Posted inଫୁରସତ

ପ୍ରଥମ ରୋଜଗାର ଦାନରେ ସରିଥିଲା: ସାହିତି୍ୟକ ଅଜୟ ମହାପାତ୍ର

ପୁରୀ ଜିଲା ପାରିକୁଦର ବଡ଼ଝାଡ଼ ଗାଁରେ ମୋ ଜନ୍ମ। ସ୍କୁଲ୍‌ ଓ କଲେଜ ପଢାବେଳେ ଗପ, ନାଟକ ଲେଖିବା ଓ ନାଟକରେ ଅଭିନୟ କରିବା ମୋର ନିଶା ଥିଲା। ସିଭିଲ୍‌ ଇଞ୍ଜିନିୟରିଂରେ ସ୍ନାତକୋତ୍ତର, ଓଡ଼ିଆରେ ଏମ.ଏ. ଓ ତା’ ସାଥିରେ ବାସ୍ତୁଶାସ୍ତ୍ର କୋର୍ସ କଲି। ଇଂଜିନିୟରିଂ ଫାଇନାଲ ପରୀକ୍ଷା ପରେ ଜଣେ ପରିଚିତ ବ୍ୟାଙ୍କ୍‌ ମ୍ୟାନେଜରଙ୍କ ଅନୁରୋଧ କ୍ରମେ ମୁଁ ତାଙ୍କ ଘର ପାଇଁ ପ୍ଲାନ ତିଆରି କରିଥିଲି। ପ୍ଲାନଟି ସେ ବ୍ୟାଙ୍କ୍‌ ମ୍ୟାନେଜରଙ୍କୁ ପସନ୍ଦ ଆସିବାରୁ ସେ ମୋତେ ଡାକିଲେ। ମନା କରିବା ସତ୍ତ୍ବେ ହାତରେ ଏକ ଖାମ୍‌ ଧରାଇଦେଲେ। ମୁଁ କିଛି ବୁଝିପାରିଲିନି। ପରେ ଖାମ୍‌ ଖୋଲି ଦେଖିଲି ସେଥିରେ ଦଶ ହଜାର ଟଙ୍କା ଥିଲା। ଏହା ୧୯୯୪ ମସିହାର ଘଟଣା। ସେତେବେଳେ ଏ ଟଙ୍କାର ମୂଲ୍ୟ ଢେର ଥିଲା। ଏହା ମୋର ପ୍ରଥମ ରୋଜଗାର ଥିଲା, ଏହାକୁ ମୁଁ ମହତ୍‌ କାମରେ ଲଗାଇବା ପାଇଁ ସ୍ଥିର କରିଥିଲି। ତେଣୁ ସେଥିରୁ ୫ହଜାର ଟଙ୍କା ନେଇ ଏକ ଅନାଥାଶ୍ରମକୁ ଦାନ କଲି। ଆଉ ହଜାରେ ଟଙ୍କା ରାମମନ୍ଦିର ଭିକାରିଙ୍କ ମଧ୍ୟରେ ବାଣ୍ଟିଦେଲି। ୨ ହଜାର ଟଙ୍କାର କିଛି ଇଂଜିନିୟରିଂ ଓ ସାହିତ୍ୟ ପୁସ୍ତକ କିଣିଥିଲି। ଆଉ ବାକି ୨ ହଜାର ଟଙ୍କା ଜଣେ ମିଛୁଆକୁ ଦେଇଥିଲି। ସେ ମୋତେ ମିଛ କାହାଣୀ କହି ମୋଠୁ ଶହେ, ଦୁଇ ଶହ ଟଙ୍କା ବେଳେବେଳେ ନେଉଥିଲା। ମୁଁ ଜାଣେ ସିଏ ମିଛ କହେ, ତଥାପି ମୁଁ ଦିଏ। କାରଣ ତା’ ମିଛ କାହାଣୀରୁ ମୋତେ କାହାଣୀ ମିଳୁଥିଲା। ତେଣୁ ତାକୁ ଯେଉଁ ଟଙ୍କା ମୁଁ ଦେଉଥିଲି ତାହା ଦୟା ନ ଥିଲା ବରଂ ତାହା ଥିଲା ତା’ର ପାଉଣା। ଏହିପରି ଭାବେ ମୋର ପ୍ରଥମ ରୋଜଗାରକୁ ମୁଁ ଖର୍ଚ୍ଚ କରିଥିଲି। ତେବେ ଏହି ରୋଜଗାରର ପ୍ରେରଣାରେ ମୁଁ ଘର ପ୍ଲାନ ଓ ବାସ୍ତୁ ଉପରେ କନ୍ସଲଟାନ୍ସି ଖୋଲିଥିଲି। ୨୦୦୪ରେ ରୁରାଲ୍‌ ଡେଭଲପମେଣ୍ଟ ଡିପାର୍ଟମେଣ୍ଟରେ ଆସିଷ୍ଟାଣ୍ଟ ଇଂଜିନିୟର ଭାବେ ଜଏନ୍‌ କରିବା ପର୍ଯ୍ୟନ୍ତ କନ୍ସଲଟାନ୍ସିରେ କାମ କରୁଥିଲି। ବର୍ତ୍ତମାନ ମୁଁ ଆସିଷ୍ଟାଣ୍ଟ ଏକ୍‌ଜିକ୍ୟୁଟିଭ୍‌ ଇଂଜିନିୟର ଭାବେ କାର୍ଯ୍ୟରତ। ଚାକିରି ସହିତ ଗପ, ନାଟକ, ଉପନ୍ୟାସ ତଥା ଟେକ୍ନିକାଲ୍‌ ଓ ବାସ୍ତୁଶାସ୍ତ୍ରକୁ ନେଇ ଅନେକ ପୁସ୍ତକ ରଚନା କରିଛି। ବର୍ତ୍ତମାନ ପର୍ଯ୍ୟନ୍ତ ଟେକ୍ନିକାଲ୍‌ ଓ ବାସ୍ତୁଶାସ୍ତ୍ର ଉପରେ ଆଧାରିତ ୨୦ଟି ଓଡ଼ିଆ ପୁସ୍ତକ ଓ ଗୋଟିଏ ଇଂରାଜୀ ପୁସ୍ତକ, ୧୦ଟି ଗଳ୍ପ ସଂକଳନ, ଓଡ଼ିଆରେ ୨ଟି ଓ ଇଂରାଜୀରେ ୧ଟି ଉପନ୍ୟାସ, ୮ଟି ନାଟ୍ୟପୁସ୍ତକ ଇତ୍ୟାଦି ପ୍ରକାଶିତ ହୋଇସାରିଲାଣି। ଏଥିସହିତ ମୋ ଲିଖିତ ୧୫ଟି ନାଟକ ବିଭିନ୍ନ ନାଟ୍ୟସଂସ୍ଥା ତରଫରୁ ମଞ୍ଚସ୍ଥ ବି ହୋଇସାରିଲାଣି। ସେହିପରି ମୋର କିଛି କାହାଣୀକୁ ନେଇ ଅତୀତରେ କେତୋଟି ସିରିଏଲ ଓ ଟେଲି ସିନେମା ବି ନିର୍ମାଣ କରାଯାଇଛି। ବର୍ତ୍ତମାନ ‘ଭୋଟ’ କାହାଣୀକୁ ନେଇ ଓଡିଆ ଚଳଚ୍ଚିତ୍ର ନିର୍ମାଣ ଚାଲୁଅଛି। ତା’ଛଡା ମୁଁ ମଧ୍ୟ କେତୋଟି ଟିଭି ସିରିଏଲରେ ଅଭିନୟ କରିବା ସହ ବାସ୍ତୁଶାସ୍ତ୍ର କାର୍ଯ୍ୟକ୍ରମଗୁଡିକରେ ଆଙ୍କରିଂ ବି କରିଛି। ଆଉ ତାକୁ ନେଇ ଅନେକ ପୁରସ୍କାର ଓ ସମ୍ମାନ ବି ମୋତେ ମିଳିଛି।
-ଅମ୍ବ୍ରିତା


Enter your email to get our daily news in your inbox.

All Right Reserved By Dharitri.Com

ଘର ମହକାଉଛି ବାସିଫୁଲ

ଠାକୁରଙ୍କ ନିକଟରେ ଅର୍ପଣ କରାଯାଇଥିବା ବାସିଫୁଲ ବି ଦେଇପାରିବ କୋଟି କୋଟି ଟଙ୍କାର ରୋଜଗାର, ଯାହାକୁ କରି ଦେଖାଇଛନ୍ତି କାନପୁରର ଅଙ୍କିତ ଅଗ୍ରଓ୍ବାଲ। ଗଙ୍ଗାନଦୀ କୂଳରେ...

ବିହାରରୁ କେରଳ ପର୍ଯ୍ୟନ୍ତ ୩୩୦୬ କିଲୋମିଟର ସାଇକେଲ ଚଳାଇ ଏହି ବାର୍ତ୍ତା ଦେଲେ ଛାତ୍ରୀ

ପାଟଣା,୧୮ା୮: ବିହାରର ନାଳନ୍ଦାରେ ରହୁଥିବା ଅପର୍ଣ୍ଣା ସିହ୍ନା ନାମକ ଜଣେ ଛାତ୍ରୀ ଏମିତି କାମ କରିଛନ୍ତି, ଯାହାକୁ ବିଭିନ୍ନ ମହଲରେ ପ୍ରଶଂସା କରାଯାଉଛି। ଅପର୍ଣ୍ଣା ‘ଗ୍ରୀନ୍‌...

