ମାଲେ,୨୮।୧: ରବିବାର (ଜାନୁଆରୀ ୨୮) ରେ ମାଲଦ୍ୱୀପ ସଂସଦରେ ଶାସକ ଦଳ ଏବଂ ବିରୋଧୀ ସାଂସଦଙ୍କ ମଧ୍ୟରେ ସଂଘର୍ଷ ହୋଇଥିଲା, ଯାହା ରାଷ୍ଟ୍ରପତି ମହମ୍ମଦ ମୁଇଜୁଙ୍କ ଦ୍ୱାରା ଡକାଯାଇଥିବା ସ୍ବତନ୍ତ୍ର ଅଧିବେଶନର ପ୍ରକ୍ରିୟାକୁ ବାଧା ଦେଇଥିଲା। ଏହି ସମୟ ମଧ୍ୟରେ ସେଠାରେ ବିଶୃଙ୍ଖଳା ହୋଇଥିଲା।
ସନ ଅନଲାଇନ ରିପୋର୍ଟ ଅନୁଯାୟୀ ରାଷ୍ଟ୍ରପତି ମୁଇଜୁଙ୍କ କ୍ୟାବିନେଟକୁ ଭୋଟ ଦେବା ପୂର୍ବରୁ ଏହି ଘଟଣା ଘଟିଛି। ଖବର ଅନୁଯାୟୀ, ସଂସଦରେ ଭୋଟ ଦେବା ପୂର୍ବରୁ ପିପୁଲ୍ସ ନ୍ୟାସନାଲ କଂଗ୍ରେସ (ପିଏନସି) ଏବଂ ପ୍ରୋଗ୍ରେସିଭ ପାର୍ଟି ଅଫ ମାଲଦ୍ୱୀପ (ପିପିଏମ) ର ସରମାର ସମର୍ଥକ ସାଂସଦ,ପୂର୍ବତନ ରାଷ୍ଟ୍ରପତି ଇବ୍ରାହିମ ମହମ୍ମଦ ସୋଲିହଙ୍କ ନେତୃତ୍ୱରେ ମାଲଦିଭିୟନ ଡେମୋକ୍ରାଟିକ ପାର୍ଟି (MDP) ବିରୋଧରେ ବିରୋଧ ପ୍ରଦର୍ଶନ କରିଥିଲେ।
ସ୍ଥାନୀୟ ନ୍ୟୁଜ ଚ୍ୟାନେଲ ଅନୁଯାୟୀ ମାଲଦ୍ୱୀପରେ ବିରୋଧୀ ଦଳ ମୁଇଜୁଙ୍କ କ୍ୟାବିନେଟର ୪ଜଣ ସଦସ୍ୟଙ୍କ ଅନୁମୋଦନକୁ ଅଟକାଇ ଦେଇଛନ୍ତି।
ଏହି ସମୟରେ, ନ୍ୟୁଜ ଚ୍ୟାନେଲ ଆଧାଧୁ ଏହି ଘଟଣାର ଏକ ଭିଡିଓ ଜାରି କରିଛି ଯେଉଁଥିରେ ଏମଡିପି ସାଂସଦ ଇସା ଏବଂ ପିଏନସି ସାଂସଦ ଅବଦୁଲ୍ଲା ରହିମ ଅବଦୁଲ ହାକିମଙ୍କ ଲଢେଇ ଦେଖିବାକୁ ମିଳିବ। ଭିଡିଓ ଫୁଟେଜରେ ଏହା ଦେଖାଯାଉଛି ଯେ ଶାହିମ ଇସାଙ୍କ ଗୋଡକୁ ଧରି ତଳେ ପଡ଼ିଯାଇଥିଲେ ଏବଂ ପରେ ଇସା ଶାହିମଙ୍କୁ ବେକରେ ବାଡେଇ କେଶ ଟାଣିଥିଲେ। ଏହି ଘଟଣାରେ ଆହତ ସାଂସଦ ଶାହିମଙ୍କୁ ଚିକିତ୍ସା ପାଇଁ ଆମ୍ବୁଲାନ୍ସରେ ଡାକ୍ତରଖାନା ନିଆଯାଇଛି।
ކެނދިކުޅުދޫ ދާއިރާގެ މެމްބަރު އީސާގެ ފައިގައި ހިފައި ކަނޑިތީމު މެމްބަރު ޝަހީމް ވައްޓާލާ މަންޒަރު. އެމްޑީޕީ ދޫކޮށް ޕީއެންސީއާ ގުޅުނު ސަރުކާރުގެ މެމްބަރުން މަޖިލީހަށް ހުރަސް އެޅުމާއެކު ތަޅުމުގައި ހަމަނުޖެހުން އަންނަނީ ހިނގަމުން. pic.twitter.com/mnmzvYKsrO
— Adhadhu (@AdhadhuMV) January 28, 2024
