Posted inଖେଳ

ଓସିଏ ଆନ୍ତଃଜିଲା ୧୯ ବର୍ଷରୁ କମ୍‌ କ୍ରିକେଟ: ସୂର୍ଯ୍ୟ, ରାଜୀବ, ଆଶୁତୋଷ, ଦୀନେଶଙ୍କ ଶତକ; ସୁଦୀପ, ସୁବାଶିଷଙ୍କୁ ୫ ଉଇକେଟ

ଭୁବନେଶ୍ୱର,୨୪।୧(ସ୍ପୋର୍ଟ୍ସ ବ୍ୟୁରୋ): ଓଡ଼ିଶା କ୍ରିକେଟ ଆସୋସିଏଶନ (ଓସିଏ) ଆନୁକୂଲ୍ୟରେ କଟକର ବିଭିନ୍ନ ଗ୍ରାଉଣ୍ଡରେ ଚାଲିଥିବା ୧୯ ବର୍ଷରୁ କମ୍‌ ଆନ୍ତଃଜିଲା ଏକଦିବସୀୟ କ୍ରିକେଟ ଟୁର୍ନାମେଣ୍ଟରେ ଶନିବାର ଖେଳାଯାଇଥିବା ମ୍ୟାଚ୍‌ଗୁଡିକରେ ଗଜପତି, ଭଦ୍ରକ, ଜଗତ୍‌ସିଂହପୁର, ବାଲେଶ୍ୱର, କୋରାପୁଟ, ଭୁବନେଶ୍ୱର – ବି ବିଜୟ ହାସଲ କରିଛନ୍ତି। ଶନିବାର ୬ଟି ମ୍ୟାଚ୍‌ ଅନୁଷ୍ଠିତ ହୋଇଥିଲା। ଭଦ୍ରକର ସୂର୍ଯ୍ୟ ମହାପାତ୍ର ୧୦୦ ରନ, ବାଲେଶ୍ୱରର ରାଜୀବ ଏଏଲ୍‌ ସାହୁ ୧୧୦ ରନ ଓ ଆଶୁତୋଷ ମାରାଣ୍ଡି ୧୦୮ ରନ, କଳାହାଣ୍ଡିର ଦୀନେଶ କୁମାର ୧୬୮ ରନର ଶତକୀୟ ପାଳି ଖେଳିଥିବା ବେଳେ ଗଜପତିର ବ୍ରେନ୍‌ ସିଂ ୫୩ ରନ ଓ କୋରାପୁଟର ଅର୍ଶଦା କିରନ ୮୫ ରନର ଅର୍ଦ୍ଧଶତକୀୟ ପାଳି ଖେଳି ଦୃଷ୍ଟି ଆକର୍ଷଣ କରିଛନ୍ତି। ସେହିପରି କନ୍ଧମାଳର ସୁବାଶିଷ ପାଲୋ ଓ ଜଗତସିଂହପୁର ସୁଦୀପ ସ୍ବାଇଁ ୫ ଉଇକେଟ ସଫଳତା ପାଇଛନ୍ତି।
ଭୁବନେଶ୍ୱର ୮ ଉଇକେଟରେ ବିଜୟୀ
କଟକର ନିମ୍‌ପୁର କ୍ରିକେଟ ଷ୍ଟାଡିୟମରେ ଅନୁଷ୍ଠିତ ମ୍ୟାଚ୍‌ରେ ଭୁବନେଶ୍ୱର-ବି ୮ ଉଇକେଟରେ ବରଗଡ଼କୁ ପରାସ୍ତ କରିଛି। ଟସ୍‌ ଜିତି ବରଗଡ଼ ପ୍ରଥମେ ବ୍ୟାଟିଂ କରି ୪୪.୫ ଓଭରରେ ୯୭ ରନକରି ଅଲଆଉଟ ହୋଇଥିଲା। ଦଳ ତରଫରୁ ସ୍ବରାଜ ନାଗ ୧୯, ସୌରଭ କୁମାର ସାହୁ ୧୭ ରନ ସଂଗ୍ରହ କରିଥିଲେ। ବୋଲିଂରେ ଭୁବନେଶ୍ୱର ତରଫରୁ ବିକାଶ ନାଏକ ଓ ସୁଶିଲ ବାରିକ ୩ଟି ଲେଖାଏ ଉଇକେଟ ଅକ୍ତିଆର କରିଥିଲେ। ଜବାବରେ ଭୁବନେଶ୍ୱର ୨୧.୪ ଓଭରରେ ୨ ଉଇକେଟ ହରାଇ ୧୦୧ ରନ କରି ବିଜୟୀ ହୋଇଛି। ଦଳ ତରଫରୁ ସାରାଂଶ କୁମାର ଅପରାଜିତ ୪୮, ଅନ୍ବେଶ ତ୍ରିପାଠୀ ୨୩ ରନ ସଂଗ୍ରହ କରିଥିଲେ। ବୋଲିଂରେ ବରଗଡ଼ ତରଫରୁ ବେଦାନ୍ତ ସାହୁ ଓ ପ୍ରଶାନ୍ତ ପାଇଁକରା ଗୋଟିଏ ଲେଖାଏ ଉଇକେଟ ଅକ୍ତିଆର କରିଥିଲେ।
