Posted inଫୁରସତ

ନାହିଁ ସେଇ ମଜା

ଦୂର ଜାଗା ମନା:କରୋନା ପାଇଁ ଲାଗିଥିବା କଟକଣା କାରଣରୁ ଏବର୍ଷ ବୁଲାବୁଲି କରିବାର ସୁଯୋଗ ମିଳିନି। ହେଲେ ବର୍ଷ ଶେଷ ବେଳକୁ ଖ୍ରୀଷ୍ଟମାସ ଆଉ ନୂଆବର୍ଷ ପାଳିବାକୁ ଲୋକଙ୍କ ମନରେ କିଛିଟା ଉତ୍ସାହ ଦେଖାଦେଇଛି। ଏପଟେ କଟକଣା ଟିକିଏ କୋହଳ ହୋଇଥିବାରୁ ବିଭିନ୍ନ ପର୍ଯ୍ୟଟନ ସ୍ଥାନକୁ ଯିବାର ଅନୁମତି ବି ମିଳିଲାଣି। ତେଣୁ ପିଲାଙ୍କୁ ସପରିବାରେ ଧରି ଏବେ ଅନେକେ ପିକ୍‌ନିକ୍‌ କରିବା ଆରମ୍ଭ କରିଛନ୍ତି। କରୋନା କଟକଣା ଭିତରେ ପିକ୍‌ନିକ୍‌ ପାଇଁ ଲୋକେ ଏବେ ପାଖ ସ୍ଥାନକୁ ହିଁ ଯିବାକୁ ଇଚ୍ଛା କରୁଛନ୍ତି।
ସାନିଟାଇଜର, ମାସ୍କ: ଆଗରୁ ପିକ୍‌ନିକ୍‌ ଯିବା ପୂର୍ବରୁ ପାଣି ବୋତଲ, ଖାଦ୍ୟ, ପୋଷାକ ଆଦି ବିଭିନ୍ନ ଜିନିଷ ସାଇତି ସାଙ୍ଗରେ ନେବାକୁ ପଡୁଥିଲା, କିନ୍ତୁ ଏବେ ସର୍ବପ୍ରଥମେ ସାନିଟାଇଜର ଆଉ ମାସ୍କର ଆବଶ୍ୟକତା ରହିଛି। କୌଣସି ସ୍ଥାନକୁ ଯିବା ପରେ ସେଠାରେ ପ୍ରଥମେ ସାନିଟାଇଜ୍‌ କରିବା ଉଚିତ। ଏହା ସହିତ ବାହାରେ ଲୋକଙ୍କ ସଂସ୍ପର୍ଶରେ ଆସିବାବେଳେ ମାସ୍କ ପିନ୍ଧିବା କିମ୍ବା ଦୂରତା ବଜାୟ ରଖିବା ନିହାତିଭାବେ ବୁଦ୍ଧିମାନର କଥା।
ପିକ୍‌ନିକ୍‌ ସ୍ପଟ: ପିକ୍‌ନିକ୍‌ କରିବା ପାଇଁ ପ୍ରାୟତଃ ଲୋକେ ବସ୍‌ କିମ୍ବା ଟ୍ରେନ ଅବା ନିଜର ଗାଡ଼ି କରି ବିଭିନ୍ନ ସ୍ଥାନକୁ ଯାଇଥାନ୍ତି। କିନ୍ତୁ ଏଥର କରୋନା ସବୁଥିରେ ବ୍ରେକ୍‌ ଲଗାଇଛି। ଲୋକେ କଟକଣା ଭିତରେ ପିକ୍‌ନିକ୍‌ ତ କରୁଛନ୍ତି, କିନ୍ତୁ ପିକ୍‌ନିକ୍‌ ନିମନ୍ତେ ପୂର୍ବଭଳି ବିଭିନ୍ନ ପର୍ଯ୍ୟଟନ ସ୍ଥାନ ଯାଉ ନାହାନ୍ତି। ଘରେ ସମସ୍ତେ ଏକାଠି