ଦେଶରେ ମିଜୋରାମ ଲୋକ ସବୁଠାରୁ ଖୁସିରେ ରୁହନ୍ତି

ନୂଆଦିଲ୍ଲୀ,୨୧ ।୯: ଦେଶରେ ପ୍ରଥମଥର କରାଯାଇଥିବା ହାପିନେସ୍ ସର୍ଭେରେ ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚକୁ ସାମିଲ କରାଯାଇ ର‌୍ୟାଙ୍କିଙ୍ଗ ଦିଆଯାଇଥିଲା । ଏହାପରେ ମିଜୋରାମ, ପଞ୍ଜାବ ଓ ଆଣ୍ଡାମାନ ନିକୋବର ଦ୍ୱୀପ ଟପ୍ ୩ରେ ରହିଛନ୍ତି । ଏଠାକାର ଲୋକ ସବୁଠାରୁ ଖୁସିରେ ରୁହନ୍ତି ବୋଲି ଉକ୍ତ ସର୍ଭେରେ କୁହାଯାଇଛି । ଛତିଶଗଡ଼, ଓଡ଼ିଶା ଓ ଉତ୍ତରାଖଣ୍ଡର ଲୋକ ସବୁଠାରୁ କମ୍ ଖୁସିରେ ରୁହନ୍ତି ବୋଲି କହିଛି ଉକ୍ତ ସର୍ଭେ । କୁହାଯାଇଛି ଖୁସିର କାରଣ ମଧ୍ୟରେ କୋଭିଡ-୧୯କୁ ସାମିଲ କରାଯାଇଛି । ସେଥିପାଇଁ ମହାରାଷ୍ଟ୍ର, ଦିଲ୍ଲୀ ଓ ହରିୟାଣା ଭଳି ରାଜ୍ୟରେ ଲୋକେ କମ୍‌ଖୁସି ରହିଥିବା ଦେଖାଯାଇଛି । ଜମ୍ମୁ-କଶ୍ମୀର ଲୋକେ ମଧ୍ୟ ଅଧିକ ଖୁସି ନ ଥିବା ଦେଖାଯାଇଛି । ହାପିନେସ୍ ସର୍ଭେରେ ୫ଟି ଦିଗ ପ୍ରତି ଧ୍ୟାନ ଦିଆଯାଇଥିଲା । ଏଥିରେ କାର୍ଯ୍ୟଶୈଳୀ, ସମ୍ପର୍କ, ସ୍ୱାସ୍ଥ୍ୟ, ସାମାଜିକ ସେବା, ଧାର୍ମିକ ଅଧ୍ୟାତ୍ମିକ ପକ୍ଷ, ସ୍ୱାସ୍ଥ୍ୟରେ କରୋନା ପ୍ରଭାବକୁ ସାମିଲ କରାଯାଇଥିଲା । ଏହି ସର୍ଭେରେ ସମଗ୍ର ଦେଶରୁ ୧୬,୯୫୦ ଲୋକଙ୍କଠାରୁ ମାର୍ଚ୍ଚରୁ ଜୁଲାଇ ମାସ ମଧ୍ୟରେ ରାୟ ସଂଗ୍ରହ କରାଯାଇଥିଲା । ପ୍ରଫେସର ରାଜେଶ ପିଲାନିଆ ଏହି ସର୍ଭେ କରିଥିବା ସୂଚନା ରହିଛି । ଏଥିରେ ଭାରତର ଜଣାଶୁଣା ଲୋକଙ୍କ ରାୟ ନିଆଯାଇଥିଲା । ଏହି ସର୍ଭେରେ ଜେଣ୍ଡରର କୌଣସି ସମ୍ପର୍କ ନ ଥିବା କୁହାଯାଇଛି । ହେଲେ ବୈବାହିକ ଜୀବନ, ବୟସ, ଶିକ୍ଷା ଓ ରୋଜଗାର ସହ ଖୁସିର ସମ୍ପର୍କ ରହିଥିବା କୁହାଯାଏ । ତେବେ ବିବାହିତମାନେ ଅବିବାହିତଙ୍କଠାରୁ ଅଧିକ ଖୁସିଥିବା ଦର୍ଶାଯାଇଛି । ଯେ କୌଣସି କାର୍ଯ୍ୟରେ ବ୍ୟସ୍ତଥିବା ଲୋକେ ମଧ୍ୟ ଅଧିକ ଖୁସି ରହିଥାଆନ୍ତି ବୋଲି କୁହାଯାଇଛି । ଏହି କ୍ଷେତ୍ରରେ ଆସାମ, ମିଜୋରାମ, ଆଣ୍ଡାମାନ, ପଞ୍ଜାବ ଓ ପୁଡୁଚେରୀ ଆଗରେ ରହିଥିବା ବେଳେ ସମ୍ପର୍କ ରଖିବାରେ ପଞ୍ଜାବ, କର୍ନାଟକ, ମିଜୋରାମ, ଆଣ୍ଡାମାନ ଓ ସିକ୍କିମ ଟପ୍ ୫ରେ ରହିଛି । ତେବେ ଏହି ତାଲିକାରେ ବାଜି ମାରିଛି ମିଜୋରାମ । ଏହା ସବୁଠାରୁ ସୁରକ୍ଷିତ ରାଜ୍ୟ ହୋଇଥିବା ବେଳେ ଏହା ଶାନ୍ତି ଓ ଭଲ ବାତାବରଣ ପାଇଁ ବେଶ୍ ପରିଚିତ । ଏହାର ଅର୍ଥବ୍ୟବସ୍ଥା ଗୋଟିଏ ପଟେ ପର୍ଯ୍ୟଟନ ଉପରେ ନିର୍ଭର କରୁଥିବା ବେଳେ ଅନ୍ୟପଟେ ମହିଳାମାନେ ବହୁ ପରିମାଣରେ ବ୍ୟବସାୟ କରିଥାଆନ୍ତି । ଏଠାରେ ଅପରାଧ ନାହିଁ କହିଲେ ଚଳେ । ମିଜୋରାମର ଲୋକ ଆତ୍ମନିର୍ଭରଶୀଳ । ଏଠାକୁ ଅଧିକାଂଶ ପର୍ଯ୍ୟଟକ ଆସୁଥିବାରୁ ସେମାନଙ୍କ ସହ ଭଲ ବ୍ୟବହାର ଓ ଉତ୍ତମ ଆତିଥ୍ୟ ପ୍ରଦାନ କରିବାକୁ ଏମାନେ ଏବେ ହିନ୍ଦୀ ଶିଖୁଥିବା ଦେଖାଯାଇଛି । ମିଜୋରାମ ଭଳି ସିକ୍କିମ ଓ ଅରୁଣାଚଳ ପ୍ରଦେଶ ମଧ୍ୟ ଖୁସି ତାଲିକାର ଟପ୍ ଟେନ୍‌ରେ ରହିଛି । ଏହାକୁ ନେଇ ହାବାର୍ଡ ବିଜନେସ୍ ସ୍କୁଲର ଆସିଷ୍ଟାଣ୍ଡ ପ୍ରଫେସର ଡା. ଏଶଲେ ୱିଲିୟମ୍ସ କହିଛନ୍ତି ଯେଉଁ ରାଜ୍ୟରେ ଲୋକେ ଅର୍ଥଠାରୁ ସମୟକୁ ଅଧିକ ଗୁରୁତ୍ୱ ଦେଇଥାଆନ୍ତି ସେମାନେ ଅଧିକ ଖୁସି ରହିଥାଆନ୍ତି । ସେହିପରି ଷ୍ଟାନଫୋର୍ଡର ଡା. ଇମା ସେପଲା କହିଛନ୍ତି ଯେଉଁ ରାଜ୍ୟର ଲୋକ ଦୟାଳୁ, ସହିଷ୍ଣୁ ଓ ଧର୍ଯ୍ୟବାନ ହୋଇଥାଆନ୍ତି ସେମାନେ ଅଧିକ ଖୁସି ରହିଥାଆନ୍ତି ।