କୋରାପୁଟ୍‌ ୨ ଉଇକେଟ ଜିତିଲା
ରେଭେନଶା ଗ୍ରାଉଣ୍ଡ-୨ରେ କୋରାପୁଟ ୨ ଉଇକେଟରେ କଳାହାଣ୍ଡିକୁ ପରାସ୍ତ କରିଛି। ଟସ୍‌ ଜିତି କଳାହାଣ୍ଡି ପ୍ରଥମେ ବ୍ୟାଟିଂ କରି ୩୪.୪ ଓଭରରେ ୨୦୫ ରନ କରି ଅଲଆଉଟ୍‌ ହୋଇଥିଲା। ଦଳ ତରଫରୁ ଦୀନେଶ କୁମାର ମାଝି ୧୪୪ଟି ବଲ ଖେଳି ୧୬୮ ରନର ବୃହତ୍‌ ଶତକୀୟ ପାଳି ଖେଳିଥିଲେ। ବୋଲିଂରେ କୋରାପୁଟ୍‌ର ଆଦିତ୍ୟ ଶତପଥୀ ଓ ନିରଞ୍ଜନ ଗୌଡ଼ ୩ଟି ଲେଖାଏ, ଗୌରୀ ଏସ୍‌ ଦାଶ ୨ ଉଇକେଟ ଅକ୍ତିଆର କରିଥିଲେ। ଜବାବରେ କୋରାପୁଟ୍‌ ୪୫.୫ ଓଭରରେ ୮ ଉଇକେଟ ହରାଇ ୨୦୯ ରନକରି ବିଜୟୀ ହୋଇଛି। ଦଳ ପକ୍ଷରୁ ଅର୍ଶଦା କିରନ ୮୩ ବଲରୁ ୮୫ ରନ, ଶୁଭମ୍‌ ସିଂ ୪୨ ରନ ସଂଗ୍ରହ କରିଥିଲେ। ବୋଲିଂରେ କଳାହାଣ୍ଡି ପକ୍ଷରୁ ଅଭିଷେକ ଗହୀର ଓ ଉମେଶ ସରାଫ ୨ଟି ଲେଖାଏ ଉଇକେଟ ଅକ୍ତିଆର କରିଥିଲେ।
ବାଲେଶ୍ୱରର ବୃହତ୍‌ ବିଜୟ
କଟକର ବୋଷ ଗ୍ରାଉଣ୍ଡରେ ବାଲେଶ୍ୱର ୧୧୧ ରନ୍‌ରେ ପୁରୀକୁ ହରାଇଛି। ଟସ୍‌ ଜିତି ବାଲେଶ୍ୱର ପ୍ରଥମେ ବ୍ୟାଟିଂ କରି ୫୦ ଓଭରରେ ୭ ଉଇକେଟ ହରାଇ ୩୩୩ ରନ ସଂଗ୍ରହ କରିଥିଲା। ଦଳ ତରଫରୁ ରାଜୀବ ଏଏଲ୍‌ ସାହୁ ୮୦ ବଲରୁ ୧୧୦, ଆଶୁତୋଷ ମାରାଣ୍ଡି ୧୦୮ ରନର ଶତକୀୟ ପାଳି ଖେଳିଥିଲେ। ପୁରୀର ପବିତ୍ର ବିଶୋୟୀ ୪ ଓ ସ୍ମୃତି ପି. ସ୍ବାଇଁ ୨ ଉଇକେଟ ନେଇଥିଲେ। ଜବାବରେ ପୁରୀ ୪୩.୧ ଓଭରରେ ୨୨୨ ରନକରି ଅଲଆଉଟ ହେବା ସହ ପରାସ୍ତ ହୋଇଛି। ଦଳ ତରଫରୁ ନିଶାନ୍ତ ନାୟକ ୪୨ ଓ ନିଶାନ ଦାସ ୪୧ ରନ ସଂଗ୍ରହ କରିଥିଲେ। ବୋଲିଂରେ ବାଲେଶ୍ୱର ତରଫରୁ ଶୁଭ ବାରିକ ଓ ରାଜୀବ ଏଲ୍‌. ସାହୁ ୩ଟି ଲେଖାଏ ଉଇକେଟ ଅକ୍ତିଆର କରିଥିଲେ।
ଜଗତ୍‌ସିଂହପୁର ୧୦୩ ରନରେ ବିଜୟୀ
