ଭୁବନେଶ୍ୱର,୯।୮: ଦୈନିକ ଇଂଲିଶ ଖବରକାଗଜ ‘ଓଡ଼ିଶା ପୋଷ୍ଟ’ ପକ୍ଷରୁ ରାଜ୍ୟସ୍ତରୀୟ କୁଇଜ ପ୍ରତିଯୋଗିତାର ଦଶମ ସଂସ୍କରଣ ‘ମେଟଲ ମିଟ-୨୦୨୬’ ଆରମ୍ଭ ହୋଇଛି। ସ୍ୱସ୍ତି ପ୍ରିମିୟମ ହୋଟେଲ ଠାରେ ଆୟୋଜିତ କୁଇଜର ଏହି ମହାକୁମ୍ଭରେ ରାଜ୍ୟ ତଥା ରାଜ୍ୟ ବାହାରର ବିଭିନ୍ନ ସ୍କୁଲ, କଲେଜ ଏବଂ ବିଶ୍ୱବିଦ୍ୟାଳୟରୁ ମୋଟ ୮୦ଟି ଟିମ ଅଂଶଗ୍ରହଣ କରିଥିଲେ। ପ୍ରିଲିମ୍ସ ରାଉଣ୍ଡର ଜୁନିୟର ବର୍ଗରେ ୩୯ ଓ ସିନିୟର ବର୍ଗରେ ୪୧ଟି ଟିମ ଭାଗ ନେଇଥିଲେ। ସେଥିମଧ୍ୟରୁ ଗ୍ରାଣ୍ଡ ଫିନାଲେ ପାଇଁ ଉଭୟ ବର୍ଗରୁ ୮ଟି ଲେଖାଏ ଟିମ ମନୋନୀତ ହୋଇଛନ୍ତି। ତେବେ ଏହି କୁଇଜ୍ ମହାକୁମ୍ଭର ଆଜି ଗ୍ରାଣ୍ଡ ଫିନାଲେ।
କୁଇଜ୍ର ମହାକୁମ୍ଭ ଆରମ୍ଭ। ୮ଟି ଜୁନିୟର ଫାଇନାଲିଷ୍ଟ ଟିମ ମଇଦାନକୁ ଓହ୍ଲାଇଛନ୍ତି। ସେମାନେ ନିଜର ବୌଦ୍ଧିକ ଶକ୍ତି ପ୍ରଦର୍ଶନ କରି ଟାଇଟଲ ହାସଲ କରିବା ପାଇଁ ସମ୍ପୂର୍ଣ୍ଣ ପ୍ରସ୍ତୁତ।
‘ଓଡ଼ିଶା ପୋଷ୍ଟ’ ଏବଂ ‘ଧରିତ୍ରୀ’ର ସିଇଓ ଆଦ୍ୟାଶା ସତପଥୀ କହିଛନ୍ତି, ଏକ ଜନଗହଳିପୂର୍ଣ୍ଣ ହଲ୍ ଦେଖିବା ଅତ୍ୟନ୍ତ ଉତ୍ସାହଜନକ, ଯାହା ଓଡ଼ିଶାର ଛାତ୍ରୀଛାତ୍ର, ଅଭିଭାବକ ଏବଂ କ୍ୱିଜ ପ୍ରେମୀଙ୍କ ମଧ୍ୟରେ କ୍ୱିଜର ବୃଦ୍ଧି ପାଉଥିବା ଲୋକପ୍ରିୟତାକୁ ପ୍ରତିଫଳିତ କରୁଛି। ସେ ଉଲ୍ଲେଖ କରିଛନ୍ତି ଯେ ‘ମେଟଲ ମିଟ’ ନିଜର ଏକ ଦଶନ୍ଧି ପୂରଣ କରିସାରିଛି ଏବଂ ଏବେ ଦ୍ୱିତୀୟ ଦଶନ୍ଧିରେ ପାଦ ଥାପୁଛି।
ଏହି କାର୍ଯ୍ୟକ୍ରମର ଆରମ୍ଭ ବିଷୟରେ ମନେ ପକାଇ କହିଛନ୍ତି, ୨୦୧୬ ମସିହାରେ ଯେତେବେଳେ କ୍ୱିଜ ସଂସ୍କୃତି ନିଜର ଗତି ହରାଉଥିବା ପରି ମନେହେଉଥିଲା, ସେତେବେଳେ ‘ମେଟଲ ମିଟ’ର ଶୁଭାରମ୍ଭ କରାଯାଇଥିଲା। ବୌଦ୍ଧିକ ଜିଜ୍ଞାସାକୁ ପ୍ରୋତ୍ସାହିତ କରିବା ଏବଂ କ୍ୱିଜ ମାଧ୍ୟମରେ ଯୁବପ୍ରତିଭାମାନଙ୍କୁ ନିଜର ପ୍ରତିଭା ଦେଖାଇବାର ଏକ ମଞ୍ଚ ପ୍ରଦାନ କରିବା ପାଇଁ ଏହି ପଦକ୍ଷେପ ଆରମ୍ଭ କରାଯାଇଥିଲା। ବର୍ଷ ବର୍ଷ ଧରି ଏହି କାର୍ଯ୍ୟକ୍ରମର ଲୋକପ୍ରିୟତାରେ ଖୁସି ବ୍ୟକ୍ତ କରିଛନ୍ତି
