ମୁମ୍ବାଇ, ୧୨।୨: ଇଣ୍ଡିଆନ ସୁପର ଲିଗ୍ (ଆଇଏସ୍ଏଲ୍)ର ଶନିବାର ଅନୁଷ୍ଠିତ ୨ଟି ମ୍ୟାଚରେ ମୁମ୍ବାଇ ସିଟି ଅଫ୍ସି ଓ ବେଙ୍ଗାଲୁରୁ ଏଫ୍ସି ବିଜୟ ହାସଲ କରିଛି। ଗୋଆରେ ଅନୁଷ୍ଠିତ ମ୍ୟାଚରେ ମୁମ୍ବାଇ ସିଟି ଏଫ୍ସି ୫-୩ ଗୋଲରେ ଗୋଆକୁ ହରାଇଥିବାବେଳେ ବେଙ୍ଗାଲୁରୁରେ ଆୟୋଜିତ ମ୍ୟାଚରେ ବେଙ୍ଗାଲୁରୁ ଏଫ୍ସି ୧-୦ ଗୋଲରେ କେରଳ ବ୍ଲାଷ୍ଟର୍ସକୁ ପରାସ୍ତ କରିଛି। ଆହୁରି ୨ଟି ମ୍ୟାଚ ବାକିଥାଇ ମୁମ୍ବାଇ ସିଟି ଏଫ୍ସି ଦ୍ୱିତୀୟ ଥରପାଇଁ ଆଇଏସ୍ଏଲ୍ ସିଲ୍ଡ ହାସଲ କରିଛି। ପୂର୍ବରୁ ୨୦୨୦-୨୧ ସିଜନରେ ଦଳ ଏହି ସିଲ୍ଡ ହାସଲ କରିଥିଲା। ମୁମ୍ବାଇ ସିଟି ଏଫ୍ସି ୧୮ ମ୍ୟାଚରୁ ୧୪ ବିଜୟ ସହ ୪୬ ପଏଣ୍ଟ ପାଇ ସାରିଛି। ଅନ୍ୟ କୌଣସି ଦଳ ଏତେ ସଂଖ୍ୟକ ପଏଣ୍ଟ ପାଇବା ସମ୍ଭାବନା ନ ଥିବାରୁ ମୁମ୍ବାଇ ସିଲ୍ଡ ହାସଲ କରିଛି। ହାଇଦ୍ରାବାଦ ଏଫ୍ସି ୧୭ ମ୍ୟାଚରୁ ୩୬ ଓ କେରଳ ବ୍ଲାଷ୍ଟର୍ସ ୧୮ ମ୍ୟାଚରୁ ୩୧ ପଏଣ୍ଟ ପାଇ ପରବର୍ତ୍ତୀ ଦୁଇ ସ୍ଥାନରେ ରହିଛନ୍ତି।