ବାହାରକୁ ଆସି ଶପିଂ କରିବା କି ବୁଲାବୁଲି କରି ଖିଆପିଆ କରିବା ବି ଏବେ ପିକ୍‌ନିକ୍‌ ଭଳି ମଜା ନେଉଛନ୍ତି। କାରଣ ମାସ ମାସ ଧରି ଘର ଭିତରେ ରହିବା ଫଳରେ ସମସ୍ତେ ଏକାଠି ହୋଇ ବାହାରେ ବୁଲିବା ବି ଏକପ୍ରକାରର ପିକ୍‌ନିକ୍‌। ତା’ ଛଡ଼ା ପିକ୍‌ନିକ୍‌ ସ୍ପଟଗୁଡ଼ିକ କାଳେ ଗହଳି ହେଉଥିବ ଭାବି ଅନେକେ ମଧ୍ୟ ସେଠାକୁ ଯାଉ ନାହାନ୍ତି।
ବେପାର ମାନ୍ଦା: ପିକ୍‌ନିକ୍‌ ପାଇଁ ବିଭିନ୍ନ ସଂସ୍ଥା ଦୁଇ ଦିନିଆ, ପାଞ୍ଚ ଦିନିଆ, ସାତ ଦିନିଆ କି ୧୫ ଦିନିଆ ପ୍ୟାକେଜ୍‌ ବି ଦେଇଥାନ୍ତି। ସାଧାରଣତଃ ପରିବାରର ସବୁ ସଦସ୍ୟ ବର୍ଷକୁ ଥରେ ଏହି ସମୟରେ ଖ୍ରୀଷ୍ଟମାସ ଆଉ ନୂଆବର୍ଷ ଛୁଟିଥିବାରୁ ପିକ୍‌ନିକ୍‌ କରିବାକୁ ଯାଇଥାନ୍ତି। ଏବର୍ଷ କିନ୍ତୁ କରୋନା ପାଇଁ ବିଭିନ୍ନ ଟ୍ରାଭେଲ ଏଜେନ୍ସିରେ ଆଉ ଭିଡ଼ ହୋଇନି। କାରଣ ଲୋକେ ପିକ୍‌ନିକ୍‌ ପାଇଁ ଦୂର ଜାଗାକୁ ଯାଇ ନାହାନ୍ତି। ଏହି ଦୃଷ୍ଟିରୁ ଟ୍ରାଭେଲ ଏଜେନ୍ସିଗୁଡ଼ିକର ବେପାର ବି ଢେର୍‌ ମାନ୍ଦା ପଡ଼ିଛି।
ଘର ଖାଦ୍ୟ: କାଁ ଭାଁ ପିକ୍‌ନିକ୍‌ ପାଇଁ ପରିବାର ମିଶି କେଉଁଠିକୁ ଯାଉଛନ୍ତି। ହେଲେ ଏଥିପାଇଁ ଗୃହିଣୀମାନେ ପ୍ରାୟତଃ ଘରୁ ଖାଦ୍ୟ ତିଆରି କରିବା ପାଇଁ ଚେଷ୍ଟା କରୁଛନ୍ତି। କରୋନା ପାଇଁ ଏବେ ଗୃହିଣୀମାନେ ବେଶି ସଚେତନ। ପରିବାରରେ ସମସ୍ତଙ୍କର ସୁରକ୍ଷାକୁ ଦୃଷ୍ଟିରେ ରଖି ସେମାନେ ନିଜେ ଖାଦ୍ୟ ତିଆରି କରି ସାଙ୍ଗରେ ନେବାକୁ ଉଚିତ ମନେ କରୁଛନ୍ତି। ନିହାତି ଛୋଟ ମୋଟ ସ୍ନାକ୍ସ ହୁଏତ ବାହାରୁ କିଣି ଖାଇହେବ କିନ୍ତୁ ମୁଖ୍ୟ ରନ୍ଧା ଖାଦ୍ୟ ଘରେ ଖାଇବା ଭଲ ବୋଲି ଗୃହିଣୀମାନେ ମତ ଦେଉଛନ୍ତି।

