କଫ୍‌ ସିରପ୍‌ ପିଇ ୩୦୦ରୁ ଊର୍ଦ୍ଧ୍ୱ ଶିଶୁ ମୃତ: ଡବ୍ଲ୍ୟୁଏଚ୍‌ଓର ତନାଘନା

ଜେନେଭା,୨୫ା୧: ବିଷାକ୍ତ କଫ୍‌ ସିରପ୍‌ ପିଇ ଅଦ୍ୟାବଧି ୩ ଦେଶର ୩୦୦ ଶିଶୁଙ୍କ ମୃତ୍ୟୁ ଘଟିଥିବା ଅଭିଯୋଗ ହେଲାଣି। ଏହାକୁ ନେଇ ବିଶ୍ୱ ସ୍ବାସ୍ଥ୍ୟ ସଙ୍ଗଠନ (ଡବ୍ଲ୍ୟୁଏଚ୍‌ଓ) ପକ୍ଷରୁ ବିଧିବଦ୍ଧ ତଦନ୍ତ ଆରମ୍ଭ ହୋଇଛି। ଭାରତ ଓ ଇଣ୍ଡୋନେସିଆରେ ପ୍ରସ୍ତୁତ କଫ୍‌ ସିରପ୍‌ଗୁଡ଼ିକରେ ଅତ୍ୟଧିକ ମାତ୍ରାରେ ଟକ୍ସିନ୍‌ ରହୁଥିବା ଦର୍ଶାଇ ଡବ୍ଲ୍ୟୁଏଚ୍‌ଓ ୬ ଫାର୍ମା କମ୍ପାନୀକୁ ଏଥିରେ ବ୍ୟବହୃତ କଞ୍ଚାମାଲର ବିସ୍ତୃତ ବିବରଣୀ ମାଗିଛି। କେବଳ ଏତିକି ନୁହେଁ, ସାରା ବିଶ୍ୱରେ ପିଲାମାନଙ୍କୁ କଫ୍‌ ସିରପ୍‌ ସେବନ କରାଇବା ଉପରେ ପୁନର୍ବିଚାର ନିମନ୍ତେ ପରିବାରଗୁଡ଼ିକୁ ପରାମର୍ଶ ଦେବାକୁ ମଧ୍ୟ ଜାତିସଂଘର ସ୍ବାସ୍ଥ୍ୟ ଏଜେନ୍ସି ଚିନ୍ତା କରୁଛି। କାରଣ କେତେକ ଉତ୍ପାଦ ବ୍ୟବହାରର ସୁରକ୍ଷାକୁ ନେଇ ଉଠିଥିବା ପ୍ରଶ୍ନ ଏବେ ବି ଅନୁତ୍ତରିତ ରହିଛି। ଏପରି ଉତ୍ପାଦଗୁଡ଼ିକ ଶିଶୁଙ୍କ ପାଇଁ କେତେ ଜରୁରୀ ତାହା ମଧ୍ୟ ଜାଣିବାକୁ ବିଶେଷଜ୍ଞମାନେ ବିଚାର କରୁଥିବା ଜଣାପଡ଼ିଛି।
ଇଣ୍ଡୋନେସିଆ ଓ ଉଜ୍‌ବେକିସ୍ତାନର ୩୦୦ରୁ ଅଧିକ ଶିଶୁ କଫ୍‌ ସିରପ୍‌ ପିଇ ପ୍ରାଣ ହରାଇଥିବା କୁହାଯାଉଛି। ଏକ ବିବୃତି ଅନୁସାରେ ୨୦୨୨ ଜୁଲାଇରେ ଗାମ୍ବିଆର ଶିଶୁମାନେ ବିଷାକ୍ତ କଫ୍‌ ସିରପ୍‌ ପିଇବା ପରେ ସେମାନେ କିଡ୍‌ନୀଜନିତ ରୋଗରେ ଆକ୍ରାନ୍ତ ହୋଇଥିଲେ। ସେମାନଙ୍କ ମଧ୍ୟରୁ ଅନୂ୍ୟନ ୭୦ ଜଣଙ୍କ ମୃତ୍ୟୁ ଘଟିଥିଲା। ସେହିପରି ୨୦୨୨ ଡିସେମ୍ବର ୨୨ରେ ଉଜ୍‌ବେକିସ୍ତାନରେ ୧୮ ଶିଶୁ କଫ୍‌ ସିରପ୍‌ ସେବନ କରି ମୃତ୍ୟୁ ମୁଖରେ ପଡ଼ିଥିଲେ। ଗାମ୍ବିଆ ଶିଶୁ ମୃତ୍ୟୁ ପାଇଁ ହରିୟାଣାର ମେଡେନ୍‌ ଫାର୍ମାସ୍ୟୁଟିକାଲ୍ସ ଏବଂ ଉଜ୍‌ବେକିସ୍ତାନରେ ପିଲାଙ୍କ ମୃତ୍ୟୁ ଲାଗି ଉତ୍ତର ପ୍ରଦେଶର ମାରିଓନ୍‌ ବାୟୋଟେକ୍‌ ଦ୍ୱାରା ପ୍ରସ୍ତୁତ ଡୋକ୍‌-୧ ମ୍ୟାକ୍ସ ସିରପ୍‌କୁ ଦାୟୀ କରାଯାଉଛି। ମୃତ ଶିଶୁଙ୍କ ମଧ୍ୟରୁ ଅଧିକାଂଶଙ୍କ ବୟସ ୫ ବର୍ଷରୁ କମ୍‌। ଅନୁରୂପ ଭାବେ ଗତବର୍ଷ ଶେଷ ୪ ମାସ ମଧ୍ୟରେ ଇଣ୍ଡୋନେସିଆରେ ୨୦୦ରୁ ଊର୍ଦ୍ଧ୍ୱ ଶିଶୁ କଫ୍‌ ସିରପ୍‌ ପିଇ ପ୍ରାଣ ହରାଇଥିଲେ। ଏହି ସିରପ୍‌ଗୁଡ଼ିକ ପିଟି ୟାରିଣ୍ଡୋ ଫାର୍ମାଟାମା, ପିଟି ୟୁନିଭର୍ସାଲ ଫାର୍ମାସ୍ୟୁଟିକାଲ, ପିଟି କୋନିମାକ୍ସ ଏବଂ ପିଟି ଏଏଫ୍‌ଆଇ ଫାର୍ମା ଦ୍ୱାରା ପ୍ରସ୍ତୁତ। ଡବ୍ଲ୍ୟୁଏଚ୍‌ଓ ପକ୍ଷରୁ ସୋମବାର ଜାରି କରାଯାଇଥିବା ବିବୃତିରେ କୁହାଯାଇଛି ଯେ ଏହି କଫ୍‌ ସିରପ୍‌ଗୁଡ଼ିକରେ ଅଧିକ ମାତ୍ରାରେ ଡାଇଥିଲିନ୍‌ ଗ୍ଲାଇକୋଲ୍‌ ଏବଂ ଏଥିଲିନ୍‌ ଗ୍ଲାଇକୋଲ୍‌ ରହିଛି। ଫିଲିପାଇନ୍ସ, ଟିମୋର ଲେଷ୍ଟେ, ସେନେଗାଲ ଓ କମ୍ବୋଡିଆରେ ମଧ୍ୟ ଏଭଳି ସିରପ୍‌ ବିକ୍ରି ହେଉଥିବାରୁ ଏହି ଦେଶଗୁଡ଼ିକର ପିଲାମାନଙ୍କ ସ୍ବାସ୍ଥ୍ୟ ଉପରେ ନକାରାମତ୍କ ପ୍ରଭାବ ପଡ଼ିଥାଇପାରେ ବୋଲି ଡବ୍ଲ୍ୟୁଏଚ୍‌ଓ ମନେକରୁଛି। ଆଗକୁ ଶିଶୁ ମୃତ୍ୟୁ ରୋକିବା ପାଇଁ ୧୯୪ ସଦସ୍ୟ ରାଷ୍ଟ୍ରକୁ ତତ୍କାଳ ଆବଶ୍ୟକ ଓ ସମନ୍ବିତ ପଦକ୍ଷେପ ନେବା ପାଇଁ କୁହାଯାଇଛି। ଏଭଳି ସିରପ୍‌ ବ୍ୟବହାର ନ କରିବା ପାଇଁ ପୂର୍ବରୁ ଡବ୍ଲ୍ୟୁଏଚ୍‌ଓ ପକ୍ଷରୁ ସତର୍କତା ଜାରି କରାଯାଇଛି। ତେବେ ବିଶ୍ୱ ସ୍ବାସ୍ଥ୍ୟ ସଙ୍ଗଠନ ଯାହା କହୁଛି, ଜାତୀୟ ଓ ଅନ୍ତର୍ଜାତୀୟ ନିୟମାବଳୀ ଅନୁସାରେ ତା’ର ଅନୁପାଳନ କରାଯାଉଥିବା ବିଷୟ ମଙ୍ଗଳବାର ଇଣ୍ଟରନ୍ୟାଶନାଲ ଫେଡେରେଶନ୍‌ ଅଫ୍‌ ଫାର୍ମାସ୍ୟୁଟିକାଲ ମାନୁଫେକ୍ଚରର୍ସ ଆଣ୍ଡ ଆସୋସିଏଶନ୍ସ (ଆଇଏଫ୍‌ପିଏମ୍‌ଏ) ଏକ ବିବୃତିରେ ସ୍ପଷ୍ଟ କରିଛି। ଭାରତର ସ୍ବାସ୍ଥ୍ୟ ମନ୍ତ୍ରଣାଳୟର ନିର୍ଦ୍ଦେଶକ୍ରମେ ମେଡେନ୍‌ ଏବଂ ମାରିଓନ୍‌ ମାନୁଫାକ୍ଚରିଂ ୟୁନିଟ୍‌କୁ ବନ୍ଦ କରାଯାଇଛି। ନିଜ ଉତ୍ପାଦରେ କୌଣସି ସମସ୍ୟା ନ ଥିବା ଦୁଇ କମ୍ପାନୀ ଟେଷ୍ଟିଂ ପରେ କେନ୍ଦ୍ରକୁ ଜଣାଇଛନ୍ତି।


