଇଛି। ମଙ୍ଗଳବାର ଅପରାହ୍ନରେ ମହୋତ୍ସବର ଉଦ୍‌ଘାଟନୀ ଉତ୍ସବରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ...

ଖାତରୁ ମିଳିଲା ଯୁବକଙ୍କ ମୃତଦେହ: ହତ୍ୟା ସନ୍ଦେହ

ନୟାଗଡ ଅଫିସ/ରଣପୁର,୨୬।୫(ସ୍ବ.ପ୍ର.):ନୟାଗଡ଼ ଜିଲା ରଣପୁର ଥାନାର ବିରୁଡ଼ା ଅଞ୍ଚଳରେ ଏକ ମୃତଦେହ ଖାଲରେ ପଡିରହିଛି। ମୃତକ ହେଲେ ରାଇପଡାର ଆଦିତ୍ୟ ବେହେରା। ତେବେ ଆଦିତ୍ୟଙ୍କୁ ପୋଲିସ...

ଅନ୍‌ଲାଇନ୍‌ରେ ସେମିଷ୍ଟର ପରୀକ୍ଷା ଦାବି, ଆନ୍ଦୋଳନକୁ ଓହ୍ଲାଇଲା ଛାତ୍ର କଂଗ୍ରେସ

ବରଗଡ଼,୪ା୯: ସମ୍ବଲପୁର ବିଶ୍ୱବିଦ୍ୟାଳୟ ଯୁକ୍ତ ୩ ୬ଷ୍ଠ ସେମିଷ୍ଟର ପରୀକ୍ଷା ଅଫ୍‌ଲାଇନରେ କରିବାକୁ ନିଷ୍ପତ୍ତି ନେଇଛି। ବିଶ୍ବବିଦ୍ୟାଳୟର ଏହି ନିଷ୍ପତ୍ତିକୁ ବରଗଡ଼ ଜିଲା ଛାତ୍ର କଂଗ୍ରେସ...

Advertisement
Archives

Model This Week