Enter your email to get our daily news in your inbox.

All Right Reserved By Dharitri.Com

ପରାକ୍ରମ ଦେଖାଇଛି ‘ବିହାର ରେଜିମେଣ୍ଟ’

ସର୍ଜିକାଲ ଷ୍ଟ୍ରାଇକ୍‌ ହେଉ କି ସୀମାପାର ଲଢ଼େଇ, ସବୁଥିରେ ଆଗୁଆ ‘ବିହାର ରେଜିମେଣ୍ଟ’। ଏହି ରେଜିମେଣ୍ଟର ଯବାନଙ୍କ ପରାକାଷ୍ଠା, ଶୌର୍ଯ୍ୟ, କୀର୍ତ୍ତି, ବୀରତ୍ୱର ଗାଥା ଇତିହାସର...

ଅନ୍ତର୍ଜାତୀୟ ମହିଳା ଦିବସରେ ଶୁଭେଚ୍ଛା ଜଣାଇଲେ ମୋଦି

ନୂଆଦିଲ୍ଲୀ,୮।୩: ଅନ୍ତର୍ଜାତୀୟ ମହିଳା ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶର ସମସ୍ତ ମହିଳାଙ୍କୁ ଶୁଭେଚ୍ଛା ଜଣାଇଛନ୍ତି। ଦେଶର ନାରୀଶକ୍ତିକୁ ମୋଦି ଅଭିନନ୍ଦନ ଜଣାଇବା ସହ...