ଛୋଟ ମହମ୍ମଦ ରଫି ଭାବେ ଜଣାଶୁଣା ଏହି ବାଳକ, ଗୀତ ଶୁଣିଲେ କରିବେ ପ୍ରଶଂସା

ଆଜିକାଲି ସୋସିଆଲ ମିଡିଆରେ ସୌରଭ କିଶାନ ତଥା ଛୋଟ ମହମ୍ମଦ ରଫିଙ୍କ ଭିଡିଓ ବେଶ୍‌ ଭାଇରାଲ ହେଉଛି। ସୌରଭଙ୍କୁ ଛୋଟ ମହମ୍ମଦ ରଫି କୁହାଯିବାର କାରଣ...

୨୦ ଟଙ୍କା ହିଁ ଥିଲା ମୋ ଜୀବନର ପ୍ରଥମ ରୋଜଗାର : ଲେଖକ ଚୌଧୁରୀ ବିଚିତ୍ରାନନ୍ଦ ପ୍ରହରାଜ

କଟକ ଜିଲା ମାହାଙ୍ଗା ବ୍ଲକ ଅନ୍ତର୍ଗତ ଝାଡେଶ୍ୱରପୁର ଗ୍ରାମରେ ମୋର ଜନ୍ମ। ଗାଁ ହାଇସ୍କୁଲ୍‌ରୁ ୧୯୭୧ରେ ମାଟ୍ରିକ୍‌ ପାସ୍‌ କରିବା ପରେ କେନ୍ଦ୍ରାପଡ଼ା କଲେଜରେ ବିଜ୍ଞାନରେ...

୨୬ ବର୍ଷ ବୟସ୍କା ମହିଳାଙ୍କର ୨ଟି ଗୁପ୍ତାଙ୍ଗ-୨ଟି ଗର୍ଭାଶୟ: ଥିଲେ ବିରଳ ରୋଗରେ ପୀଡ଼ିତ…

ଓ୍ବାଶିଂଟନ,୧୧।୪: ଆମେରିକାରେ ଜଣେ ୨୬ ବର୍ଷ ବୟସ୍କା ମହିଳା ବିରଳ ରୋଗରେ ପୀଡିତ ଥିବା ଜଣାପଡ଼ିଛି। ମହିଳା ଜଣକ ଗର୍ଭବତୀ ଥିଲେ। ଗର୍ଭଯନ୍ତ୍ରଣା ହେବାରୁ ତାଙ୍କୁ...

ବିୟର କଥା ମନେ ପଡ଼ିବାରୁ ଆଇସୋଲେଶନ ଓ୍ବାର୍ଡ ଛାଡ଼ି ପଳାଇଲେ ଏହି ଯୁବକ, ଆଉ ତା’ ପରେ…

ଲଣ୍ଡନ,୮ା୧୦: କୁହାଯାଏ, ଏମିତି କିଛି ବ୍ୟକ୍ତି ଅଛନ୍ତି ସେମାନେ ନିଶା ପାଇଁ ସବୁକିଛି କରିପାରନ୍ତି। ଠିକ୍‌ ଏମିତି ଏକ ଘଟଣା ଘଟିଛି ବ୍ରିଟେନ୍‌ରେ। ଏଠାକାର ଜଣେ...

ସତର୍କତାର ସହ କାଠ ପୋଲ ପାରି ହେଉଛି ହାତୀ: ଦେଖିଲେ ହେବେ ଆଶ୍ଚର୍ଯ୍ୟ

ପ୍ରତ୍ୟେକ ଦିନ ସୋସିଆଲ ମିଡିଆରେ କିଛିନା କିଛି ଭିଡିଓ ଏବଂ ଫଟୋ ଭାଇରାଲ ହୋଇଥାଏ। ସେଥିରୁ କେତେକ ଭିଡିଓ ଏବଂ ଫଟୋ ହସର ଖୋରାକ ଯୋଗାଉଥିବା...

ଯେଉଁଠି ବିବାହରେ ବର ଘରକୁ ଆସନ୍ତି କନ୍ୟାଯାତ୍ରୀ…

ଭାରତର ବିଭିନ୍ନ ଅଞ୍ଚଳରେ ଭିନ୍ନ ଭିନ୍ନ ପରମ୍ପରା ପାଳିତ ହୋଇଥାଏ। ସାଧାରଣତଃ ବିବାହରେ କନ୍ୟାଘରକୁ ବରଯାତ୍ରୀ ଆସିଥାନ୍ତି। ତେବେ ଛତିଶଗଡ଼, ଝାଡ଼ଖଣ୍ଡ, ଓଡ଼ିଶା, ମଧ୍ୟପ୍ରଦେଶ ଆଦି...

Advertisement
Archives

Model This Week