ଟଙ୍କା ଅଛି,କାମ ହେଉନି

ବାଲେଶ୍ୱର ଅଫିସ,୯।୧: ବାଲେଶ୍ୱର ପୌରାଞ୍ଚଳରେ ଗତ ୯ମାସ ପୂର୍ବେ କାଉନସିଲର ଏବଂ ଅଧ୍ୟକ୍ଷ ପଦ ଲାଗି ନିର୍ବାଚନ ହୋଇଥିଲା। ୩୧ଟି ୱାଡର୍ର୍ ବିଶିଷ୍ଟ ଏହି ପୌରାଞ୍ଚଳରେ ବିଜେଡି ପ୍ରାର୍ଥତ୍ନୀ ସବିତା ସାହୁ ଅଧ୍ୟକ୍ଷା ଭାବେ ନିର୍ବାଚିତ ହେବା ସହ ୨୧ଜଣ କାଉନ୍‌ସିଲର ବିଜୟୀ ହୋଇଥିଲେ। ଅନ୍ୟ ୧୦ଜଣଙ୍କ ମଧ୍ୟରେ ଭାଜପାର ୯ ଓ ଜଣେ ସ୍ବାଧୀନ ପ୍ରାର୍ଥୀ ରହିଛନ୍ତି। ବିଜେଡିର ବିଜୟ ପରେ ପୌରାଞ୍ଚଳବାସୀ ବହୁ ଉନ୍ନତିମୂଳକ କାର୍ଯ୍ୟ ହେବ ବୋଲି ଆଶା ବାନ୍ଧିଥିଲେ। କିନ୍ତୁ ନିର୍ବାଚନକୁ ୯ମାସ ବିତିଯାଇଥିଲେ ମଧ୍ୟ ପୌରାଞ୍ଚଳର କୌଣସି ୱାର୍ଡରେ ମାଟି ପାଛିଏ ବି ପଡ଼ି ନ ଥିବାରୁ କାଉନସିଲରଙ୍କ ସମେତ ଅଞ୍ଚଳବାସୀ କ୍ଷୋଭ ପ୍ରକାଶ କରିଛନ୍ତି। ଅନ୍ୟପକ୍ଷରେ ଅଧ୍ୟକ୍ଷା ଏବଂ ଅଧିକାରୀଙ୍କ ମଧ୍ୟରେ ଶୀତଳ ଯୁଦ୍ଧ ଲାଗିଥିବା ପରିଲକ୍ଷିତ ହେଉଛି।
ନିର୍ବାଚନ ପରେ ଅଧ୍ୟକ୍ଷାଙ୍କ ଅଧ୍ୟକ୍ଷତାରେ କାଉନ୍‌ସିଲ୍‌ରେ ୬ଟି ବୈଠକ ଅନୁଷ୍ଠିତ ହୋଇଛି। ଏଥିରେ ମୁଖ୍ୟତଃ ଉନ୍ନତିମୂଳକ କାର୍ଯ୍ୟ କହିଲେ ରାସ୍ତାର ପୁନରୁଦ୍ଧାର, ଡ୍ରେନ୍‌ ନିର୍ମାଣ ଓ ମରାମତି, ସଫେଇ, ଆଲୋକୀକରଣ ଉପରେ ଆଲୋଚନା ହୋଇ ରାଜ୍ୟସରକାରଙ୍କ ଦ୍ୱାରା ୨୬୮ଟି ପ୍ରକଳ୍ପକୁ କାର୍ଯ୍ୟକାରୀ କରିବା ପାଇଁ ନିଷ୍ପତ୍ତି ହୋଇଥିଲା। ଏଥିପାଇଁ ୨୧କୋଟି ୬୨ଲକ୍ଷ ୫୭ହଜାର ୭୬୪ ଟଙ୍କା ବ୍ୟୟ ଅଟ୍ଟକଳ କରାଯାଇଛି। କାଉନ୍‌ସିଲ୍‌ର ଅନୁମୋଦନ ପରେ ପୌର ଅଧିକାରୀଙ୍କ ପାଖକୁ ଫାଇଲ୍‌ ଯାଇଥିଲା। ଅନୁମୋଦନ ମଧ୍ୟ ହେଲା। ୧୦/୧୨ଦିନ ପୂର୍ବରୁ ଅଧ୍ୟକ୍ଷାଙ୍କ ନିକଟକୁ ଶେଷ ଅନୁମୋଦନ ପାଇଁ ଫାଇଲ୍‌ ଯାଇଥିବା ବେଳେ ଫେରି ନ ଥିବାରୁ କାର୍ଯ୍ୟ ହେବା ନେଇ ଅନିଶ୍ଚିତତା ଦେଖାଦେଇଛି। ଏହି ଅନିଶ୍ଚିତତା ପଛରେ ପ୍ରତ୍ୟେକ ୱାର୍ଡକୁ ସମାନ ପ୍ରକଳ୍ପ ନ ଦେବା, ଦଳୀୟ କନ୍ଦଳ ଏବଂ ଅଧିକାରୀଙ୍କ ସହ ପୌର ଅଧ୍ୟକ୍ଷାଙ୍କ ମତ ପାର୍ଥକ୍ୟ ମୁଖ୍ୟ କାରଣ ହୋଇପାରେ ବୋଲି କୁହାଯାଉଛି।
