ବେଙ୍ଗାଲୁରୁ,୨୮ା୧: କର୍ନାଟକର ବେଙ୍ଗାଲୁରୁରେ ଆମିଷ ଦୋକାନ ବନ୍ଦ ରହିବ। ଏରୋ ଇଣ୍ଡିଆ ଶୋ’କୁ ଦୃଷ୍ଟିରେ ରଖି ବେଙ୍ଗାଲୁରୁ ନଗର ନିଗମ ପକ୍ଷରୁ ଏହି ନିର୍ଦ୍ଦେଶ ଦିଆଯାଇଛି। ଜାନୁୟାରୀ ୩୦ରୁ ଫେବୃୟାରୀ ୨୦ ପର୍ଯ୍ୟନ୍ତ ମାଂସ ଦୋକାନ, ହୋଟେଲ ଏବଂ ରେଷ୍ଟୁରାଣ୍ଟ ବନ୍ଦ ପାଇଁ ନଗର ନିଗମ ନିର୍ଦ୍ଦେଶ ଦେଇଛି।
ବିବିଏମ୍ପି ପକ୍ଷରୁ ଏକ ବିଜ୍ଞପ୍ତିରେ କୁହାଯାଇଛି, ୟେଲାହଙ୍କା ବାୟୁସେନା ଷ୍ଟେଶନର ୧୦ କିଲୋମିଟର ପରିସୀମାରେ ଥିବା ସମସ୍ତ ମାଂସ ଦୋକାନ ସହ ହୋଟେଲ ବନ୍ଦ ରହିବ। ଏହି ଦୂରତ୍ୱ ମଧ୍ୟରେ ଆମିଷ ଖାଦ୍ୟ ପରିବେଷଣ ଏବଂ ବିକ୍ରୟ ସମ୍ପୂର୍ଣ୍ଣ ନିଷେଧ ହେବ। ଏହାକୁ କେହି ଉଲ୍ଲଂଘନ କଲେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଏହି ଶୋ’ ଫେବୃୟାରୀ ୧୩ରୁ ୧୭ ପର୍ଯ୍ୟନ୍ତ ଚାଲିବ।