ଏମାନେ ଯାହା କହନ୍ତି
ଅପେକ୍ଷା ଆରବର୍ଷକୁ: ପ୍ରତିବର୍ଷ ଆମେ ଡିସେମ୍ବର ମାସରେ ଫ୍ୟାମିଲି ପିକ୍‌ନିକ୍‌ରେ ଯାଉ। କିନ୍ତୁ ଏଥର ପିକ୍‌ନିକ୍‌ ପାଇଁ କୌଣସି ଦୂର ଜାଗାକୁ ଯାଇ ହେଲାନି। ବାବା ମନାକଲେ କରୋନା ପାଇଁ ଦୂରକୁ ଯାଇହେବନି, ତେଣୁ ଏଇଠି ପାଖକୁ ଯାଇ ବୁଲି ଆସିବା। ସେଥିପାଇଁ ଆମେ କୋଣାର୍କ ଯାଇଥିଲୁ। ମନ୍ଦିର ଭିତରକୁ ସିନା ଯାଇ ପାରିଲୁନି ହେଲେ ବେଳାଭୂମିରେ କିଛି ସମୟ କଟାଇ ଗୋଟିଏ ଦିନରେ ଫେରି ଆସିଲୁ। ହେଲେ ପିକ୍‌ନିକ୍‌ରେ ବି ଆମକୁ ଘର ତିଆରି ଖାଇବା ଜିନିଷ ହିଁ ମିଳିଲା। ମାମା ଘରୁ ସବୁ ରୋଷେଇ କରି ନେଇଥିଲେ ଆମେ ସେଇଠି ବସି ଖାଇଲୁ। ବାହାରୁ କିଛି ଖାଇବା ପାଇଁ ବାବା ମନାକଲେ। କରୋନା ପାଇଁ ପିକ୍‌ନିକ୍‌ର କିଛି ମଜା ଆସିଲାନି। ସେଥିପାଇଁ ବାବା କହିଛନ୍ତି କରୋନା ପୂରା କମିଗଲେ ଆଉ ଥରେ ଆମେ ପିକ୍‌ନିକ୍‌ କରିବୁ।
-ଅଭୀପ୍‌ସା ପତି, ଯୁକ୍ତ ଦୁଇ ଛାତ୍ରୀ, ଶୈଳବାଳା ମହିଳା ମହାବିଦ୍ୟାଳୟ, କଟକ
ଗାଁକୁ ଗଲେ ପିକ୍‌ନିକ୍‌ ଭଳି ଲାଗେ
ଏବର୍ଷ ପିକ୍‌ନିକ୍‌ ଯିବାକଥା ଆମେ ଭାବିନୁ। କରୋନା ପାଇଁ ତ ସବୁଆଡ଼େ କଟକଣା। ତେଣୁ ପିକ୍‌ନିକ୍‌ର କିଛି ମଜା ଆସିବନି। କିନ୍ତୁ ନୂଆ ବର୍ଷରେ କେତେଜଣ ନିକଟ ସମ୍ପର୍କୀୟଙ୍କ ସହିତ ଏକାଠି ମିଶି ପାର୍ଟି କରିବୁ ବୋଲି ଭାବିଛୁ। ସେଥିପାଇଁ ଆମେ ସମସ୍ତେ ଗାଁକୁ ଯିବୁ ଆଉ ନୂଆବର୍ଷ ପରଦିନ ଫେରି ଆସିବୁ। ଅବଶ୍ୟ ଗାଁରେ ଥରେ ବୁଲି ଆସିଲେ ପିକ୍‌ନିକ୍‌ ଭଳି ହିଁ ଲାଗିଥାଏ। କିନ୍ତୁ ଦୂର ଜାଗାକୁ ଏବର୍ଷ ଯାଇ ହେଲାନି।
-ରିତୁ ରୌମ୍ୟା ସାମଲ,
ଫିଜିକ୍ସ ଛାତ୍ରୀ, କିଟ୍‌, ଭୁବନେଶ୍ୱର
ବୁଲାବୁଲି କଲେ ପିକ୍‌ନିକ୍‌ ଭଳି ଲାଗୁଛି: ଏବର୍ଷ ଆରମ୍ଭରୁ ପ୍ରାୟ ବର୍ଷେ ହେଲାଣି ଘରେ ରହି ସମସ୍ତେ ବୋର୍‌ ହୋଇଗଲେଣି। ତେଣୁ ପିକ୍‌ନିକ୍‌ ଯାଇ ନ ଥିଲେ ପିଲାଙ୍କ ମୁଣ୍ଡ ଖରାପ ହୋଇ ଯାଇଥାନ୍ତା। ପାଖ ଜାଗା ସବୁ ହେଉ ପଛକେ ସମସ୍ତେ ଏକାଠି ଟିକେ ବାହାରକୁ ଯାଇ ବୁଲାବୁଲି କରି ଖିଆପିଆ କରି ଆସିଲୁଣି। ନୂଆବର୍ଷକୁ ଟିକେ ଭଲକି ମନେଇବାକୁ ପ୍ଲାନ କରିଛୁ। ଏବେ କରୋନା ଭୟ ଟିକେ କମ୍‌ ହୋଇଥିବାରୁ ଆମେ ସମସ୍ତେ ବାହାରକୁ ମାସ୍କ ପିନ୍ଧି ସାନିଟାଇଜର ନେଇ ଯାଉଛୁ ଆଉ ପରିଷ୍କାର ପରିଚ୍ଛନ୍ନ ହୋଟେଲ ଦେଖି ଖାଉଛୁ।
-ପ୍ରଭାସିନୀ ସାମନ୍ତରାୟ, ଗୃହିଣୀ, ରାମ୍ପୋ, ମାର୍କୋଣା, ବାଲେଶ୍ୱର
ବେଶି ମଜା ଲାଗିଲାନି: ପିକ୍‌ନିକ୍‌ ତ ଆମେ ଯାଇଥିଲୁ। କରୋନା କଟକଣା ଟିକେ କୋହଳ ହେଲାଣି ବୋଲି ପିଲାମାନଙ୍କ ସହ ଯାଇ ଟିକେ ବୁଲି ଆସିଲୁ। ଗୋଟିଏ ଦିନରେ କେବଳ ଏଇ ପାଖ ଜାଗାକୁ ଯାଇ ଫେରି ଆସିଲୁ। ମତେ କିନ୍ତୁ ଏଥର ପିକ୍‌ନିକ୍‌ର ମଜା ଜମାରୁ ଆସିଲାନି। କାହିଁକି ନା ସବୁ ଦିନ ଭଳି ମୁଁ ହିଁ ରୋଷେଇ କରି ଘରୁ ସାଙ୍ଗରେ ନେଇଗଲି ଆଉ ପାର୍କରେ ବସି ମୁଁ ହିଁ ଖାଦ୍ୟ ପରଷିଲି। କରୋନା ପାଇଁ କୌଣସି ହୋଟେଲରେ ଖାଇଲୁନି। ବାହାରେ ବୁଲି ବାହାରେ ଖାଇବାର ମଜା ଟିକେ ଅଲଗା। ଖାଲି ପିଲାମାନେ ଜିଦ୍‌ କଲେ ବୋଲି ଆମେ ସମସ୍ତେ ଗୋଟିଏ ଗାଡ଼ିରେ ଯାଇ ଫେରି ଆସିଲୁ।
-ସ୍ମିତାଞ୍ଜଳି ବେହେରା, ଗୃହିଣୀ, ପ୍ରତାପନଗରୀ, କଟକ

