ଝୁଡିରେ ରଖାଯାଇଥିବା ତାଜା କମଳା ହେଉ କି ସଦ୍ୟ ଖୋଳା ହୋଇ ଅଣାଯାଇଥିବା ଆଳୁର ଏହି ଫଟୋ ଦେଖି ଭାରି ଇଚ୍ଛା ହେଉଥିବ ଏମିତି ତାଜା ଫଳ ଓ ପନିପରିବା ମିଳନ୍ତା କି! କିନ୍ତୁ ଜାଣି ରଖନ୍ତୁ ଏସବୁ ସତସତିକା ନୁହେଁ। ଯଦି ଏହାକୁ ଛୁରିରେ କାଟିବେ ତେବେ ଜାଣିପାରିବେ ଏହା କ’ଣ। ପ୍ରକୃତରେ ଏହି ତାଜା ଫଳ ଓ ପନିପରିବା ହେଉଛି ବନ୍ ଓ କେକ୍। ଏହାକୁ ପ୍ରସ୍ତୁତ କରିଛନ୍ତି ଭିଏତ୍ନାମର ମିଷ୍ଟାନ୍ନ ପ୍ରସ୍ତୁତକାରୀ ଲି ଥୁୟ। ପ୍ରଥମେ ଷ୍ଟିମ୍ଡ ବନ ତିଆରି କରିବା ପରେ ଏହା ଉପରେ ଖାଇବା ରଙ୍ଗ ଏସେନ୍ସିଆଲ ଅଏଲ୍ ଆଦି ବ୍ୟବହାର କରି ତାକୁ ସତସତିକା ଫଳ ଓ ପରିବାର ରୂପ ଦିଅନ୍ତି। ସେ ତିଆରି କରିଥିବା ଆଳୁ ତ ଏତେ ବାସ୍ତବ ଲାଗେ ଯେ, ନ କାଟିବା ପର୍ଯ୍ୟନ୍ତ କେହି ବିଶ୍ୱାସ କରିପାରିବେ ନାହିଁ ତାହା ଆଳୁ ନୁହେଁ ବନ୍ ବୋଲି।