ଡ୍ରିମ୍ସ ଗ୍ରାଉଣ୍ଡରେ ଜଗତ୍‌ସିଂହପୁର ୧୦୩ ରନରେ କନ୍ଧମାଳକୁ ହରାଇଛି। ଟସ ହାରି ଜଗତ୍‌ସିଂହପୁର ପ୍ରଥମେ ବ୍ୟାଟିଂ କରି ୩୬.୩ ଓଭରରେ ୧୪୭ ରନ କରି ଅଲଆଉଟ ହୋଇଥିଲା। ବୋଲିଂରେ କନ୍ଧମାଳର ଶୁଭାଶିଷ ପାଲୋ ସର୍ବାଧିକ ୫, ଦିବ୍ୟ ସାହୁ ୩ ଉଇକେଟ ଅକ୍ତିଆର କରିଥିଲେ। ଜବାବରେ କନ୍ଧମାଳ ୧୪.୩ ଓଭରରେ ୪୪ ରନ କରି ଅଲଆଉଟ ହୋଇ ପରାସ୍ତ ହୋଇଛି। ଜଗତ୍‌ସିଂପୁରର ସୁଦୀପ ସ୍ବାଇଁ ୫ ଓ ସନ୍ନ୍ୟାସୀ ପଟ୍ଟନାୟକ ୩ ଉଇକେଟ ନେଇଥିଲେ।
ଯାଜପୁରକୁ ହରାଇଲା ଭଦ୍ରକ
ରେଭେନ୍ସା ଗ୍ରାଉଣ୍ଡ-୧ରେ ଯାଜପୁରକୁ ଭଦ୍ରକ ୫ ଉଇକେଟରେ ପରାସ୍ତ କରିଛି। ଟସ୍‌ ହାରି ଯାଜପୁର ପ୍ରଥମେ ବ୍ୟାଟିଂ କରି ୪୪.୨ ଓଭରରେ ୧୭୧ ରନକରି ଅଲଆଉଟ ହୋଇଥିଲା। ଦଳ ତରଫରୁ ମହମ୍ମଦ ସୋହେଲ ୭୯ ରନ କରିଥିଲେ। ବୋଲିଂରେ ଭଦ୍ରକର ମୀର କାଫିରୁଦ୍ଧିନ ୩ ଓ ଆଶୁତୋଷ ସାମ ୨ ଉଇକେଟ ନେଇଥିଲେ। ଜବାବରେ ଭଦ୍ରକ ୪୪.୫ ଓଭରରେ ୫ ଉଇକେଟ ହରାଇ ୧୭୬ ରନ କରି ବିଜୟୀ ହୋଇଥିଲା। ଦଳର ସୂର୍ଯ୍ୟ ମହାପାତ୍ର ୧୦୦ ରନର ଶତକୀୟ ପାଳି ଖେଳିଥିଲେ। ବୋଲିଂରେ ଯାଜପୁରର ଶୁଭମ ୨ ଉଇକେଟ ନେଇଥିଲେ।
ଗଜପତି ୫୪ ରନରେ ବିଜୟୀ
ବିଡାନାସୀ ଗ୍ରାଉଣ୍ଡରେ ଗଜପତି ୫୪ ରନରେ ନବରଙ୍ଗପୁରକୁ ହରାଇଛି। ଟସ୍‌ ଜିତି ଗଜପତି ପ୍ରଥମେ ବ୍ୟାଟିଂ କରି ୪୦ ଓଭରରେ ୧୯୮ ରନକରି ଅଲଆଉଟ ହୋଇଥିଲା। ଦଳ ତରଫରୁ ବ୍ରେନ୍‌ ସିଂ ୫୩, କଡ଼ଗଲା ଚାଣ୍ଡୁ ୪୮ ରନ ସଂଗ୍ରହ କରିଥିଲେ। ନବରଙ୍ଗପୁରର ଦୀନେଶ ଶ୍ରୀବାସ୍ତବ ଓ ଦିଲୀପ ବିଶୋଇ ୩ଟି ଲେଖାଏ ଉଇକେଟ ଅକ୍ତିଆର କରିଥିଲେ। ଜବାବରେ ନବରଙ୍ଗପୁର ୩୧.୩ ଓଭରରେ ୧୪୪ ରନକରି ଆଲଆଉଟ ହୋଇଥିଲା। ଦଳର ଜି. ଆର୍ଯ୍ୟନ ୪୩ ଓ ଗୋପବନ୍ଧୁ ସମ୍ରାଟ ୨୪ ରନ ସଂଗ୍ରହ କରିଥିଲେ। ବୋଲିଂରେ ଗଜପତିର ବ୍ରେନ ୪ ଓ ପ୍ରୀତମ ପ୍ରଧାନ ୩ ଉଇକେଟ ନେଇଥିଲେ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ମର୍ମନ୍ତୁଦ ଦୁର୍ଘଟଣାରେ ଓ୍ବେଷ୍ଟଇଣ୍ଡିଜ୍‌ର ଏହି ଲୋକପ୍ରିୟ କ୍ରିକେଟରଙ୍କ ନିଧନ! ଭିଡିଓ ଭାଇରାଲ ପରେ ଜଣାପଡ଼ିଲା…

