Posted inଖେଳ

ଏମ୍‌ପିଏଲ୍‌ ସ୍ପୋଟର୍‌ସ ଟିମ୍‌ ଇଣ୍ଡିଆର ଅଫିସିଆଲ କିଟ୍‌ ପ୍ରାୟୋଜକ

ନୂଆଦିଲ୍ଲୀ,୧୮।୧୧(ପି.ଟି.): ଟିମ୍‌ ଇଣ୍ଡିଆର ଅଫିସିଆଲ କିଟ୍‌ ସ୍ପୋନ୍ସରସିପ୍‌ ନେଇ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ମଙ୍ଗଳବାର ଆନୁଷ୍ଠାନିକ ଭବେ ଘୋଷଣା କରିଛି। ଫାଣ୍ଟାସି ଗେମ୍‌ ସହିତ ଜଡିତଥିବା ମୋବାଇଲ ପ୍ରିମିୟର ଲିଗ୍‌ (ଏମ୍‌ପିଏଲ୍‌) ଏମ୍‌ପିଏଲ୍‌ ସ୍ପୋଟର୍‌ସ ଆପାରେଲ ଆଣ୍ଡ ଆସେସରିଜକୁ ଭାରତୀୟ ଦଳର କିଟ୍‌ ପ୍ରାୟୋଜକ ଓ ମର୍ଚ୍ଚାଣ୍ଡାଇଜ୍‌ ପାର୍ଟନର ଭାବେ ଘୋଷଣା କରାଯାଇଛି। ଉଭୟ ଭାରତୀୟ ପୁରୁଷ ଓ ମହିଳା ଦଳ ସମେତ ୧୯ ବର୍ଷରୁ କମ୍‌ ଦଳ ପାଇଁ ଏମ୍‌ପିଏଲ୍‌ ସ୍ପୋଟର୍‌ସ କିଟ୍‌ ସ୍ପୋନ୍ସର ରହିବ। ପୂର୍ବରୁ ଜଣାଶୁଣା କ୍ରୀଡ଼ା ପ୍ରସାଧାନ କମ୍ପାନୀ ନାଇକ୍‌ ଭାରତୀୟ କ୍ରିକେଟ ଦଳରେ କିଟ୍‌ ସ୍ପୋନ୍ସର ଥିଲା। ତେବେ ଏଥର ନାଇକ୍‌କୁ ହଟାଯାଇ ଏମ୍‌ପିଏଲ୍‌ ସ୍ପୋଟର୍‌ସକୁ ଏହି ଗୁରୁଦାୟିତ୍ୱ ପ୍ରଦାନ କରାଯାଇଛି। ଫଳରେ ଏମ୍‌ପିଏଲ୍‌ ସ୍ପୋଟର୍‌ସ ଭାରତୀୟ ଖେଳାଳିଙ୍କ ପାଇଁ ଜର୍ସି ପ୍ରସ୍ତୁତ କରିବା ସହ ଡିଜାଇନ୍‌ ମଧ୍ୟ କରିବ।
ନଭେମ୍ବର ୨ ତାରିଖରେ ବୋର୍ଡର ଆପେକ୍ସ କାଉନ୍‌ସିଲ୍‌ ଏ ନେଇ ଚୁକ୍ତି କରିଛି। ପୂର୍ବରୁ ୨୦୧୬ଠାରୁ ୨୦୨୦ ପର୍ଯ୍ୟନ୍ତ ନାଇକ୍‌ ପ୍ରାୟୋଜକ ଭାବେ ୪ ବର୍ଷୀୟା ଚୁକ୍ତି କରିଥିଲା। ଏଥିପାଇଁ ନାଇକ୍‌ ୩୭୦ କୋଟି ଟଙ୍କା ପ୍ରଦାନ କରିଥିଲା। ଏମ୍‌ପିଏଲ୍‌ ଏକ ଇ- ସ୍ପୋଟର୍‌ସ ପ୍ଲାଟଫର୍ମ ରୂପେ ପରିଚିତ। ଏହି କମ୍ପାନୀ ବହୁ ପରିମାଣରେ କ୍ରୀଡ଼ା ପୋଷାକ, କ୍ରିକେଟ ଉପକରଣ ସହିତ ମାସ୍କ, ରିଷ୍ଟ ବ୍ରାଣ୍ଡ, ଜୋତା ଓ ହେଡ୍‌ ଗିୟର ଭଳି ଅନ୍ୟାନ୍ୟ ସହାୟକ ଉପକରଣ ପ୍ରସ୍ତୁତ କରି ବଜାରକୁ ଛାଡିଥାଏ। ନଭେମ୍ବର ୨୦୨୦ରୁ ଡିସେମ୍ବର ୨୦୨୩, ୩ ବର୍ଷ ପାଇଁ ଏମ୍‌ପିଏଲ୍‌ ସ୍ପୋଟର୍‌ସ ବିସିସିଆଇ ସହ ଚୁକ୍ତି କରିଛି। ଆଗାମୀ ଅଷ୍ଟ୍ରେଲିଆ ଗସ୍ତ ପାଇଁ ଏମ୍‌ପିଏଲ୍‌ ସ୍ପୋଟର୍‌ସ ଦାୟିତ୍ୱ ନେବ। ଫଳରେ ଏହି ଗସ୍ତରେ ଭାରତୀୟ ଖେଳାଳିଙ୍କୁ ନୂଆ ଜର୍ସିରେ ଦେଖିବାକୁ ମିଳିବ। ସିନିୟର ପୁରୁଷ ଓ ମହିଳା ଦଳ ସହିତ ୧୯ ବର୍ଷରୁ କମ୍‌ ଦଳର ଖେଳାଳିମାନେ ନୂଆ ଜର୍ସି ପିନ୍ଧିବେ।
