ନୋଏଡା,୭।୩: ନୋଏଡା ଏକ୍ସଟେନ୍ସନରେ ଜଣେ ଦ୍ୱାଦଶ ଶ୍ରେଣୀ ଛାତ୍ରୀ ଟ୍ୟୁଶନ ଯାଉଥିବାବେଳେ ଜଣେ ୨୫ ବର୍ଷୀୟ ପଡୋଶୀ ତାଙ୍କୁ ବଳାତ୍କାର କରିଥିବା ଅଭିଯୋଗ ହୋଇଛି। ବୁଧବାର ପୋଲିସ ଅଧିକାରୀମାନେ ଏହି ସୂଚନା ଦେଇଛନ୍ତି। ଅଧିକାରୀ କହିଛନ୍ତି ଯେ ଫେବୃଆରୀ ୨୯ରେ ଏହି ଘଟଣା ଘଟିଥିବା ବେଳେ ବର୍ତ୍ତମାନ ଅଭିଯୁକ୍ତଙ୍କୁ ବୁଧବାର ଶାହବେରୀ ଫର୍ନିଚର ମାର୍କେଟରୁ ଗିରଫ କରାଯାଇଛି।
ପୋଲିସ କହିଛି, ଛାତ୍ରୀଙ୍କ ବାପାଙ୍କ ଅନୁଯାୟୀ, ଝିଅ ଟ୍ୟୁଶନ ଯାଇଥିବା ବେଳେ ଅଭିଯୁକ୍ତ ତାଙ୍କ ସହ କଥା ହୋଇଥିଲେ। ତା’ପରେ ସେ ତାଙ୍କୁ ବିଷାକ୍ତ ପଦାର୍ଥ ଖାଇବାକୁ ଦେଇଥିଲେ, ଯେଉଁଥିପାଇଁ ସେ ଚେତାଶୂନ୍ୟ ହୋଇଯାଇଥିଲେ। ଏହା ପରେ ସେ ତାଙ୍କୁ ଏକ ଫ୍ଲାଟକୁ ନେଇ ଯାଇଥିଲେ।
ପୋଲିସର ମୁଖପାତ୍ର କହିଛନ୍ତି, ସ୍ଥାନୀୟ ବିସ୍ରାକ ପୋଲିସ ଷ୍ଟେସନ ମଙ୍ଗଳବାର ଏହି ଘଟଣା ସମ୍ପର୍କରେ ସୂଚନା ପାଇଥିଲା, ଏହା ପରେ ବଳାତ୍କାର ଏବଂ ପୋକସୋ ଆକ୍ଟ ସମେତ ଭାରତୀୟ ଦଣ୍ଡବିଧି ଆଇନର ବିଭିନ୍ନ ବିଭାଗରେ ମାମଲା ରୁଜୁ ହୋଇଥିଲା।