ନୂଆଦିଲ୍ଲୀ, ୩୦।୧: ସୋସିଆଲ ମିଡିଆରେ ଅନେକ କିଛି ଗୁଜବ ଭାଇରାଲ ହୋଇଥାଏ। ଏହି କ୍ରମରେ ନିକଟରେ ଓ୍ବେଷ୍ଟଇଣ୍ଡିଜ୍‌ର ଅଭିଜ୍ଞ ଅଲ୍‌ରାଉଣ୍ଡର କିରୋନ ପୋଲାର୍ଡଙ୍କର ଦୁର୍ଘଟଣାରେ ମୃତ୍ୟୁ...

ପୂଜାରାଙ୍କ ସ୍ଥାନ ନେବା ପାଇଁ ଏହି ବ୍ୟାଟ୍ସମ୍ୟାନ ଫିଟ୍‌

ନୂଆଦିଲ୍ଲୀ, ୩ା୭- ଭାରତୀୟ ଟେଷ୍ଟ ସ୍ପେଶାଲିଷ୍ଟ ଚେତେଶ୍ୱର ପୂଜାରାଙ୍କ ସ୍ଥାନରେ ଖେଳିବା ପାଇଁ ଯୁବ ପୃଥ୍ବୀ ଶ’ ପୂରା ଫିଟ୍‌। ଜଣେ ଫ୍ୟାନଙ୍କ ପ୍ରଶ୍ନର ଉତ୍ତର...

ପ୍ରେମିକାଙ୍କ ବ୍ୟଥା: ମୋ ସନ୍ତାନ ଥିଲେ ଏବେ ବାବର ଆଜମଙ୍କୁ ବାପା ଡାକିଥାନ୍ତା

ଇସଲାମାବାଦ୍‌,୨୭।୧୦:ଆଜିକାଲି ପାକିସ୍ତାନ ଅଧିନାୟକ ବାବର ଆଜମ ଚର୍ଚ୍ଚାରେ ରହିଛନ୍ତି। ପାକିସ୍ତାନର ପ୍ରଥମ ଅଧିନାୟକ ଭାବେ ଦଳକୁ ବାବର ଭାରତ ବିପକ୍ଷରେ ବିଜୟୀ କରାଇଛନ୍ତି। କିନ୍ତୁ ବାବର...