ଏମ୍‌ପିଏଲ୍‌ ସ୍ପୋଟର୍‌ସ ସହ ନୂଆ ଚୁକ୍ତି ଐତିହାସିକ ସାବ୍ୟସ୍ତ ହେବ ବୋଲି ବିସିସିଆଇ ସଭାପତି ସୌରଭ ଗାଙ୍ଗୁଲି କହିଛନ୍ତି। ୧୦୦ କୋଟିରୁ ଊର୍ଦ୍ଧ୍ୱ ପ୍ରଶଂସକଙ୍କ ପାଇଁ ନୂଆ ଜର୍ସି ବେଶ୍‌ ଉପଭୋଗ୍ୟ ହୋଇପାରିବ ବୋଲି ସେ କହିଛନ୍ତି। ଜର୍ସିକୁ ବାଦ୍‌ ଦେଲେ ଏହି କମ୍ପାନୀ ସୁଲଭ ମୂଲ୍ୟରେ ଲାଇସେନ୍ସପ୍ରାପ୍ତ ଟିମ୍‌ ଇଣ୍ଡିଆର ମର୍ଚ୍ଚାଣ୍ଡାଇଜ୍‌ ଅର୍ଥାତ ସାମଗ୍ରୀ ବିକ୍ରି ମଧ୍ୟ କରିବ। ଫଳରେ ପ୍ରଶଂସକମାନେ ମଧ୍ୟ ଏଥିରୁ ଉପକୃତ ହୋଇପାରିବେ। ବିସିସିଆଇ ସମ୍ପାଦକ ଜୟ ଶାହ ମଧ୍ୟ ଏ ନେଇ ସମାନ ମନ୍ତବ୍ୟ ଦେଇଛନ୍ତି।
ପୂର୍ବରୁ ନାଇକ୍‌ ମ୍ୟାଚ୍‌ ପ୍ରତି ୮୮ ଲକ୍ଷ ଟଙ୍କା ପ୍ରଦାନ କରୁଥିଲା। ତେବେ ଏମ୍‌ପିଏଲ୍‌ ସ୍ପୋଟର୍‌ସ ମ୍ୟାଚ ପିଛା ୬୫ ଲକ୍ଷ ଟଙ୍କା ପ୍ରଦାନ କରିବ। ଏଥିସହିତ ବିସିସିଆଇର ସାମଗ୍ରୀ ବିକ୍ରିରେ ୧୦ ପ୍ରତିଶତ ଅଂଶ ରୟାଲିଟି ବାବଦରେ ମଧ୍ୟ ମିଳିବ। ଏମ୍‌ପିଏଲ୍‌ ଏବେ ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌) ଫ୍ରାଞ୍ଚାଇଜ୍‌ କୋଲକାତା ନାଇଟ୍‌ ରାଇଡର୍ସ ଓ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ସମେତ କ୍ୟାରିବିୟାନ ପ୍ରିମିୟର ଲିଗ୍‌ (ସିପିଏଲ୍‌)ର ଏକ ଦଳ ସହ ଜଡିତ ରହିଛି। ଆୟର୍ଲାଣ୍ଡ ଓ ୟୁନାଇଟେଡ ଆରବ ଏମିରେଟ୍ସ (ୟୁଏଇ) କ୍ରିକେଟ ବୋର୍ଡ ସହ ମଧ୍ୟ ଏହି କମ୍ପାନୀ ଚୁକ୍ତି କରିଛି। ଭାରତ ଏକ ବୃହତ୍‌ ମାର୍କେଟ। ଏହି ଦେଶରେ ୧୦୦ କୋଟିରୁ ଊର୍ଦ୍ଧ୍ୱ କ୍ରିକେଟ ପ୍ରଶଂସକ ରହିଛନ୍ତି। ତେଣୁ ବିସିସିଆଇ ସହ ଚୁକ୍ତି କରି ଆମେ ଆନନ୍ଦିତ। ଏହି ଚୁକ୍ତି ଉଭୟ ପକ୍ଷ ପାଇଁ ବେଶ୍‌ ଲାଭବାନ ସାବ୍ୟସ୍ତ ହେବ ବୋଲି ଏମ୍‌ପିଏଲ୍‌ ସ୍ପୋଟର୍‌ସ ସିନିୟର ଭାଇସ୍‌ ପ୍ରେସିଡେଣ୍ଟ ଅଭଷେକ ମାଧବନ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

