ନୂଆଦିଲ୍ଲୀ,୯।୬: ଆଜି ଦେଶରେ ଏକ ନୂତନ ସରକାର ଗଠନ ହୋଇଛି। ବାରାଣସୀରୁ ନିର୍ବାଚିତ ଏମ୍ପି ନରେନ୍ଦ୍ର ମୋଦି କ୍ରମାଗତ ତୃତୀୟ ଥର ପାଇଁ ପ୍ରଧାନମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି। ମୋଦି ପୁଣିଥରେ ପ୍ରଧାନମନ୍ତ୍ରୀ ଭାବେ ଶପଥ ନେଇ ଏକ ବିରଳ ରେକର୍ଡ ହାସଲ କରଛନ୍ତି। ୧୯୬୨ ପରଠାରୁ ପ୍ରଥମ ଥର ଜଣେ ନେତା କ୍ରମାଗତ ତୃତୀୟ ଥର ପାଇଁ ପ୍ରଧାନମନ୍ତ୍ରୀ ହୋଇଛନ୍ତି। ସେ ଦେଶର ପ୍ରଥମ ପ୍ରଧାନମନ୍ତ୍ରୀ ଜବାହର ଲାଲ ନେହରୁଙ୍କ ସମକକ୍ଷ ହୋଇଛନ୍ତି। ନେହରୁଙ୍କ ଭଳି ମୋଦି ମଧ୍ୟ କ୍ରମାଗତ ତୃତୀୟ ଥର ପାଇଁ ଦେଶର ପ୍ରଧାନମନ୍ତ୍ରୀ ହୋଇ ହେବାର ଗୌରବ ପାଇଛନ୍ତି।
କ୍ରମାଗତ ତୃତୀୟ ଥର ପାଇଁ ଏନଡିଏ ଜିତିବା ସହିତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଗାମୀ ପାଞ୍ଚ ବର୍ଷ ପାଇଁ ରୁଷିଆର ଭ୍ଲାଦିମିର ପୁଟିନ ଏବଂ ଚାଇନା ସି ଜିନପିଙ୍ଗଙ୍କ ପରେ ଦୀର୍ଘତମ ସେବା କରୁଥିବା ଜି-୨୦ ନେତା ହେବେ। ୬ ଜୁନ ୨୦୨୪ ସୁଦ୍ଧା, ମେ ୨୬, ୨୦୨୪ରେ ଭାରତର ପ୍ରଧାନମନ୍ତ୍ରୀ ଭାବରେ ଶପଥ ଗ୍ରହଣ କରିବା ପରଠାରୁ ମୋଦି ୩,୬୬୪ ଦିନ କାର୍ଯ୍ୟ କରିଛନ୍ତି। ସେ ଜି -୨୦ର ତୃତୀୟ ଦୀର୍ଘତମ ସେବକ ଅଟନ୍ତି ଏବଂ ଏବେ ତାଙ୍କର ରେକର୍ଡ ବଢାଇବେ।
