ଗଞ୍ଜାମ,୨୦।୫ (ବିଦ୍ୟାଧର ସାହୁ ): ଗଞ୍ଜାମ ସହରରେ ଥିବା ସମସ୍ତ ମେଡ଼ିସିନ ଷ୍ଟୋରଗୁଡିକ ବୁଧବାର ବନ୍ଦ ଥିବା ଦେଖିବାକୁ ମିଳିଛି । ଯାହା ଫଳରେ ରୋଗୀ ସେବା କିଛି ମାତ୍ରାରେ ବାଧାପ୍ରାପ୍ତ ହୋଇଛି । ଏଥିସହ ରୋଗୀ ଓ ସମ୍ପର୍କୀୟଙ୍କ ଉପରେ ତାର ପ୍ରଭାବ ପଡ଼ିଥିବା ଜଣାପଡିଛି । ବର୍ତ୍ତମାନ ରୋଗୀଙ୍କୁ ସରକାରୀ ମେଡ଼ିସିନ ହିଁ ଭରଷା। ଅନଲାଇନରେ ହୋମ ଡ଼େଲିଭେରୀରେ ମେଡ଼ିସିନ ବିକ୍ରି ଏବଂ ତାହା ମଧ୍ୟ ମେଡ଼ିସିନରେ ଅଧିକ ରିହାତିକୁ ବିରୋଧ କରି ମେଡିସିନ ଷ୍ଟୋର ମାଲିକ ମାନେ ଏହି ପଦକ୍ଷେପ ନେଇଥିବା ଜଣାପଡିଛି। ଏହାର ସ୍ଥାୟୀ ସମାଧାନ ନହେବା ପର୍ଯ୍ୟନ୍ତ ଅନର୍ଦ୍ଦିଷ୍ଟ କାଳ ପର୍ଯ୍ୟନ୍ତ ମେଡ଼ିସିନ ଷ୍ଟୋର ବନ୍ଦ ରହିବ ବୋଲି ଜଣେ ମେଡ଼ିସିନ ଷ୍ଟୋର ମାଲିକ ଗଣମାଧ୍ୟମକୁ ସୂଚନା ଦେଇଛନ୍ତି ।
