ସାଧାରଣତଃ ମାଙ୍କଡ଼ମାନେ ଉପଦ୍ରବ କରନ୍ତି ବୋଲି ସମସ୍ତେ ଜାଣନ୍ତି। କିଛି ଲୋକ ମାଙ୍କଡ଼କୁ ଭଗବାନ ବୋଲି ମାନୁଥିବା ବେଳେ ଆଉ କିଛି ଲୋକ ମାଙ୍କଡ଼ ଦେଖିଲେ ଡରନ୍ତି। ମାତ୍ର ବେଳେବେଳେ ଏହି ମାଙ୍କଡ଼ମାନେ ଏମିତି କିଛି କରିଥାନ୍ତି ଯାହା ଦେଖିଲେ ଆଶ୍ଚର୍ଯ୍ୟ ଲାଗେ।
ସୋସିଆଲ ମିଡିଆରେ ସେମିତି ଏକ ଭିଡିଓ ଏବେ ଭାଇରାଲ ହେଉଛି। ଭିଡିଓରେ ଏକ ମାଙ୍କଡ଼ ମଣିଷ ପରି ବୁଦ୍ଧି ଖର୍ଚ୍ଚ କରିଛି। ଭିଡିଓରେ ମାଙ୍କଡ଼ ବିପଦପୂର୍ଣ୍ଣ ଷ୍ଟଣ୍ଟ୍ କରୁଥିବା ନଜର ଆସିଛି। ବର୍ତ୍ତମାନ ଏହି ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି।
ଭିଡିଓକୁ ଆଇଏଏଫ୍ଏସ ପରଓ୍ବିନ୍ କାଶଓ୍ବାନ୍ ସୋସିଆଲ ମିଡିଆରେ ଶେୟାର କରିଛନ୍ତି। ଏଥିରେ ସେ କ୍ୟାପଶନ ଲେଖିଛନ୍ତି, ‘ଓ୍ବାନ୍ ଲାଇଫ୍’।
ଭିଡିଓରେ କିଛି ମାଙ୍କଡ଼ ଗୋଟିଏ ଛାତ ଉପରେ ବସିଥିବା ନଜର ଆସିଛନ୍ତି। ଏହି ମାଙ୍କଡ଼ମାନଙ୍କ ମଧ୍ୟରୁ ଗୋଟିଏ ମାଙ୍କଡ଼ ଅପରପାର୍ଶ୍ୱ କୋଠାକୁ ଯିବାକୁ ପୂରା ଫିଲ୍ମ ଷ୍ଟାଇଲ୍ରେ ଷ୍ଟଣ୍ଟ୍ କରିଛି। ଯାହାକୁ ଦେଖିଲେ ଆପଣ ଭୟ କରିଯିବେ। ମାତ୍ର ମାଙ୍କଡ଼ଟି ଆରାମରେ ଇଲେକ୍ଟ୍ରି ତାରକୁ ଧରି ଆରପଟ କୋଠାକୁ ଚାଲିଯାଇଛି। ଏହି ମାଙ୍କଡ଼କୁ ଦେଖି ଅନ୍ୟମାନେ ମଧ୍ୟ ଏମିତି କରିଥିବା ଦେଖିବାକୁ ମିଳିଛି।
ଭିଡିଓକୁ ଦେଖି ବହୁ ଲୋକ ମଜା ନେଇଛନ୍ତି। କିଛି ଲୋକ କୌତୂହଳ ପୂର୍ଣ୍ଣ କମେଣ୍ଟ ବି ଦେଇଛନ୍ତି। ଏହି ଭିଡିଓକୁ ବର୍ତ୍ତମାନ ସୁଦ୍ଧା ୩ ଲକ୍ଷରୁ ଅଧିକ ଲୋକ ଦେଖିସାରିଲେଣି। ଜଣେ ୟୁଜର ଲେଖିଛନ୍ତି, ଆଜି ପୂରା ଝଡ଼ କରିଦେଲ। ସେହିପରି ଆଉ ଜଣେ ୟୁଜର ଲେଖିଛନ୍ତି, ‘ମିଶନ ଅସମ୍ଭବ’।
