ଆଚାର୍ଯ୍ୟ ଚାଣକ୍ୟଙ୍କ ନୀତି ବହୁତ କଠୋର। ହେଲେ ସେ ସର୍ବଦା ଜୀବନର ସତ୍ୟତା ବିଷୟରେ ଲେଖୁଥିଲେ। ଏଗୁଡ଼ିକ ବ୍ୟକ୍ତିକୁ ସଫଳ କରିବାରେ ସହଯୋଗୀ ସାବ୍ୟସ୍ତ ହୋଇଥାଏ। ଏଣୁ ସମସ୍ତଙ୍କୁ ଏଗୁଡ଼ିକୁ ନିଜ ଜୀବନରେ ପ୍ରୟୋଗ କରିବା ଉଚିତ।
ଚାଣକ୍ୟ କୁହନ୍ତି, ବ୍ୟକ୍ତିକୁ ନିଜ ବିଷୟରେ କିଛି କଥା କାହାରିକୁ କହିବା ଉଚିତ ନୁହେଁ। କାରଣ କିଛି ଲୋକ ଏଭଳି ଥାଆନ୍ତି
ଯେଉଁମାନେ ଅନ୍ୟର ଆଗରେ ଗୋଟିଏ କଥା, ପଛରେ ଆଉ ଗୋଟିଏ କଥା କହିଥାନ୍ତି। ସେମାନେ ଆପଣଙ୍କର କଥାର ମଜା ଉଡ଼ାଇ ପାରନ୍ତି। ଏଣୁ ଆପଣଙ୍କୁ ତାଙ୍କଠାରୁ ସହାନୁଭୂତି ନ ପାଇ ଅଧିକ ଦୁଃଖ ହୋଇପାରେ। ଏଣୁ ଏସବୁ କଥାକୁ ଲୁଚାଇ ରଖିବା ଉଚିତ ବୋଲି ଚାଣକ୍ୟ କହିଛନ୍ତି।
-ଚାଣକ୍ୟ ଏହି ଶ୍ଳୋକରେ କହିଛନ୍ତି, ପ୍ରତି ମନୁଷ୍ୟ ଜୀବନରେ ଅନେକ ଥର ଧନ ହରାଇଥାନ୍ତି। ଟଙ୍କାପଇସା କାରୋବାରରେ କ୍ଷତି ସହିଥାନ୍ତି। ତେବେ ଏ ବିଷୟରେ ଏହାକୁ କାହାରିକୁ କହିବା ଉଚିତ ନୁହେଁ। କାରଣ କ୍ଷତିରେ ଚାଲୁଥିବା କେହି ଜାଣିଲେ ସହାୟତା କରିବାକୁ ଇଚ୍ଛା ପ୍ରକାଶ କରି ନ ଥାନ୍ତି। ବରଂ ଆପଣଙ୍କଠାରୁ ଦୂରେଇ ଯାଇ ପାରନ୍ତି।
-ଚାଣକ୍ୟ କୁହନ୍ତି, ନିଜର ଦୁଃଖ କାହାରିକୁ କହିବା ଉଚିତ ନୁହେଁ। ନିଜର ଦୁଃଖ ସବୁବେଳେ ନିଜ ଭିତରେ ରଖନ୍ତୁ। କୌଣସି ଅନ୍ୟ ବ୍ୟକ୍ତିଙ୍କୁ କହିବା ଉଚିତ ନୁହେଁ। କାରଣ କେହି ଅନ୍ୟ କାହାର ଦୁଃଖରେ ଦୁଃଖି ହୋଇ ନ ଥାଏ। ସେ ସାମ୍ନାରେ ସମବେଦନା ଜଣାଇଲେ ହେଁ ଦୁଃଖର ମଜା ଉଡାଇପାରନ୍ତି।
-ଚାଣକ୍ୟ କୁହନ୍ତି, ଜୀବନସାଥୀଙ୍କ ସହ ହୋଇଥିବା ଝଗଡ଼ା, ବିବାଦ ଆଦି ବିଷୟରେ କାହାରିକୁ କହିବା ଉଚିତ ନୁହେଁ। କାରଣ ଏପରି କଲେ ଆପଣଙ୍କର କ୍ଷତି। ଲୋକମାନେ କେବଳ ଯେ ସ୍ତ୍ରୀଙ୍କ ମଜା ଉଡାଇବେ ତାହା ନୁହେଁ ପରବର୍ତ୍ତୀ ସମୟରେ ଦାମ୍ପତ୍ୟ ଜୀବନ ସୁଖମୟ ହେବା ପରେ ବି ସେ ବିଷୟରେ କହିବେ।