ସିଡବ୍ଲ୍ୟୁସି ବୈଠକରେ ମୋଦି, ଶାହାଙ୍କୁ ସୋନିଆଙ୍କ ଟାର୍ଗେଟ: ଏନ୍‌ପିଆର୍‌ ଏକ ଛଦ୍ମବେଶୀ ଏନ୍‌ଆର୍‌ସି

ନୂଆଦିଲ୍ଲୀ,୧୨ା୧(ପି.ଟି.): ଲୋକଙ୍କୁ ଧର୍ମ ଆଧାରରେ ବିଭାଜନ ପାଇଁ ଉଦ୍ଦିଷ୍ଟ ନାଗରିକତ୍ୱ ସଂଶୋଧନ ଆଇନ (ସିଏଏ)କୁ ପ୍ରତ୍ୟାହାର କରି ଜାତୀୟ ଜନସଂଖ୍ୟା ପଞ୍ଜିକା (ଏନ୍‌ପିଆର୍‌)କୁ କେନ୍ଦ୍ର ସରକାର...

ବିଶ୍ୱର ସବୁଠୁ ଶକ୍ତିଶାଳୀ ବ୍ୟକ୍ତି

ଚଳିତବର୍ଷ ପାଇଁ ବିଶ୍ୱର ସବୁଠୁ ଶକ୍ତିଶାଳୀ ବ୍ୟକ୍ତି ଭାବେ ଆମେରିକାର କାଲିଫର୍ଣ୍ଣିଆରେ ରହୁଥିବା ମାର୍ଟିନ୍‌ ଲିସିସ୍‌ଙ୍କୁ ଚୟନ କରାଯାଇଛି। ୩୫୦ କିଲୋ ଓଜନର ଜିନିଷ ଠାରୁ...

ବର-କନ୍ୟାଙ୍କ ସହ ସେଲ୍‌ଫି ନେଉଥିଲେ କରୋନା ସଂକ୍ରମିତ: ପରେ ଘଟିଲା ଏମିତି

ଭୋପାଳ,୭।୫: ସାରା ଦେଶରେ କରୋନାର ଦ୍ୱିତୀୟ ଲହର ଆତଙ୍କ ଖେଳାଇଦେଇଛି। ସଂକ୍ରମଣ ସଂଖ୍ୟା ସହ ମୃତ୍ୟୁ ସଂଖ୍ୟା ସହ ବଢିବାରେ ଲାଗିଛି। ଏହାସତ୍ତ୍ୱେ କିଛି ଲୋକ...

ସ୍ତ୍ରୀଙ୍କ ଆଶା ପୂରଣ ପାଇଁ ତିଆରି କଲେ ଗିଟାର ଆକାରର ଜଙ୍ଗଲ

ଆର୍ଜେଣ୍ଟିନା, ପମ୍ପାସ୍‌ର ଏକ ଉର୍ବର ଚାଷଜମିରେ ଦେଖିବାକୁ ମିଳେ ଏକ ବିରାଟକାୟ ଗିଟାର ଆକାରର ଜଙ୍ଗଲ। ଜଙ୍ଗଲଟି ୭୦୦୦ରୁ ଊର୍ଦ୍ଧ୍ୱ ସାଇପ୍ରେସ୍‌ ଓ ୟୁକାଲିପଟାସ୍‌ ଗଛ...

ଆଶ୍ୱସ୍ତ ହେଲେ ଉଦ୍ଧବ: ବିଧାନ ପରିଷଦ ନିର୍ବାଚନ ପାଇଁ ଅନୁମତି ଦେଲେ ନିର୍ବାଚନ ଆୟୋଗ

ମୁମ୍ବାଇ,୧।୫: ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ପଦକୁ ନେଇ ଦେଖାଦେଇଥିବା ସଙ୍କଟର ଅନ୍ତ ଘଟିଛି। ଶୁକ୍ରବାର ନିର୍ବାଚନ ଅୟୋଗ ଉଦ୍ଧବ ଠାକରେଙ୍କୁ ଆଶ୍ୱସ୍ତି ପ୍ରଦାନ କରିବା...

୪୦ ଦିନ ଯୁଦ୍ଧ ପାଇଁ ପ୍ରସ୍ତୁତ ହେଉଛି ସେନା

ନୂଆଦିଲ୍ଲୀ,୨୭।୧: ପ୍ରାୟ ୧୩ଲକ୍ଷ ଯବାନଙ୍କୁ ନେଇ ଭାରତୀୟ ସେନା ଧୀରେ ଧୀରେ ତା’ର ଶକ୍ତି ବୃଦ୍ଧି କରୁଛି ବୋଲି ଜଣାପଡିଛି। ସେନା ରକେଟ ଓ କ୍ଷେପଣାସ୍ତ୍ରଠାରୁ...

Advertisement


Archives

Model This Week