ଭିଟୋରିଆ (ସ୍ପେନ୍), ୨୧ା୭ (ଏପି)-ସ୍ପାନିଶ ଲିଗ୍ରେ ଲିଓନେଲ ମେସି ରେକର୍ଡ ଟପ୍ ସ୍କୋରିଂ ଟାଇଟଲ ଜିତିଛନ୍ତି। ଫାଇନାଲ ରାଉଣ୍ଡରେ ଆଲଭେସ୍ ବିପକ୍ଷ ୫-୦ ବିଜୟ ମ୍ୟାଚରେ ଦୁଇଟି ଗୋଲ ସ୍କୋର କରିବା ପରେ ସେ ଏହି ସଫଳତା ହାସଲ କରିଛନ୍ତି। ଟୁର୍ନାମେଣ୍ଟରେ ମେସି ମୋଟ ୨୫ଟି ଗୋଲ ସ୍କୋର କରିଛନ୍ତି, ଯାହାକି ବେଞ୍ଜିମା କରିମ୍ଙ୍କଠାରୁ ୪ଟି ଅଧିକ। ଲେଗାନେସ୍ଠାରେ ରିୟଲ ମାଡ୍ରିଡ୍ର ୨-୨ ଡ୍ର ମ୍ୟାଚରେ ସେ ଗୋଟିଏ ହେଲେ ଗୋଲ ସ୍କୋର କରିପାରି ନ ଥିଲେ। ମେସି ହେଉଛନ୍ତି ପ୍ରଥମ ଖେଳାଳି ଯିଏକି ୭ ପୃଥକ୍ ପୃଥକ୍ ସିଜନରେ ଟପ୍ ସ୍କୋରର ରହିଆସିଛନ୍ତି। ଇଞ୍ଜୁରୀ ଯୋଗୁ ସିଜନ ଆରମ୍ଭରେ ସେ କେତୋଟି ଗେମ୍ ଖେଳି ପାରି ନ ଥିଲେ ମଧ୍ୟ ମାଇଲଖୁଣ୍ଟରେ ପହଞ୍ଚତ୍ୟାଇଥିଲେ। ଆର୍ଜେଣ୍ଟିନାର ଏହି ଷ୍ଟାର ଖେଳାଳି ୩୩ଟି ମ୍ୟାଚରେ ୨୫ ଗୋଲ ସ୍କୋର କରିଥିଲେ। ମେସି ପୂର୍ବରୁ ୬ ସ୍କୋରିଂ ଟାଇଟଲ ସହ ଟେଲମୋ ଜାରାଙ୍କ ସମକକ୍ଷ ହୋଇଥିଲେ। ସେ ଆହୁରି ମଧ୍ୟ କ୍ରମାଗତ ୪ଥର ଟପ୍ ସ୍କୋରର ଟ୍ରଫି ହାସଲ କରି ହୁଗୋ ସାଞ୍ଚେଜ୍ଙ୍କ ସମକକ୍ଷ ହୋଇପାରିଛନ୍ତି।
