ଭଞ୍ଜନଗର,୧୫ା୧(ବାବୁଲା ପ୍ରଧାନ): ଭଞ୍ଜନଗର ଉପଖଣ୍ଡ ଚିକିତ୍ସାଳୟରେ ୨ ଜଣ ନର୍ସିଂ ପ୍ରଶିକ୍ଷଣ ଛାତ୍ର ସ୍ବେଚ୍ଛାକୃତ ଭାବେ ରକ୍ତଦାନ କରି ଜଣେ ରୋଗୀଙ୍କ ଜୀବନ ବଞ୍ଚାଇଛନ୍ତି। ସେମାନେ ହେଲେ ସ୍ଥାନୀୟ ଭଞ୍ଜ କଲେଜ ଅଫ ନର୍ସିଂର ବି ଏସସି ତୃତୀୟ ବର୍ଷ ଛାତ୍ର ଆଦିତ୍ୟ ନାରାୟଣ ପାତ୍ର ଏଂ ଅଭିନାଶ ପଟ୍ଟନାୟକ। ଭଞ୍ଜନଗର ମେଡିକାଲରେ ଚିକିତ୍ସିତ ହେଉଥିବା ଜଣେ ରୋଗୀ ରକ୍ତ ପାଉ ନ ଥିଲେ । ଛାତ୍ର ଦ୍ୱୟ ଏହା ଜାଣି ରକ୍ତଦାନ ପାଇଁ ଆଗଭର ହୋଇଥିଲେ । ଡାକ୍ତର ଦିଲୀପ କୁମାର ସାହୁ ଏବଂ ଏଆରଟି କାଉନସିଲର ନାରାୟଣ ବେହେରାଙ୍କ ଉପସ୍ଥିତିରେ ଛାତ୍ର ଆଦିତ୍ୟ ଓ ଓ ଅଭିନାଶ ରକ୍ତ ଦାନ କରିଛନ୍ତି। ଉଭୟଙ୍କ ଏପରି ମହତ କାର୍ଯ୍ୟକୁ ମେଡିକାଲ ଅଧୀକ୍ଷକ ସିତାଂଶୁ ଶେଖର ଶତପଥୀ, ନର୍ସିଂ କଲେଜ ସମ୍ପାଦକ ତ୍ରୈଲୋକ୍ୟ ନାଥ ପଣ୍ଡା ଓ ମେଡିକାଲ ପରିଚାଳକ ବିଚିତ୍ର କୁମାର୍ ପାଣିଗ୍ରାହୀ ପ୍ରଶଂସା କରିବା ସହ ଯୁବ ପିଢ଼ିଙ୍କୁ ରକ୍ତଦାନ କରିବା ପାଇଁ ପରାମର୍ଶ ଦେଇଛନ୍ତି।