Enter your email to get our daily news in your inbox.

All Right Reserved By Dharitri.Com

ଫ୍ଲୋରିଡାରେ ପ୍ରବାସୀ ଓଡ଼ିଆ ପାଳିଲେ ଦୁର୍ଗାପୂଜା

ଫ୍ଲୋରିଡା,୫।୧୦: ସାରା ଦେଶରେ ଏବେ ଦୁର୍ଗାପୂଜାର ମାହୋଲ। ଗାଁଠୁ ସହର ଦେଶରୁ ବିଦେଶ ପର୍ଯ୍ୟନ୍ତ ସବୁଠି ଉତ୍ସବର ମାହୋଲ। କରୋନା ପାଇଁ ଗତ ୨ବର୍ଷ ହେଲା...

ପୂର୍ବତନ ରାଷ୍ଟ୍ରପତିଙ୍କ ଝିଅଙ୍କୁ ୫ ବର୍ଷ ଜେଲ

ତେହେରାନ,୧୧ା୧: ଇରାନର ପୂର୍ବତନ ରାଷ୍ଟ୍ରପତି ଆକବର ହାସେମି ରଫ୍‌ସାନ୍‌ଜାନିଙ୍କ ଝିଅ ଫାଏଜେ ହାସେମିଙ୍କୁ ୫ ବର୍ଷ ଜେଲଦଣ୍ଡ ହୋଇଛି। ତେବେ କେଉଁ ଅପରାଧରେ ତାଙ୍କୁ ଦଣ୍ଡିତ...