୬ ମାସରେ ପଦାର୍ପଣ କଲେ ବିରୁଷ୍କାଙ୍କ ଲାଡ୍‌ଲୀ

ଭାରତୀୟ କ୍ରିକେଟ୍‌ ଦଳର ଅଧିନାୟକ ବିରାଟ କୋହଲି ଏବଂ ଅଭିନେତ୍ରୀ ଅନୁଷ୍କା ଶର୍ମାଙ୍କ ଲାଡଲୀ ତଥା ଝିଅ ଭାମିକା ୬ ମାସରେ ପଦାର୍ପଣ କରିଛନ୍ତି। ଏହି...

ସାଇନାଙ୍କୁ ଦ୍ୱିତୀୟ ଡବ୍ଲ୍ୟୁଆଇଏମ୍‌ ନର୍ମ

ଭୁବନେଶ୍ୱର, ୧୦।୧୨(କ୍ରୀଡ଼ା ପ୍ରତିନିଧି)- ଓଡ଼ିଶାର ଚେସ୍‌ ଭବିଷ୍ୟତ ଭାବେ ବିବେଚିତ ହେଉଥିବା ମହିଳା ଫିଡେ ମାଷ୍ଟର ସାଇନା ସାଲୋନିକା ନିଜ ଲକ୍ଷ୍ୟ ପଥରେ ଆଉ ଏକପାଦ...

‘ବ୍ଲାକମେଲ କରିବା ସହ ହାତରେ ଟଙ୍କା ଦେଇଥିଲେ, କିନ୍ତୁ ମୁଁ ସ୍ପଟ୍‌ ଫିକ୍ସିଂ କରି ନାହିଁ’

ହରାରେ,୨୪।୧: ଅନ୍ତର୍ଜାତୀୟ କ୍ରିକେଟ୍‌ରେ ସ୍ପଟ୍‌ ଫିକ୍ସିଂ କରିବା ପାଇଁ ଜଣେ ଭାରତୀୟ ବ୍ୟବସାୟୀ ୧୫ ହଜାର ଡଲାର (୧୧ ଲକ୍ଷରୁ ଊର୍ଦ୍ଧ୍ୱ) ଦେଇଥିଲେ। କିନ୍ତୁ ଏ...

