ନୂଆଦିଲ୍ଲୀ,୧୮ ।୧୧: ଆସନ୍ତା ମାସରେ ହେବାକୁ ଥିବା ଏମସିଡି ନିର୍ବାଚନ ଲାଗି ଆମ ଆଦମୀ ପାର୍ଟି(ଏଏପି) ସମ୍ପୂର୍ଣ୍ଣ ଭାବେ ପ୍ରସ୍ତୁତ ହୋଇ ଗଲାଣି । ଦଳ ଏଥର ଗ୍ରାଉଣ୍ଡ ଲେବଲର ଗିତବିଧିକୁ ନେଇ ମଇଦାନକୁ ଓହ୍ଲାଇବାକୁ ପ୍ରସ୍ତୁତ ହୋଇଛି । ଫଳରେ ଅଧିକରୁ ଅଧିକ ଭୋଟରଙ୍କ ସହ ଦଳ ଯୋଡି ହୋଇପାରିବ । ଏହାରି ଭିତରେ ଏଏପି ପକ୍ଷରୁ ଘୋଷଣା କରାଯାଇଥିବା ସମସ୍ତ ପ୍ରାର୍ଥୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ୧୦ ଗ୍ୟାରେଣ୍ଟିକୁ ଘର ଘର ପହଞ୍ଚାଇବାକୁ ଗୁରୁବାର ଠାରୁ ଅଭିଯାନ ଆରମ୍ଭ କରିଛନ୍ତି । ଗୁରୁବାର ଏଏପି ସମସ୍ତ ୨୫୦ ୱାର୍ଡରେ ଦଳୀୟ କାର୍ଯ୍ୟାଳୟର ଉଦଘାଟନ କରିଛି । ଏହାସହ ସମସ୍ତ ୨୫୦ ୱାର୍ଡରୁ ଦଳର ପଦଯାତ୍ରା ଆରମ୍ଭ ହୋଇଛି ।