ପୁଣି କରୋନା ସଂକ୍ରମଣ ବୃଦ୍ଧିର ୩ କାରଣ…

ଜେନେଭା, ୧୯।୩ : ପୃଥିବୀରେ ବିଭିନ୍ନ ଦେଶରେୀ ପୁଣି କରୋନା ମହାମାରୀ ସଂକ୍ରମଣ ବଢ଼ିିବାରେ ଲାଗିଛି। ନୂଆ ଆକ୍ରାନ୍ତଙ୍କ ବୃଦ୍ଧି ପାଇବା ଲାଗି ୩ ଟି...

ଆମେରିକାରେ ପହଞ୍ଚିଲା କରୋନାର ନୂଆ ଷ୍ଟ୍ରେନ୍‌

ଓ୍ବାଶିଂଟନ,୩୦।୧୨: ବ୍ରିଟେନ୍‌ରୁ ଆରମ୍ଭ ହୋଇଥିବା କରୋନାର ନୂଆ ଷ୍ଟ୍ରେନ୍‌ ଏବେ ଆମେରିକାରେ ପହଞ୍ଚିଛି। କୋଲୋରାଡୋରେ ଜଣେ ୨୦ ବର୍ଷ ବୟସ୍କ ଯୁବକଙ୍କ ନମୁନା ପରୀକ୍ଷା ସମୟରେ...

ଇରାନୀ ଫିଲ୍ମ ନିର୍ମାତା ଜଫର ପନାହିଙ୍କୁ ମିଳିଲା ଜାମିନ

ତେହେରାନ,୪ ।୨: ଇରାନର ପ୍ରସିଦ୍ଧ ଫିଲ୍ମ ନିର୍ମାତାଙ୍କ ମଧ୍ୟରୁ ଜଣେ ଜଫର ପନାହି ତେହେରାନର ଇଭିନ ଜେଲରେ ବନ୍ଦୀ ହେବାକୁ ବିରୋଧ କରି ସରକାରଙ୍କ ବିରୋଧରେ...

୧୦ ଦିନର ଛୁଟି ପରେ ବି ଖୁସି ନାହାନ୍ତି ଏହି ଦେଶର ଲୋକ

ୟକୋହମା,୧।୫: କାର୍ଯ୍ୟବ୍ୟସ୍ତ ଜୀବନରୁ କର୍ମଚାରୀଙ୍କୁ ଏକାସାଙ୍ଗରେ ୧୦ ଦିନର ଛୁଟି ମିଳିବା ଏକ ବରଦାନରୁ କମ୍‌ ନୁହେଁ। କିନ୍ତୁ ଏଭଳି ଏକ ଦେଶ ଅଛି, ଯେଉଁଠି...

ଜୁନ୍‌ ୧୭ରେ ଜାତିସଂଘ ସୁରକ୍ଷା ପରିଷଦ ନିର୍ବାଚନ

ଜେନେଭା, ୨।୬: ଜାତିସଂଘ ସୁରକ୍ଷା ପରିଷଦ ନିର୍ବାଚନ ଜୁନ୍‌ ୧୭ରେ ହେବ। ଏନେଇ ସୂଚନା ପ୍ରକାଶ ପାଇଛି। ଫ୍ରାନ୍ସ୍‌ର ଅଧ୍ୟକ୍ଷତାରେ ହୋଇଥିବା ବୈଠକରେ ଏହି ସୂଚନା...

୨ ମାସରେ ପାକିସ୍ତାନରେ କରୋନା ସଂକ୍ରମିତଙ୍କ ସଂଖ୍ୟା ୨ କୋଟି ଛୁଇଁବା ଆଶଙ୍କା !

ଇସଲାମାବାଦ୍‌,୨୪।୩: କରୋନା ସଂକ୍ରମଣ ରୋକିବା ଲାଗି ପାକିସ୍ତାନ ସରକାର ଉଦ୍ୟମ ଅବ୍ୟାହତ ରଖିଛନ୍ତି। ଏହା ଉପରେ ନିୟନ୍ତ୍ରଣ ଅଣା ନ ଗଲେ ଆସନ୍ତା ୨ ମାସ...

Advertisement
Archives

Model This Week