ଭୁବନେଶ୍ୱର, ୮।୮: ୨୦୨୬ ‘ମେଟଲ ମିଟ୍’ ପ୍ରିଲିମ୍ସ ଆଜିଠାରୁ ଆରମ୍ଭ ହୋଇଯାଇଛି। ଓଡ଼ିଶା ପୋଷ୍ଟ ‘ମେଟଲ ମିଟ୍’ର ଜୁନିୟର ବର୍ଗ ଏକତ୍ରିତ ହେଉଥିବାବେଳେ ପ୍ରଥମ ଲଢ଼େଇ ନିକଟବର୍ତ୍ତୀ ହେଉଛି। ପିଲାଙ୍କ ମଧ୍ୟରେ ଚାପ ବୃଦ୍ଧି ପାଉଛି। କିଏ ଉପରକୁ ଉଠିବ? କିଏ ସବୁଠାରୁ କଠିନ ପ୍ରଶ୍ନଗୁଡ଼ିକର ସମାଧାନ କରିବ? କିଏ ୨୦୨୬ର ମେଟଲ ମିଟ୍ ଚାମ୍ପିୟନ ଟାଇଟଲ ଅର୍ଜନ କରିବ? ସେନେଇ ସମସ୍ତଙ୍କ ନଜର ରହିଛି।
ସେପଟେ ସକାଳ ୮.୩୦ରୁ ଏହି କୁଇଜ ମହାକୁମ୍ଭ ପାଇଁ ରେଜିଷ୍ଟ୍ରେଶନ ପ୍ରକ୍ରିୟା ଆରମ୍ଭ ହୋଇଯାଇଛି। ଭୁବନେଶ୍ୱରସ୍ଥିତ ସ୍ବସ୍ତି ପ୍ରିମିୟମ ହୋଟେଲରେ ଚାଲିଥିବା ଏହି ରାଜ୍ୟସ୍ତରୀୟ କୁଇଜ ପ୍ରତିଯୋଗିତା ଦୁଇଦିନ ଧରି ଚାଲିବ। ପ୍ରଥମ ଦିନ ପ୍ରିଲିମ ହେବାକୁ ଥିବାବେଳେ ଦ୍ୱିତୀୟ ଦିନ ଗ୍ରାଣ୍ଡ ଫିନାଲେ ଅନୁଷ୍ଠିତ ହେବ। ଚଳିତବର୍ଷ ସାରା ରାଜ୍ୟରୁ ୮୦ଟି ଶିକ୍ଷାନୁଷ୍ଠାନରୁ ଛାତ୍ରୀଛାତ୍ରମାନେ ଅଂଶଗ୍ରହଣ କରୁଛନ୍ତି। ଜୁନିୟର ଗ୍ରୁପ୍ରେ ୩୯ଟି ଟିମ ଥିବାବେଳେ ସିନିୟର ଗ୍ରୁପ୍ରେ ୪୧ଟି ଟିମ ରହିଛନ୍ତି।
ସିନିୟର ବର୍ଗର ରେଜିଷ୍ଟ୍ରେଶନ ଜାରି, ପ୍ରତିଯୋଗୀମାନେ ନିଜର ପ୍ରତିଭା ପ୍ରମାଣ କରିବାକୁ ପ୍ରସ୍ତୁତ
ତୀବ୍ର ବୁଦ୍ଧିର ଲଢ଼େଇ ଓ ଦ୍ରୁତ ଚିନ୍ତନ ପରେ ଜୁନିୟର ପ୍ରିଲିମ୍ସ ରାଉଣ୍ଡ ଶେଷ
କୁଇଜମାଷ୍ଟର ଅଜୟ ପୁନିଆ ମଞ୍ଚରେ, ଶ୍ରେଷ୍ଠ ପ୍ରତିଭାଙ୍କ ଜ୍ଞାନକୁ ପରଖିବାକୁ ପ୍ରସ୍ତୁତ…
ନିଜର ଏକ ସ୍ବତନ୍ତ୍ର ପରିଚୟ ସୃଷ୍ଟି କରିଛି ‘ମେଟଲ ମିଟ’: ଅଦ୍ୟାଶା ସତପଥୀ
କୁଇଜିଂରେ ପୁରସ୍କାର ଅପେକ୍ଷା ଜ୍ଞାନ ଆହରଣ ସହ ନିଜକୁ ଚିହ୍ନିବା ଅଧିକ ଗୁରୁତ୍ୱପୂର୍ଣ୍ଣ: ତଥାଗତ ସତପଥୀ