ଗ୍ରେଗ୍‌ ବାର୍କଲେ ଆଇସିସି ନୂଆ ଅଧ୍ୟକ୍ଷ

ଦୁବାଇ,୨୬।୧୧(ପି.ଟି.): ନ୍ୟୁଜିଲାଣ୍ଡ କ୍ରିକେଟ ମୁଖ୍ୟ ଗ୍ରେଗ୍‌ ବାର୍କଲେ ଅନ୍ତର୍ଜାତୀୟ କ୍ରିକେଟ କାଉନସିଲ (ଆଇସିସି)ର ନୂଆ ସ୍ବତନ୍ତ୍ର ଅଧ୍ୟକ୍ଷ ଭାବେ ନିର୍ବାଚିତ ହୋଇଛନ୍ତି। ସିଙ୍ଗାପୁରର ଇମ୍ରାନ ଖ୍ବାଜାଙ୍କୁ...

ବିଦେଶରେ ଫସି ରହିବାର ଫାଇଦା ଉଠାଇଲେ ଲିଅନ

ଚେନ୍ନାଇ, ୧୧।୭(ପି.ଟି.)-କରୋନା ଭାଇରସ ସଂକ୍ରମଣ ଜନିତ ଲକ୍‌ଡାଉନ୍‌ କଟକଣା ଯୋଗୁ ବିଦେଶରେ ଫସି ରହିବାର ଫାଇଦା ନେଇଛନ୍ତି ଭାରତର ଯୁବ ଅନ୍ତର୍ଜାତୀୟ ଚେସ୍‌ ମାଷ୍ଟର ଲିଅନ...

୩୯ ବଲରେ ୯୬ ରନ୍‌ର ବିସ୍ଫୋରକ ଇନିଂସ ଖେଳି ମଧ୍ୟ ଲଜ୍ଜିତ ହେଲେ ଏହି କ୍ରିକେଟର୍‌

ଆବୁଧାବି,୨।୧୨: ଇଂଲଣ୍ଡ ବ୍ୟାଟ୍ସମ୍ୟାନ ଟମ କୋହଲର କ୍ୟାଡମୋର ଆବୁଧାବିରେ ଖେଳାଯାଉଥିବା ଟି -୧୦ ଲିଗରେ ଇତିହାସ ସୃଷ୍ଟି କରିଛନ୍ତି। ୧୨ ଚୌକା, ୫ ଛକା ଏବଂ...

ହାର୍ଦ୍ଦିକ, ଗିଲ, ରଶିଦଙ୍କୁ ନେବ ଅହମ୍ମଦାବାଦ

ନୂଆଦିଲ୍ଲୀ, ୧୭ା୧- ଆଗାମୀ ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌) ଲାଗି ନୂଆ ଅହମ୍ମଦାବାଦ ଫ୍ରାଞ୍ଚାଇଜ୍‌ ହାର୍ଦ୍ଦିକ ପାଣ୍ଡ୍ୟା, ଆଫଗାନିସ୍ତାନ ଲେଗ୍‌ ସ୍ପିନର ରଶିଦ ଖାଁ ଏବଂ...

ତ୍ରିରାଷ୍ଟ୍ରୀୟ ଜୁନିୟର ମହିଳା ହକି: ପରାଜୟ ସତ୍ତ୍ୱେ ଭାରତ ଚାମ୍ପିୟନ

କାନବେରା,୯।୧୨(ପି.ଟି.)-  ଭାରତୀୟ ଜୁନିୟର ମହିଳା ହକି ଦଳ ଏଠାରେ ଅନୁଷ୍ଠିତ ତ୍ରିରାଷ୍ଟ୍ରୀୟ ହକି ସିରିଜ୍‌ରେ ପ୍ରଥମ ପରାଜୟ ବରଣ କରିଥିଲେ ହେଁ ଚାମ୍ପିୟନ ହୋଇଛି। ରବିବାର...

Advertisement


Archives

Model This Week