ମେଟଲ ମିଟ୍ ୨୦୨୬ର ଗ୍ରାଣ୍ଡ ଫାଇନାଲ ଆରମ୍ଭ ହେବା ସହ, ଓଡ଼ିଶା ପୋଷ୍ଟ ଓ ଧରିତ୍ରୀର ସମ୍ପାଦକ ତଥାଗତ ସତପଥୀ ସମସ୍ତ ପ୍ରତିଯୋଗୀ ୧୬ଟି ଫାଇନାଲିଷ୍ଟ ଟିମକୁ ଶୁଭେଚ୍ଛା ଜଣାଇଛନ୍ତି। ‘ପାଠକମାନଙ୍କ ନିରନ୍ତର ଉତ୍ସାହ ଏବଂ ସହଯୋଗ ‘ଓଡ଼ିଶା ପୋଷ୍ଟ’ର ପ୍ରଗତି ପଛର ମୁଖ୍ୟ ଶକ୍ତି ହୋଇରହିଛି। ସେ ଉଲ୍ଲେଖ କରିଥିଲେ ଯେ ଏହି ଖବରକାଗଜ ନିଜ ପାଇଁ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଛି ଏବଂ ଏହାର ସଫଳତା ପାଇଁ ସିଇଓ ଆଦ୍ୟାଶା ସତପଥୀ ଓ ପୂରା ଟିମକୁ ଶ୍ରେୟ ଦେଇଛନ୍ତି।ପ୍ରତିଯୋଗୀମାନଙ୍କ ବିଷୟରେ କହିବାକୁ ଯାଇ ସେ କ୍ୱିଜରମାନଙ୍କୁ ସମାଜର ସବୁଠାରୁ ମେଧାବୀ ବ୍ୟକ୍ତିବିଶେଷ ଭାବେ ବର୍ଣ୍ଣନା କରିଛନ୍ତି। ସେ କହିଛନ୍ତି ଯେ ସେମାନେ କେବଳ ନିଜ ଜ୍ଞାନ ନୁହେଁ, ବରଂ ନିଜର ଚିନ୍ତାଧାରା, ଜିଜ୍ଞାସା ଏବଂ ପ୍ରଗତି ପ୍ରତି ପ୍ରତିବଦ୍ଧତା ମାଧ୍ୟମରେ ସମାଜକୁ ଯୋଗଦାନ ଦେଇଥାନ୍ତି। ଏହି ପ୍ରତିଯୋଗିତା ଯୁବପିଢ଼ିର ବୌଦ୍ଧିକ ସାମର୍ଥ୍ୟ ଏବଂ ଏକ ଉତ୍ତମ ଭବିଷ୍ୟତ ଗଢ଼ିବାରେ ସେମାନଙ୍କ ଭୂମିକାକୁ ପ୍ରତିଫଳିତ କରୁଛି ବୋଲି ସେ ପ୍ରକାଶ କରିଛନ୍ତି।’
କ୍ୱିଜ ମହାକୁମ୍ଭର ୧୦ମ ସଂସ୍କରଣକୁ ପାଳନ କରିବା ଅବସରରେ, ସେ ଆଶା ପ୍ରକାଶ କରିଛନ୍ତି ଯେ ଏହି ହଲ୍ରେ ଉପସ୍ଥିତ ଥିବା ମେଧାବୀ ଯୁବପ୍ରତିଭାମାନେ ଆଗାମୀ ଦିନରେ ସମାଜ ପାଇଁ ସର୍ୱୋତ୍ତମ ଯୋଗଦାନକାରୀ ଭାବେ ଗଢ଼ିଉଠିବେ।
ଆରମ୍ଭ ହୋଇଛି ମେଟଲ ମିଟ ୨୦୨୬ର ଗ୍ରାଣ୍ଡ ଫିନାଲେ। ଟାଇଟଲ ଜିତିବା ପାଇଁ ସିନିୟର-ଜୁନିୟର ଭିତରେ ହେବ କଡ଼ା ମୁକାବିଲା। ଦେଖନ୍ତୁ ଲାଇଭ:
ତେବେ ଏହି କୁଇଜ୍ ମହାକୁମ୍ଭର ଆଜି ଗ୍ରାଣ୍ଡ ଫିନାଲେ। ଏହାର ରେଜିଷ୍ଟ୍ରେଶନ ପ୍ରକ୍ରିୟା ଆରମ୍ଭ ହୋଇଯାଇଛି। ଆଜି ସିନିୟର ଓ ଜୁନିୟର ଫାଇନାଲିଷ୍ଟ ମଧ୍ୟରେ କଡ଼ା ଟକ୍କର ହେବା ସହିତ ବିଜେତା ଚୟନ କରାଯିବା
