ବେଙ୍ଗାଲୁରୁ,୨୧।୧୧ : କର୍ନାଟକରେ ଜଣେ ନାବାଳିକାଙ୍କୁ ବଳାତ୍କାର ମାମଲାରେ ହାଇକୋର୍ଟଙ୍କର ଏକ ବଡ ନିଷ୍ପତ୍ତି ଆସିଛି। କୋର୍ଟ ଏହି ମାମଲାକୁ ଖାରଜ କରିଦେଇଛନ୍ତି। ପ୍ରକାଶ ଥାଉକି, ଏହି ମାମଲାରେ ଅଭିଯୁକ୍ତ ଯୁବକ ଜଣକ ପୀଡିତା ନାବାଳିକାଙ୍କୁ ବିବାହ କରିବା ପାଇଁ ମଧ୍ୟ କୋର୍ଟଙ୍କ ପକ୍ଷରୁ ଏକ ସର୍ତ୍ତ ରଖାଯାଇଛି। ଏକ ମାସ ମଧ୍ୟରେ ବଳାତ୍କାରକାରୀ ଏବଂ ପୀଡିତାଙ୍କର ବିବାହ କରାଇ ସେମାନଙ୍କ ସମ୍ପର୍କ ପଞ୍ଜିକରଣ କରିବାକୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି।
ଜଷ୍ଟିସ ଚନ୍ଦନ ଗୌଦରଙ୍କ ଏକକ ବେଞ୍ଚ ଏହି ମାମଲାର ଶୁଣାଣି କରିଛନ୍ତି। ଏହି ମାମଲା ଚଳିତ ବର୍ଷର ପ୍ରାରମ୍ଭରେ ଘଟିଥିଲା। ମିଳିଥିବା ସୂଚନା ଅନୁଯାୟୀ ଜଣେ ଯୁବକ ନାବାଳିକା ସହିତ ବନ୍ଧୁତା କରିଥିଲେ। ଧୀରେ ଧୀରେ ଦୁହେଁ ଏତେ ନିକଟତର ହେଲେ ସେମାନଙ୍କ ମଧ୍ୟରେ ଶାରୀରିକ ସମ୍ପର୍କ ସ୍ଥାପନ ହୋଇଥିଲା। ଏହା ପରେ କୌଣସି କାରଣରୁ ଦୁହିଁଙ୍କ ମଧ୍ୟରେ ଝଗଡା ହୋଇଥିଲା। ପରେ ନାବାଳିକାଙ୍କର ପରିବାର ସଦସ୍ୟଙ୍କ ପକ୍ଷରୁ ଯୁବକଙ୍କ ବିରୋଧରେ ବଳାତ୍କାର ମାମଲା ଦାଏର କରାଯାଇଥିଲା। ଏହି ମାମଲାରେ କର୍ନାଟକ ହାଇକୋର୍ଟରେ ଆଡଭୋକେଟ ଅଭୟ ଆରଏସଙ୍କ ମାଧ୍ୟମରେ ଏକ ପିଟିଶନ ଦାଖଲ କରାଯାଇଥିଲା।
ଏହି ମାମଲାରେ,ଓକିଲ ଏଚସିଜିପି ଥିଜେଶ ପି ଏବଂ ଆଡଭୋକେଟ ବାସଭ ପ୍ରସାଦ କୁନଲେଙ୍କ ମାଧ୍ୟମରେ ଅଭିଯୁକ୍ତଙ୍କ ପକ୍ଷରୁ କୁହାଯାଇଥିଲା ସେମାନଙ୍କ ମଧ୍ୟରେ ସମ୍ପର୍କ ପାରସ୍ପରିକ ସହମତିରେ ଥିଲା। ଯଦିଓ ପୀଡିତା ସେତେବେଳେ ନାବାଳିକା ଥିଲେ, ବର୍ତ୍ତମାନ ସେ ବୟସ୍କ ହୋଇଯାଇଛନ୍ତି। ଦୁହେଁ ପରସ୍ପରକୁ ବିବାହ କରିବାକୁ ଚାହାନ୍ତି। ନାବାଳିକା ଆଫିଡେଭିଟରେ ଉଲ୍ଲେଖ କରିଛନ୍ତି ଉଭୟଙ୍କ ମଧ୍ୟରେ ସମ୍ପର୍କ ସହମତିରେ ହୋଇଥିଲା।
ଶେଷରେ, ସମସ୍ତ ଦିଗକୁ ଧ୍ୟାନରେ ରଖି ହାଇକୋର୍ଟର ବେଞ୍ଚ ଏହି ମାମଲାକୁ ଖାରଜ କରିଦେଇଛି। ଆଇପିସିର ଧାରା ୩୭୬ (୨) (ଏନ) ଏବଂ ପୋକ୍ସୋ ଆକ୍ଟ ୨୦୧୨ ର ଧାରା ୬ ଅନୁଯାୟୀ ବାଳକ ବିରୁଦ୍ଧରେ ଚାଲିଥିବା ପ୍ରକ୍ରିୟାକୁ ବାତିଲ କରିବା ସହିତ କୋର୍ଟ ଏହି ନିଷ୍ପତ୍ତିରେ ଉଲ୍ଲେଖ କରିଛନ୍ତି ଏହି ମାମଲାରେ ଅପରାଧମାମଲା ଜାରି ରଖିବା ଦ୍ୱାରା କୋର୍ଟର ନ୍ୟାୟିକ ସେବାର ଉଦ୍ଦେଶ୍ୟ ପୂରଣ ହୋଇ ପାରିବ ନାହିଁ। ଏହା ଦ୍ୱାରା ନ୍ୟାୟର ସମାପ୍ତି ଏବଂ ଆଇନ ପ୍ରକ୍ରିୟାର ଅପବ୍ୟବହାର ହେବ। ଏହା ସହିତ କୋର୍ଟ ମଧ୍ୟ ଅଭିଯୁକ୍ତକୁ ଏକ ମାସ ମଧ୍ୟରେ ପୀଡ଼ିତାଙ୍କୁ ବିବାହ କରିବା ଏବଂ ଅଧିକାରୀଙ୍କ ନିକଟରେ ପଞ୍ଜୀକରଣ କରିବାକୁ ନିର୍ଦ୍ଦେଶ ଦେଇଛନ୍ତି।
Karnataka High Court Quashes Rape Case Subject To Accused Marrying Victim, Notes They Were In Consensual Relationship
reports @plumbermushi https://t.co/J6klFn6zBU
— Live Law (@LiveLawIndia) November 21, 2023
