ପୃଥିବୀର ଅନେକ ଦେଶ ନିଜର ସଂସ୍କୃତି ଏବଂ ବୈଶିଷ୍ଟ୍ୟକୁ ନେଇ ବେଶ୍ ପରିଚିତ। ଯାହା ଅନ୍ୟମାନଙ୍କଠାରୁ ସ୍ବତନ୍ତ୍ର ହୋଇଥାଏ। ଏପରି କିଛି ସ୍ଥାନ ଅଛି, ଯାହାର ସଂସ୍କୃତି ବିଷୟରେ ଜାଣିଲେ ଆଶ୍ଚର୍ଯ୍ୟ ହୋଇଯିବେ। ଯେଉଁଠାରେ କେହି ପୋଷାକ ପିନ୍ଧନ୍ତି ନାହିଁ। ବିଶ୍ୱାସ ନ ହେଲେ ବି ସତ। ଏଠାରେ ଲୋକମାନେ ବିନା ପୋଷାକରେ ଶପିଂମଲଠାରୁ ଆରମ୍ଭ କରି ରେଷ୍ଟୁରାଣ୍ଟ ଏବଂ ଜିମ୍କୁ ଯାଆନ୍ତି। ଅନ୍ୟ ଦେଶର ଲୋକମାନେ ମଧ୍ୟ ଗ୍ରୀଷ୍ମ ଋତୁରେ ସୁନ୍ଦର ବେଳାଭୂମି ଜୀବନକୁ ଉପଭୋଗ କରିବାକୁ ଆସନ୍ତି। ଏହି ସହର ଏହାର ଅନନ୍ୟ ଜୀବନଶୈଳୀ ପାଇଁ ଜଣାଶୁଣା। ଏହି ସହର ସର୍ବଦା ଚର୍ଚ୍ଚା ଏବଂ ବିବାଦରେ ରହିଆସିଛି। ତେବେ ଆସନ୍ତୁ ଜାଣିବା ଏହି ସହର ବିଷୟରେ।
ଏହି ସହର ନଗ୍ନ ସହର ଭାବରେ ଜଣାଶୁଣା। ଫ୍ରାନ୍ସର କ୍ୟାପ ଡି’ଆଜ ନଗ୍ନ ସହର ଭାବରେ ମଧ୍ୟ ଜଣାଶୁଣା। କୁହାଯାଏ ଯେ, ଏହା ହେଉଛି ବିଶ୍ୱର ଏକମାତ୍ର ସହର ଯେଉଁଠାରେ ଲୋକମାନେ ‘ନ୍ୟୁଡ୍ଟୁରିଜିମ୍’ ପାଇଁ ଆସନ୍ତି। ଏଠାକୁ ଆସୁଥିବା ପର୍ଯ୍ୟଟକମାନଙ୍କୁ ମଧ୍ୟ କୌଣସି ପ୍ରକାରର ପ୍ରତିବନ୍ଧକର ସମ୍ମୁଖୀନ ହେବାକୁ ପଡ଼ିବ ନାହିଁ। ପର୍ଯ୍ୟଟକମାନେ ବିନା ପୋଷାକରେ ବୁଲାବୁଲି କରିପାରିବେ। ପ୍ରତିବର୍ଷ ଗ୍ରୀଷ୍ମ ଋତୁରେ ସମଗ୍ର ବିଶ୍ୱରୁ ପ୍ରାୟ ୫୦ ହଜାର ପର୍ଯ୍ୟଟକ ସମୁଦ୍ର କୂଳକୁ ଉପଭୋଗ କରିବାକୁ ଏଠାରେ ଆସିଥାନ୍ତି।
କ୍ୟାପ ଡି’ଏଜ୍ ସବୁଠାରୁ ପ୍ରସିଦ୍ଧ ହନିମୁନ୍ ଗନ୍ତବ୍ୟସ୍ଥଳ ଭାବରେ ଜଣାଶୁଣା। ଅନେକ ଦମ୍ପତି ହନିମୁନ୍ ପାଇଁ ଏଠାକୁ ଆସନ୍ତି । କାରଣ ଲୋକମାନେ ବିନା ପୋଷାକରେ ଏଠାରେ ବୁଲିବାର ସ୍ବାଧୀନତା ପାଇଥାନ୍ତି। ସହରଟି ଏହାର ସୁନ୍ଦର ବେଳାଭୂମି ପାଇଁ ପ୍ରସିଦ୍ଧ। ଏଠାରେ ସମୁଦ୍ର କୂଳର ଦୃଶ୍ୟ ଭିନ୍ନ ଅଟେ।
ଯଦିଓ ଫ୍ରାନ୍ସର ଏହି ସହରରେ ବିନା ପୋଷାକରେ ବାହାରେ ବୁଲିବାର ସ୍ବାଧୀନତା ଅଛି, କିନ୍ତୁ ଏହାର ଅର୍ଥ ନୁହେଁ ଯେ ଆପଣ ସର୍ବସାଧାରଣ ସ୍ଥାନରେ କିମ୍ବା ଲୋକଙ୍କ ସାମ୍ନାରେ ନିଜ ସାଥୀଙ୍କ ସହିତ ଅନ୍ତରଙ୍ଗ ହୋଇପାରିବେ। ଏହି ଉପାୟରେ ଖୋଲା ରୋମାନ୍ସ ପ୍ରାୟ ୧୨,୮୬୦ ଜରିମାନା ପଡ଼ିବ। ଏହି ସହରରେ ରହିବାକୁ ଆପଣଙ୍କୁ ମଧ୍ୟ ଦେୟ ଦେବାକୁ ପଡ଼ିବ। ଏହା ସହିତ ଏଠାରେ ଯେକୌଣସି ପ୍ରକାରର ଫଟୋଗ୍ରାଫି ମଧ୍ୟ ନିଷେଧ।
