ଭୁବନେଶ୍ୱର, ୨୩।୩(କ୍ରୀଡ଼ା ପ୍ରତିନିଧି)-ଜାତୀୟ ପାରା ଆଥଲେଟିକ୍ସର ୧୯ତମ ସଂସ୍କରଣ ଚଳିତମାସ ୨୪ରୁ ୨୭ ପର୍ଯ୍ୟନ୍ତ ବେଙ୍ଗାଲୁରୁର କାନ୍ତିରଭା ଏବଂ ବିଦ୍ୟାନଗର ଷ୍ଟାଡିୟମରେ ଅନୁଷ୍ଠିତ ହେବ। ଏଥିପାଇଁ ୧୧ ଆଥଲେଟ୍ଙ୍କୁ ମିଶାଇ ୧୩ ଜଣିଆ ଓଡ଼ିଶା ଦଳ ସୋମବାର ଘୋଷଣା କରାଯାଇଛି। ଆଗାମୀ ପ୍ରତିଯୋଗିତାରେ ଭାଗ ନେବାକୁ ଯାଉଥିବା ଆଥଲେଟ୍ମାନେ ହେଲେ ଜୟନ୍ତି ବେହେରା, ଗୋବିନ୍ଦ ଦୁବେ, ପଙ୍କଜ ଭୁଏ, ସ୍ବାଧୀନ ମାହାର, ନିରଞ୍ଜନ ସାହୁ, ସୁଖରାମ ମାଝି, ପୁନିଲ କୁମାର ମାନସିଂ, ଅକ୍ଷୟ କୁମାର ସାହୁ, ନିକଲାସ ପ୍ରଧାନ, ଅନିଲ କୁମାର ପରିନା, ରାଜେଶ ସାହୁ। କୋଚ୍: ବିଷ୍ଣୁ ପ୍ରସାଦ ମିଶ୍ର, ମ୍ୟାନେଜର: ବଙ୍କିମ ଚନ୍ଦ୍ର ମହାନ୍ତି। ସୋମବାର ସନ୍ଧ୍ୟାରେ ଓଡ଼ିଶା ଦଳ ବେଙ୍ଗାଲୁରୁ ଯାତ୍ରା କରିଛି। ଏହା ପୂର୍ବରୁ ପାରା ସ୍ପୋଟର୍ସ ଆସୋସିଏଶନ ସଭାପତି କମଳାକାନ୍ତ ରଥ, କୋଷାଧ୍ୟକ୍ଷ ସୁନୀଲ ପ୍ରଧାନ ଓ କାର୍ଯ୍ୟନିର୍ବାହୀ ସଦସ୍ୟ ଶୁଭଦର୍ଶିନୀ ବାରିକ ପ୍ରମୁଖ ଉପସ୍ଥିତ ରହି ଖେଳାଳିମାନଙ୍କୁ ସମ୍ବର୍ଦ୍ଧିତ କରି ଶୁଭେଚ୍ଛା ଜଣାଇଥିଲେ।
