ଶ୍ରୀନଗର,୨୨।୭: ଜମ୍ମୁ ଓ କାଶ୍ମୀରର ଅନନ୍ତନାଗରୁ ଏକ ବଡ଼ ଖବର ସାମ୍ନାକୁ ଆସିଛି। ଲାଲ ଚୌକ ନିକଟରେ ଆତଙ୍କବାଦୀ ଆକ୍ରମଣରେ ଜଣେ କନଷ୍ଟେବଳ ଶହୀଦ ହୋଇଛନ୍ତି। ଆକ୍ରମଣକାରୀ ଘଟଣାସ୍ଥଳରୁ ଖସି ପଳାଇଛି ଏବଂ ଆତଙ୍କବାଦୀଙ୍କୁ ଠାବ କରିବା ପାଇଁ ଏକ ସର୍ଚ୍ଚ ଅପରେଶନ ଚାଲିଛି।
ଅନନ୍ତନାଗ ପୋଲିସ କଣ୍ଟ୍ରୋଲ ରୁମ (PCR)ରୁ ମିଳିଥିବା ସୂଚନା ଅନୁଯାୟୀ, ଅନନ୍ତନାଗ ପୋଲିସ ଷ୍ଟେଶନ ଅଧୀନରେ ଆସୁଥିବା ଲାଲ ଚୌକର କୋଟୱାଲ ଗଲି ଅଞ୍ଚଳରେ ଅପରାହ୍ନ ପ୍ରାୟ ୧୨:୩୫ ସମୟରେ ଅଜ୍ଞାତ ଆତଙ୍କବାଦୀମାନେ ଏକ ପୋଲିସ ଦଳ ଉପରେ ଗୁଳି ଚଳାଇଥିଲେ।
ଭାରତୀୟ ରିଜର୍ଭ (IR) ପୋଲିସର ତୃତୀୟ ବାଟାଲିୟନର ହେଡ କନଷ୍ଟେବଳ ଆଶିକ ହୁସେନଙ୍କ ଘଟଣାସ୍ଥଳରେ ମୃତ୍ୟୁ ଘଟିଥିଲା। ଘଟଣା ପରେ ଅଞ୍ଚଳରେ ଆତଙ୍କ ଖେଳିଯାଇଛି। ସୁରକ୍ଷା ବାହିନୀ ଅଞ୍ଚଳକୁ ଘେରାବନ୍ଦୀ କରିନେଇଛି ଏବଂ ଆକ୍ରମଣକାରୀଙ୍କୁ ଖୋଜିବା ପାଇଁ ଏକ ସର୍ଚ୍ଚ ଅପରେଷନ ଆରମ୍ଭ କରାଯାଇଛି।
Dharitri – Odisha’s No.1 Odia Daily