 


Enter your email to get our daily news in your inbox.

All Right Reserved By Dharitri.Com

ପୋଲିସ ନମ୍ବରରୁ ହ୍ବାଟ୍ସଆପ୍‌କୁ ଆସିବ କଲ୍‌, ମିଳିବ ଧମକ, ଭୟଭୀତ ହେଲେ ଆକାଉଣ୍ଟ ହୋଇଯିବ ଖାଲି…

ଦୁଇମାସ ତଳେ କେରଳର ଜଣେ ବାସିନ୍ଦା ପୋଲିସ ଅଧିକାରୀଙ୍କ ଡିପି ଥାଇ ଏକ ନମ୍ବରରୁ ହ୍ବାଟ୍ସଆପ୍‌କୁ କଲ୍‌ ଆସିଥିଲା। ସେ ଏହାକୁ ଉଠାଇବା ମାତ୍ରେ ଏକ...

ଅଜବ ଘର: ଦେଖିବାକୁ ବଙ୍କାତେଢ଼ା ମାତ୍ର ଆକର୍ଷଣୀୟ, ଜାଣନ୍ତୁ ଏହାର ସ୍ବତନ୍ତ୍ରତା…

ଦୁନିଆରେ ଅନେକ ଅଟ୍ଟାଳିକା ଅଛି, ଯାହା ଅନେକ କାରଣ ପାଇଁ ଲୋକଙ୍କୁ ଆକର୍ଷିତ କରିଥାଏ। କିଛି ଘର ଡିଜାଇନକୁ ନେଇ ବେଶ୍‌ ଆକର୍ଷଣୀୟ ହୋଇଥାଏ। ଆଜି...

