ନିରାକାରପୁର, ୨୫।୭(ମାନସ ଚନ୍ଦ୍ର ପଟ୍ଟନାୟକ ):ଖୋର୍ଦ୍ଧା ଜିଲା ଟାଙ୍ଗୀବ୍ଲକ ଜଙ୍କିଆ ଥାନା ଅନ୍ତର୍ଗତ ଅଚୁତପୁର ପଞ୍ଚାୟତରରେ ମାସେ ହେଲା ନିର୍ମାଣ ହୋଇଥିବା ମଣ୍ଡପ କୋଠା ଭୁଶୁଡି ପଡିଥିବା ଦେଖିବାକୁ ମିଳିଛି।
ସୂଚନାଯୋଗ୍ୟ କି, ମାସକ ତଳେ ପଞ୍ଚାୟତ ଅନୁଦାନ ୧ଲକ୍ଷ ୭0ହଜାରରୁ ଉର୍ଦ୍ଧ ବ୍ୟୟବରାଦରେ ଉକ୍ତ ପଞ୍ଚାୟତର ଗୋବିନ୍ଦ ପ୍ରସାଦ ମୌଜାସ୍ଥିତ ମା’ ବ୍ରାହ୍ମଣୀ ଦେବୀଙ୍କ ମଣ୍ଡପଘର ଛାତ ପକା କାର୍ଯ୍ୟ ସମ୍ପୂର୍ଣ୍ଣ ହୋଇଥିଲା। ହେଲେ ନିମ୍ନମାନର କାର୍ଯ୍ୟଯୋଗୁ ପ୍ରାୟ ୬ଶହ ସ୍କୋୟାର ଫୁଟରୁ ଉର୍ଦ୍ଧ ବିଶିଷ୍ଟ ଛାତଟି ଏବେ ଭୁଶୁଡି ପଡିଛି। ଅଭିଯୋଗ ଅନୁଯାୟୀ ଉକ୍ତ ମଣ୍ଡପରେ ଆବଶ୍ୟକ ଅନୁସାରେ ରଡ଼, ସିମେଣ୍ଟ ବ୍ୟବହାର ନହେବା ସହ କାର୍ଯ୍ୟ ସଠିକ କାଯ୍ୟ ହୋଇ ନ ଥିବା ଯୋଗୁଁ ଏପରି ସମସ୍ୟା ଉପୁଜିଛ। ଏହା ବ୍ୟତୀତ କଂକ୍ରିଟ ପିଲାର ସ୍ଥାନରେ ରିଜେକ୍ଟ ପଥରରେ ନିର୍ମିିତ ଖୁଣ୍ଟରେ ଏହା ର୍ନିମାଣ ଯୋଗୁଁ ଭାରସାମ୍ୟ ରଖି ନ ପାରି ଏତେବଡ କୋଠା ମଣ୍ଡପଟି ଭୁଶୁଡି ପଡିଛି। ବିଶେଷକରି ଠିକାଦାର ଓ,ବିଭାଗୀୟ ଯନ୍ତ୍ରୀ ଓ ପଞ୍ଚାୟତ ର୍ନିବାହୀ ଅଧିକାରୀଙ୍କ ଲାଭଖୋର ମନବୃତ୍ତି ଯୋଗୁଁ ଏଭଳି ଅଭାବନୀୟ ପରିସ୍ଥିତି ସୃଷ୍ଟି ହୋଇଥିବା ଅଭିଯୋଗ ହୋଇଛି।
