ନୂଆଦିଲ୍ଲୀ: ମୃତ ବ୍ୟକ୍ତିଙ୍କୁ ପୁଣି ବିବାହ କେମିତି କରିହେବ ଏକଥାକୁ ଭାବିବା ବି କଷ୍ଟକର। କିନ୍ତୁ ଏଭଳି ଅଜବ ଘଟଣା ଦେଖିବାକୁ ମିଳେ ଫ୍ରାନ୍ସରେ। ଏଠାରେ ଏଭଳି ବିବାହ ନିମନ୍ତେ ସରକାର ଆଇନ ବି କରିଛନ୍ତି। ସମଗ୍ର ୟୁରୋପରେ ଫ୍ରାନ୍ସର ସୌନ୍ଦର୍ଯ୍ୟ ସମସ୍ତଙ୍କୁ ବିମୋହିତ କରିଛି। ଏହି ଦେଶ ବିକଶିତ ହେଲେ ହେଁ ଏଠାରେ ଏଭଳି ଏକ ଅଜବ ନିୟମ ରହିଛି ।
ଜଣେ ଚାହିଁଲେ କିଛି ବିଶେଷ ପରିସ୍ଥିତିରେ ବି ଏଠାରେ ମୃତବ୍ୟକ୍ତି ବା ମହିଳାଙ୍କୁ ବିବାହ କରିପାରିବେ। ବିଭିନ୍ନ ଧର୍ମରେ ବିବାହକୁ ନେଇ ଭିନ୍ନ ଭିନ୍ନ ପରମ୍ପରା ରହିଛି। ପରମ୍ପରା ଯାହା ବି ହୋଇଥାଉ କିନ୍ତୁ ଜୀବନସାଥୀ ବାଛିବାବେଳେ ସମସ୍ତେ ସତର୍କ ରହିଥାନ୍ତି। ନିଜ ପାଇଁ ମନଲାଖି ଆଉ ଯୋଗ୍ୟ ପ୍ରାର୍ଥୀ ବାଛିବା ପାଇଁ ସମସ୍ତଙ୍କର ଇଚ୍ଛା ରହିଥାଏ। କିନ୍ତୁ ଫ୍ରାନ୍ସରେ କିଛି ଲୋକ ମୃତବ୍ୟକ୍ତିଙ୍କୁ ହିଁ ନିଜର ଜୀବନସାଥୀ ଚୟନ କରିଥାନ୍ତି। ଫ୍ରାନ୍ସର ଏଭଳି ଅଜବ ନିୟମ ଅନୁସାରେ ଯେକୌଣସି ଲୋକ ଚାହିଁଲେ ଜଣେ ମୃତବ୍ୟକ୍ତିଙ୍କୁ ବିବାହ କରିପାରେ। କିନ୍ତୁ ଏଭଳି ବିବାହ କରିବା ପୂର୍ବରୁ ପ୍ରଥମେ ରାଷ୍ଟ୍ରପତିଙ୍କର ଅନୁମତି ନେବାକୁ ହେବ। ସେଭଳି ବିଶେଷ ପରିସ୍ଥିତି ଥିଲେ ରାଷ୍ଟ୍ରପତି ମଧ୍ୟ ଏଭଳି ବିବାହ କରିବା ପାଇଁ ଅନୁମତି ଦେଇଥାନ୍ତି। ଏହାପରେ ଯଥା ବିଧି ନିୟମ ଅନୁସାରେ ମୃତବ୍ୟକ୍ତି ବା ମୃତ ମହିଳାଙ୍କ ସହିତ ବିବାହ ଅନୁଷ୍ଠିତ ହୋଇଥାଏ।