ନିର୍ବାଚନବେଳେ ଜବତ ମଦ-ଟଙ୍କା କିଏ ରଖନ୍ତି, ଜାଣିଲେ ହୋଇଯିବେ ତାଜୁବ

ନୂଆଦିଲ୍ଲୀ,୨୮।୩: ଦେଶରେ ଲୋକ ସଭା ନିର୍ବାଚନ ପାଇଁ ବାଜିସାରିଛି ବିଗୁଲ । ଲୋକ ସଭା ନିର୍ବାଚନର ତାରିଖ ମଧ୍ୟ ନିର୍ବାଚନ ଆୟୋଗ ଘୋଷଣା କରିଛନ୍ତି। ଏହା...

ଭାରତର ଏହି ସହରରେ ପ୍ରସ୍ତୁତ ହୁଏ ଆଇପିଏଲ୍‌ ବଲ୍‌, ବର୍ଷକୁ ୫୦୦ କୋଟି ଟଙ୍କା ରୋଜଗାର

ବର୍ତ୍ତମାନ ଆଇପିଏଲ ଚାଲିଛି। ଇଣ୍ଡିଆନ ପ୍ରିମିୟର ଲିଗ୍‌କୁ ନେଇ ଲୋକଙ୍କ ମଧ୍ୟରେ ଏକ ବଡ଼ କ୍ରେଜ୍‌ ରହିଛି। ଏହି ପ୍ରତିଯୋଗିତା ୬୬ ଦିନ ପର୍ଯ୍ୟନ୍ତ ଚାଲିବ।...

କଫି ସହ ମଣିଷ ରକ୍ତ ମିଶାଇ ପିଉଛନ୍ତି ଏହି ମହିଳା

ଦୁନିଆରେ,ପ୍ରତ୍ୟେକ ମଣିଷଙ୍କର ନିଜସ୍ବ ସଉକ ଅଛି। କିଏ ଭ୍ରମଣ କରିବାକୁ ଭଲ ପାଆନ୍ତି ତ ଆଉ କିଏ ଖାଇବାକୁ ଭଲ ପାଆନ୍ତି। କେତେକ ଗୀତ ଗାଇବାକୁ...

ପୃଥିବୀର ପଡୋଶୀରେ ଅଛନ୍ତି ଏଲିଏନ୍ସ, ୨୦୩୦ ସୁଦ୍ଧା ଖୋଜିଦେବ ନାସା!

ଓ୍ବାଶିଂଟନ,୨୫।୩: ଏଲିଲନ୍ସ ସତରେ ଅଛନ୍ତି କି। ଯଦି ଅଛନ୍ତି, ସେମାନେ କେଉଁଠାରେ ରୁହନ୍ତି? ଏହି ଦୁଇଟି ପ୍ରଶ୍ନର ଉତ୍ତର ଖୋଜିବାରେ ସାରା ବିଶ୍ୱର ସ୍ପେସ ଏଜେନ୍ସିମାନେ...

ଓଡ଼ିଆ ଜନଜୀବନରେ ଦୋଳଯାତ୍ରା

ଫାଲ୍‌ଗୁନ ଶୁକ୍ଳ ଦଶମୀ ତିଥିଠାରୁ ସାଧାରଣତଃ ଓଡ଼ିଆ ଜନଜୀବନରେ ଦୋଳଯାତ୍ରା ଆଧ୍ୟାତ୍ମିକ ଭକ୍ତିପୂତ ପରିବେଶରେ ଆରମ୍ଭ ହୋଇଥାଏ। ଏହି ପର୍ବର ମୁଖ୍ୟ ଆରାଧ୍ୟ ଠାକୁର ପ୍ରେମମୟ...

ବୋତଲ ଭିତରେ ଅଠା ଲାଖେ ନାହିଁ କାହିଁକି

ବିଜ୍ଞାପନରେ ଅନେକ ଅଠା କମ୍ପାନୀ ଦାବି କରନ୍ତି ଯେ, ତାଙ୍କର ସାମାନ୍ୟ ଟିକେ ଅଠା ଯେକୌଣସି ଜିନିଷକୁ ଯୋଡିପାରେ। ଆଉ ଏମିତି ଯୋଡିବ ଯେ ଯୋଡା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri