ନୂଆଦିଲ୍ଲୀ, ୫।୧୨- ପୂର୍ବତନ ଭାରତୀୟ କ୍ରିକେଟର ଯୁବରାଜ ସିଂ ଯୁବ ପ୍ରତିଭାଶାଳୀ ବ୍ୟାଟ୍ସମ୍ୟାନ ଶୁବମନ ଗିଲଙ୍କୁ ସୋସିଆଲ ମିଡିଆରେ ସମାଲୋଚନା କରିଛନ୍ତି। ଅଷ୍ଟ୍ରେଲିଆ ବିପକ୍ଷ ଦିନିକିଆ ସିରିଜ୍ ଲାଗି ଭାରତୀୟ ଦଳରେ ସ୍ଥାନ ପାଇଥିଲେ ଗିଲ। ତାଙ୍କୁ କେବଳ ତୃତୀୟ ତଥା ଅନ୍ତିମ ମ୍ୟାଚ୍ରେ ମିଳିଥିଲା ଖେଳିବାର ସୁଯୋଗ ।
କାନବେରାଠାରେ ଖେଳାଯାଇଥିବା ମ୍ୟାଚ୍ ପରେ ଶୁବମନ ନିଜ ଇନ୍ଷ୍ଟାଗ୍ରାମରେ ଶେୟାର କରିଥିଲେ କିଛି ଫଟୋ। କ୍ୟାପଶନରେ ଲେଖିଥିଲେ ଦେଶ ପକ୍ଷରୁ ପ୍ରତିନିଧିତ୍ୱ କରି ଗର୍ବିତ। ପ୍ରଥମ ଫଟୋରେ ଶୁବମନ ଓ ଅଧିନାୟକ ବିରାଟ କୋହଲିଙ୍କ ମଧ୍ୟରେ ହୋଇଥିବା ଭାଗୀଦାରିତା ବେଳର ଦୃଶ୍ୟ ଦେଖିବାକୁ ମିଳୁଛି। ଅନ୍ୟଟିିରେ ଦଳୀୟ ଖେଳାଳିଙ୍କ ସହ ଛିଡ଼ା ହୋଇଛନ୍ତି ଶୁବମନ, ଯେଉଁଥିରେ ସେ ପକେଟରେ ହାତ ପୁରାଇଛନ୍ତି। ଏହି କାରଣରୁ ଶୁବମନଙ୍କୁ ସମାଲୋଚନା କରିଛନ୍ତି ଯୁବି। ସେ ଲେଖିଛନ୍ତି, ମହାରାଜ ଏହା କୌଣସି କ୍ଲବ ମ୍ୟାଚ୍ ନୁହେଁ। ଭାରତର ମ୍ୟାଚ। ତୁମ ହାତ ପକେଟରେ କାହିଁକି ରଖିଛ।