ଏନେଇ ପୌର ଉପାଧ୍ୟକ୍ଷ କୈଳାସ ସେଠୀ କହନ୍ତି, ପୌରାଞ୍ଚଳରେ ମୁକ୍ତା ଯୋଜନା ଅନ୍ତର୍ଗତ ମିନି ପାର୍କ, ଶୌଚାଳୟ, ଖୋଲା ଜିମ୍‌ ସହ ପୋଖରୀ ପୁନରୁଦ୍ଧାର କାର୍ଯ୍ୟ ଜାରି ରହିଛି। ଯାହା ରାଜ୍ୟ ସରକାରଙ୍କ ସ୍ବତନ୍ତ୍ର ପ୍ରକଳ୍ପ ଅଟେ। କିନ୍ତୁ ରାଜ୍ୟ ସରକାରଙ୍କ ବିଭିନ୍ନ ଗ୍ରାଣ୍ଟରୁ କୋଟି କୋଟି ଟଙ୍କା ଆସି ପଡ଼ିରହିଥିବା ବେଳେ ନିର୍ବାଚନର ୯ମାସ ବିତିଯାଇଥିଲେ ମଧ୍ୟ ୯ ପାଛିଆ ମାଟି କୌଣସି ୱାର୍ଡରେ ପଡ଼ିପାରିଲା ନାହଁି। ଏମିତିବି ଦୁର୍ଗା ପୂଜାରେ ପୌରାଞ୍ଚଳ ପକ୍ଷରୁ ଜରୁରୀକାଳୀନ ବୈଠକ ହୋଇପାରିଲା ନାହଁି। ବିଭିନ୍ନ ୱାର୍ଡ଼ରେ ରାସ୍ତାର ପୁନରୁଦ୍ଧାର ଓ ନୂତନ ଡ୍ରେନ୍‌ର ଆବଶ୍ୟକତାକୁ ନେଇ ଲୋକମାନେ ହଇରାଣ ହରକତ ହେଉଥିବା ବେଳେ ଟଙ୍କା ପଡ଼ିରହି କାମ ହେଉ ନାହଁି। କେବଳ ଟାଉନ୍‌କୁ ଛାଡ଼ିଦେଲେ ୱାଡର୍ର୍ର ବିଭିନ୍ନ ଅଞ୍ଚଳରେ ଆଲୁଅ ଜଳିପାରୁ ନାହଁି। ଫଳରେ ଚୋରି, ଛିନ୍‌ତାଇ, ରାହାଜାନୀ ଭଳି ଘଟଣା ବଢ଼ିବାରେ ଲାଗିଛି। ଅବିଳମ୍ବେ ଅଧ୍ୟକ୍ଷା କାଉନ୍‌ସିଲରଙ୍କ ସହ ଆଲୋଚନା କରି ଏହି ସମସ୍ୟାର ସମାଧାନ ପାଇଁ ସେ ପ୍ରସ୍ତାବ ରଖିଛନ୍ତି।
ଅଧ୍ୟକ୍ଷା ସବିତା ସାହୁ କହନ୍ତି, ବାଲେଶ୍ୱର ପୌରାଞ୍ଚଳ ଏକ ଅଟୋନୋମସ୍‌ ବଡିି। ଏଠାରେ କାଉନ୍‌ସିଲର ଓ ଅଧ୍ୟକ୍ଷାଙ୍କ ନିଷ୍ପତ୍ତିକୁ ଗୁରୁତ୍ୱ ଦିଆଯାଇଥାଏ। କାଉନସିଲ୍‌ ବଡିିରେ କେତେକ ପାସ୍‌ ହେଉଥିବା ପ୍ରକଳ୍ପ ଗୁଡ଼ିକ ଉପରେ ଅଧିକାରୀ ହସ୍ତକ୍ଷେପ କରୁଛନ୍ତି। ଏହାକୁ ନେଇ ବିଭିନ୍ନ ସମୟରେ ବିବାଦ ସୃଷ୍ଟି ହେଉଛି। ବିଭିନ୍ନ ପ୍ରକଳ୍ପକୁ ନେଇ ହେବାକୁ ଥିବା ଟେଣ୍ଡର ପ୍ରକ୍ରିୟା ଗତ ଡିସେମ୍ବର ୩୧ ତାରିଖରେ ପ୍ରୋସିଡିଂ ସରିଛି। ଚଳିତମାସରେ ସମସ୍ତ ପ୍ରକଳ୍ପର ଟେଣ୍ଡର କରାଯିବ।
ପୌର ପରିଷଦ କାର୍ଯ୍ୟ ନିର୍ବାହୀ ଅଧିକାରୀ କୁନାଲ ମୋତିରାମ ଚଭନ କହନ୍ତି, ପୌର ପରିଷଦରେ ଯାହା କିଛି ଅସୁବିଧା ଥିଲା, ତାହା ସମାଧାନ ହୋଇଛି। ଟେଣ୍ଡର ପ୍ରକ୍ରିୟା ପାଇଁ ପ୍ରାୟ ସମସ୍ତ କାର୍ଯ୍ୟ ସରିଛି। ଆସନ୍ତା ଏକ ସପ୍ତାହ ମଧ୍ୟରେ କାର୍ଯ୍ୟ ଆରମ୍ଭ ହେବ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