ପାଓ୍ବାର ଭାରତୀୟ ମହିଳା କ୍ରିକେଟ ମୁଖ୍ୟ କୋଚ୍‌

ନୂଆଦିଲ୍ଲୀ, ୧୪।୫(ପି.ଟି.): ପୂର୍ବତନ ଟିମ୍‌ ଇଣ୍ଡିଆ ସ୍ପିନର ରମେଶ ପାଓ୍ବାର ଭାରତୀୟ ମହିଳା କ୍ରିକେଟ ଦଳର ମୁଖ୍ୟ କୋଚ୍‌ ପଦକୁ ଫେରିଛନ୍ତି। ସେ ଡବ୍ଲ୍ୟୁଭି ରମଣଙ୍କ...

କ୍ରୁନାଲଙ୍କ ସଂସ୍ପର୍ଶରେ ଆସିଛନ୍ତି ଟିମ୍‌ ଇଣ୍ଡିଆର ୮ ଖେଳାଳି

ନୂଆଦିଲ୍ଲୀ,୨୭।୭: ଭାରତୀୟ ଦଳର ଅଲରାଉଣ୍ଡର କ୍ରୁନାଲ ପାଣ୍ଡ୍ୟାଙ୍କ ରିପୋର୍ଟ ପଜିଟିଭ ଆସିବା ପରେ ମଙ୍ଗଳବାର ଶ୍ରୀଲଙ୍କା ଓ ଭାରତ ମଧ୍ୟରେ ଖେଳାଯିବାକୁ ଥିବା ଦ୍ୱିତୀୟ ଟି୨୦...

ଗୁଣେଶ୍ୱରନ ବିଜୟୀ

ନୂଆଦିଲ୍ଲୀ, ୨୪ା୬ (ପି.ଟି.)- ଭାରତ ଅଗ୍ରଣୀ ପୁରୁଷ ସିଙ୍ଗଲ୍ସ ଖେଳାଳି ପ୍ରଜନେଶ ଗୁଣେଶ୍ୱରନ ତୁର୍କୀରେ ଆଣ୍ଟାଲ୍ୟା ଓପନ୍‌ ଏଟିପି ୨୫୦ ଟୁର୍ନାମେଣ୍ଟର ଦ୍ୱିତୀୟ ରାଉଣ୍ଡରେ ପ୍ରବେଶ...

ଦିବ୍ୟାଙ୍ଗ ବାଳକଙ୍କ ପାଖକୁ ବ୍ୟାଟ୍‌ ପଠାଇଲେ ସଚିନ ତେନ୍ଦୁଲକର

ରାୟପୁର, ୧୯।୧: ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ଛତିଶଗଡ଼ର ବସ୍ତର ଜିଲାର ଜଣେ ୧୨ ବର୍ଷ ବୟସ୍କ ଦିବ୍ୟାଙ୍ଗ ବାଳକଙ୍କ ପାଖକୁ ବ୍ୟାଟ୍‌ ପଠାଇଛନ୍ତି। ସେ...

ରିଚାଡର୍‌ସ-ବୋଥାମ ଟ୍ରଫି ପାଇଁ ଖେଳିବେ ଇଂଲଣ୍ଡ ଓ ଓ୍ବେଷ୍ଟଇଣ୍ଡିଜ

ମାଞ୍ଚେଷ୍ଟର,୨୫।୭ (ପି.ଟି.)-ଇଂଲଣ୍ଡ ଓ ଓ୍ବେଷ୍ଟଇଣ୍ଡିଜ ମଧ୍ୟରେ ଯେତେବେଳେ ପରବର୍ତ୍ତୀ କ୍ରିକେଟ ଟେଷ୍ଟ ସିରିଜ ଖେଳାଯିବ ସେମାନେ ‘ଓ୍ବିଜ୍‌ଡେନ୍‌ ଟ୍ରଫି’ ବଦଳରେ ଉଭୟ ଦେଶର ଆଇକନିକ୍‌ କ୍ରିକେଟର...

Advertisement
Archives

Model This Week