କାକଟପୁରରେ କୌଣସି ଦଳ ଦେଇନାହାନ୍ତି ପ୍ରାର୍ଥୀ: ଚିନ୍ତାରେ ନେତା, କର୍ମୀ

ଭୁବନେଶ୍ୱର,୪।୧୨: ପୁରୀ ଜିଲା କାକଟପୁର ବିଧାନସଭା ଆସନ ପାଇଁ କୌଣସି ରାଜନୈତିକ ଦଳ ବର୍ତ୍ତମାନ ସୁଦ୍ଧା ପ୍ରାର୍ଥୀଙ୍କ ନାଁ ଘୋଷଣା କରି ନାହିଁ। ବିଜେଡି ଚତୁର୍ଥ...

 ଚଡ଼କ ମେଳାରେ ଅଘଟଣ

ଜଳେଶ୍ୱର,୧୨।୪(ନବୀନ ସାହୁ): ବାଲେଶ୍ୱର ଜିଲା ଭୋଗରାଇ ବ୍ଲକର ବାବା ଚନ୍ଦନେଶ୍ୱରଙ୍କ ଚଡ଼କ ଯାତ୍ରାରେ ଜଣେ ବତ୍ରଧାରୀ ମହିଳାଙ୍କ ଶୁକ୍ରବାର ମୃତ୍ୟୁ ଘଟିଛି। ଅନ୍ୟ ଜଣେ ଶ୍ରଦ୍ଧାଳୁ...

କ୍ଲବ ଘର ବାହାରେ ପଡ଼ିଛି ଖଣ୍ଡା, ଭିତରେ ପଡ଼ିଛି ଯୁବକଙ୍କ ମୃତଦେହ

ବାଙ୍କୀ,୧୨ା୪: କଟକ ଜିଲା ବାଙ୍କୀ ଥାନା ଅନ୍ତର୍ଗତ ହରିରାଜପୁର ଗାଁରେ ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି। ଏଠାରେ ଥିବା ନୂଆସାହି କ୍ଲବ ଘର ଭିତରୁ...

ନିଜକୁ ପ୍ରାର୍ଥୀ ଘୋଷଣା କରି ମାହାଙ୍ଗାରୁ ନିର୍ବାଚନ ଲଢ଼ିବାକୁ କଲେ ଘୋଷଣା

ଭୁବନେଶ୍ୱର,୧୨।୪: ଦଳ ଟିକେଟ ଦେବା ପୂର୍ବରୁ ନିଜକୁ ପ୍ରାର୍ଥୀ ଘୋଷଣା କରିଛନ୍ତି ପିସିସି ସାଧାରଣ ସମ୍ପାଦକ ପ୍ରଦୀପ୍ତ କୁମାର ଦାସ। ଏକ ସାଧାରଣ ସଭାରେ କଟକ...

ଭାଜପାରେ କନ୍ଦଳ: ଏମ୍‌ପି, ବିଧାୟକ ପ୍ରାର୍ଥୀଙ୍କୁ ବିରୋଧ

ମାଣିଆବନ୍ଧ, ୧୨।୪(ଅଖିଳ କୁମାର ସାହୁ):କଟକ ଭାଜପା ଏମ୍‌ପି ପ୍ରାର୍ଥୀ ଭର୍ତ୍ତୃହରି ମହତାବ ଓ ବଡ଼ମ୍ବା ବିଧାୟକ ପ୍ରାର୍ଥୀ ସମ୍ବିତ ତ୍ରିପାଠୀ ଗୁରୁବାର ଦଳୀୟ ଅସନ୍ତୁଷ୍ଟ କର୍ମୀଙ୍କ...

ବିଜେଡି ବିଧାୟକଙ୍କ ନାଁରେ ସାଂଘାତିକ ଅଭିଯୋଗ ଆଣିଲେ ନାଏବ ସରପଞ୍ଚ

ନବରଙ୍ଗପୁର,୧୨।୪(ସଦାଶିବ ପ୍ରହରାଜ):ଋଣ ଦେବାକୁ କହି ନବରଙ୍ଗପୁର ବିଧାୟକ ସଦାଶିବ ପ୍ରଧାନୀ ଏସ୍‌ଏଚ୍‌ଜି ମହିଳାଙ୍କୁ ବିଜେଡିରେ ମିଶାଉଥିବା ଅଭିଯୋଗ କରିଛନ୍ତି ନନ୍ଦାହାଣ୍ଡି ବ୍ଲକ ମେଣ୍ଟ୍ରି ପଞ୍ଚାୟତ ନାଏବ...

ଶିକ୍ଷିତ ବେକାରଙ୍କ ସଂଖ୍ୟା ବଢୁଛି

ସୋନପୁର,୧୨।୪(ମୃତ୍ୟୁଞ୍ଜୟ ଶତପଥୀ): ସୁବର୍ଣ୍ଣପୁର ଜିଲାରେ ଶିକ୍ଷିତ ବେକାରଙ୍କ ସଂଖ୍ୟା ଦିନକୁ ଦିନ ବଢିଚାଲିଛି। ନିଯୁକ୍ତି ସୁଯୋଗ ନ ଥିବାରୁ ଶିକ୍ଷିତ ଯୁବତୀଯୁବକମାନେ ବାହାର ରାଜ୍ୟକୁ କାମ...

ନିର୍ବାଚନୀ ତାତି ବଢ଼ାଉଛି ୫୫ନଂ. ଜାତୀୟ ରାଜପଥ

ଢେଙ୍କାନାଳ,୧୨ା୪(ରତନ ନାୟାର): କଟକରୁ ଢେଙ୍କାନାଳ ଓ ଅନୁଗୋଳ ଦେଇ ସମ୍ବଲପୁରକୁ ଲମ୍ବିଥିବା ୫୫ନଂ. ଜାତୀୟ ରାଜପଥର ଅଧାପନ୍ତରିଆ ଅବସ୍ଥା ଏବେ ନିର୍ବାଚନୀ ପ୍ରସଙ୍ଗ ପାଲଟିଛି। ଢେଙ୍କାନାଳ,...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri