ତଲାବିରା କୋଇଲା ଖଣିରୁ ମିଳିମିଶି ଲୁଟୁଛନ୍ତି

ସମ୍ବଲପୁର,୧୬ା୯(ବ୍ୟୁରୋ): ସମ୍ବଲପୁର ଜିଲା ଶାସନ ଥାନା ପ୍ରଧାନପାଲି ନିକଟରେ ବୁଧବାର ଏକ କୋଇଲା ବୋଝେଇ ଟ୍ରକ୍‌କୁ ଚୋରା ଚାଲାଣ ସନ୍ଦେହରେ ସ୍ଥାନୀୟ ଲୋକଙ୍କ ସହଯୋଗରେ ପୋଲିସ ଧରିଥିଲା। ଏହି ଘଟଣା ପରେ ଜିଲାରେ ଥିବା ଖଣିଖାଦାନରୁ ମିଳିମିଶି ଲୁଟ୍‌ କରାଯାଉଛି ବୋଲି ଚର୍ଚ୍ଚା ହେଉଛି। ଏଥିରେ କୋଇଲା କିଣୁଥିବା କମ୍ପାନୀ, ଟ୍ରାନ୍ସପୋର୍ଟର, ନେତା, ମନ୍ତ୍ରୀ, ପ୍ରଶାସନର ସମ୍ପୃକ୍ତି ରହୁଥିବା ଅଭିଯୋଗ ହେଉଛି। ବୁଧବାର ଟ୍ରକ୍‌ ଧରାପଡିବା ପରେ ଘଟଣାସ୍ଥଳରେ ପରିବହନ ସଂସ୍ଥା ପହଞ୍ଚତ୍ ଏକ ଟ୍ରାନ୍‌ଜିଟ ପାସ୍‌ ଦେଖାଇ ଟ୍ରକ୍‌କୁ ଛଡାଇ ନେଇଥିଲା। ପୋଲିସ ମଧ୍ୟ ନିରୁପାୟ ହୋଇଯାଇଥିଲା। ମାସିକ ପ୍ରାୟ ୩ ଶହ ଟ୍ରକ୍‌ରେ ଏଭଳି କୋଇଲା ଚୋରା ଚାଲାଣ ହେଉଥିବା ଅଭିଯୋଗ ହେଉଛି। ଏହା ଦ୍ୱାରା ସରକାରଙ୍କ କୋଟି କୋଟି ଟଙ୍କା ରାଜସ୍ବ ହାନି ହେଉଛି।
ଜବତ ହୋଇଥିବା ଟ୍ରକ୍‌ (ନଂ.ଓଡି୧୬ଏ-୬୦୧୧)ର ଚାଲାଣରେ ତ୍ରୁଟି ଥିବା ସନ୍ଦେହ ହୋଇଛି। ଉକ୍ତ ଟ୍ରାନ୍‌ଜିଟ ପାସ୍‌ ଆକାର ଇଞ୍ଜିନିୟର୍ସ ଆଣ୍ଡ କଣ୍ଟ୍ରାକ୍ଟର୍ସ ନାମରେ ରହିଛି। ତଲାବିରା କୋଇଲା ଖଣିରୁ ଏସିବି ସାଇଡିଂ କୁଡ୍‌କି ଯିବାକୁ ଉଲ୍ଲେଖ ରହିଛି। ଏହା ପ୍ରଥମେ ସୁନ୍ଦରଗଡ କନିକା ରେଲୱେ ସାଇଡିଂ ଯାଇ ପରେ କର୍ଣ୍ଣାଟକ କୁଡ୍‌କି (ଏନଟିପିସି) କମ୍ପାନୀକୁ ଯିବାର ଥିଲା। ଏଥିରେ ୩୧.୭୭୦ ଟନ୍‌ କୋଇଲା ଲୋଡ୍‌ ହୋଇଥିଲା। ଗାଡି ମାଲିକ ବାଦଲ ସିଂ ରହିଥିବାବେଳେ ଏଥିରେ ତାଙ୍କର ଫୋନ ନମ୍ବର ୬୨୦୪୧୧୫୦୨୦ ଦିଆଯାଇଛି। ଏହି ନମ୍ବରରେ ଫୋନ କଲେ ବିହାରର ମନୋଜ ସାହା ନାମକ ବ୍ୟକ୍ତି ଫୋନ ଉଠାଇ ତାଙ୍କର ଏକ ଜଳଖିଆ ଦୋକାନ ରହିଛି, ଟ୍ରକ୍‌ କିଣିବା ପାଇଁ ସାମର୍ଥ୍ୟ ନାହିଁ, ବୁଧବାରଠାରୁ ଏଭଳି ଅନେକ ଫୋନ ଆସିଥିବା କହିଛନ୍ତି। ଉକ୍ତ ଟ୍ରାନ୍‌ଜିଟ ପାସ୍‌ରେ ଗାଡି ମାଲିକଙ୍କ ନାମ ଓ ଫୋନ ନମ୍ବରରେ ତାଳମେଳ ରହୁନାହିଁ। ଏହାକୁ ପୋଲିସ, ଏନ୍‌ଟିପିସି କମ୍ପାନୀ ଠିକ୍‌ ଭାବେ ଯାଞ୍ଚ କଲେ ଘଟଣାର ସତ୍ୟତା ସମାନାକୁ ଆସିବ ବୋଲି ସାଧାରଣରେ ଆଲୋଚନା ହେଉଛି। କୋଇଲା ସରକାରୀ ସମ୍ପତ୍ତି। ଏହାକୁ ସୁରକ୍ଷା ଦେବା ପୋଲିସ, ଏନ୍‌ଏଲ୍‌ସି କମ୍ପାନୀ, ଏନ୍‌ଟିପିସି କମ୍ପାନୀର ଦାୟିତ୍ୱ। ମିଳିତ ଚଢାଉ କରି ଯାଞ୍ଚ କଲେ ଚୋରା ଚାଲାଣ ରୋକାଯାଇ ପାରିବ ବୋଲି କୁହାଯାଉଛି। ଏ ସମ୍ପର୍କରେ ଏନ୍‌ଏଲ୍‌ସି କମ୍ପାନୀ ଖଣି ପରିଚାଳନା ମ୍ୟାନେଜର ଭଗ୍‌ତ ସିଂ କହିଛନ୍ତି, ଏନ୍‌ଏଲ୍‌ସି ପକ୍ଷରୁ କୋଇଲା ଦିଆଯାଉଛି। ଏନ୍‌ଟିପିସି, ବେଦାନ୍ତ ଭଳି ଅନେକ କମ୍ପାନୀ ଓ ଉଦ୍ୟୋଗ କୋଇଲା କିଣନ୍ତି। ଆମ ଖଣିର ମୁଖ୍ୟ ଗେଟ୍‌ରୁ କୋଇଲା ଟ୍ରକ୍‌ ବାହାରକୁ ଚାଲିଯିବା ପରେ ଆମର ଆଉ କର୍ତ୍ତୃତ୍ୱ ନ ଥାଏ। ପରବର୍ତ୍ତୀ ଦାୟିତ୍ୱ ଟ୍ରାନ୍ସପୋର୍ଟର ଓ କୋଇଲା କିଣୁଥିବା ସଂସ୍ଥାର। ଯଦି ଚୋରି ହେବ କୋଇଲା କିଣୁଥିବା ସଂସ୍ଥାର ହେବ ବୋଲି କହିଥିଲେ। ସେହିପରି ଥାନା ଅଧିକାରୀ ଲୋକନାଥ ସାହୁ କହିଛନ୍ତି, ବୁଧବାର କାଗଜପତ୍ର ଦେଖିବା ପରେ ଟ୍ରକ୍‌କୁ ଛାଡି ଦିଆଯାଇଥିଲା। ଟ୍ରକ୍‌ରେ ଥିବା କୋଇଲା ସୁନ୍ଦରଗଡ ସାଇଡିଂରେ ଅନ୍‌ଲୋଡ ହୋଇଥିବା ସୂଚନା ମିଳିଛି। ଟ୍ରାନ୍ସପୋର୍ଟରକୁ ଡକାଯାଇ ପୁଣି କାଗଜପତ୍ର ଯାଞ୍ଚ କରାଯିବ ବୋଲି କହିଥିଲେ।


Enter your email to get our daily news in your inbox.

All Right Reserved By Dharitri.Com

ଅସ୍ଥାୟୀ ମଣ୍ଡିରେ ପଡ଼ିଛି ରବିଧାନ, କାଳବୈଶାଖୀକୁ ଡର

କୁନ୍ଦୁରା,୩୧ା୫(ଡି.ଏନ୍‌.ଏ.)- ରବିଋତୁରେ କୋରାପୁଟ ଜିଲା କୁନ୍ଦୁରା ବ୍ଲକରେ ବର୍ତ୍ତମାନ ୭୦ ପ୍ରତିଶତ ଧାନ ଅମଳ ହୋଇସାରିଛି। ଆଗକୁ ବର୍ଷା ଆଶଙ୍କାରେ ଚାଷୀମାନେ ଅମଳ ଧାନକୁ ଅସ୍ଥାୟୀ...

ଓଡ଼ିଶାର ୪ ଆଇନଜୀବୀଙ୍କ ନାମ କଲେଜିୟମ୍‌ର ସୁପାରିସ

କଟକ ଅଫିସ, ୧।୨: ସୁପ୍ରିମ୍‌କୋର୍ଟ ପ୍ରଧାନବିଚାରପତି ଏନ୍‌.ଭି. ରାମନ୍ନାଙ୍କ ଅଧ୍ୟକ୍ଷତାରେ ଗଠିତ କଲେଜିୟମ୍‌ ସୋମବାର ଓଡ଼ିଶା, ଆନ୍ଧ୍ରପ୍ରଦେଶ ଏବଂ ମଧ୍ୟପ୍ରଦେଶ ହାଇକୋର୍ଟ ବିଚାରପତି ପାଇଁ ୧୭ଜଣଙ୍କ...

ବାଲୁକା କଳାରେ ଶୁଭେଚ୍ଛା ଜଣାଇଲେ ସୁଦର୍ଶନ

ପୁରୀ ଅଫିସ,୩।୫: ପବିତ୍ର ଅକ୍ଷୟ ତୃତୀୟା ଅବସରରେ ମହାପ୍ରଭୁଙ୍କ ବିଶ୍ବ ପ୍ରସିଦ୍ଧ ରଥଯାତ୍ରା ପାଇଁ ରଥ ନିର୍ମାଣ କାର୍ଯ୍ୟର ଅନୁକୂଳ କରାଯାଏ। ତେଣୁ ଏହି ଅବସରରେ...

ଗଛରେ ପିଟିହେଲା କଣ୍ଟେନର

ବାଲିଗୁଡ଼ା,୬ା୫(ଡି.ଏନ୍‌.ଏ.): କନ୍ଧମାଳ ଜିଲା ବାଲିଗୁଡ଼ା ଉପଖଣ୍ଡ ଅନ୍ତର୍ଗତ ତୁମୁଡ଼ିବନ୍ଧ ଥାନାର କୁର୍ତ୍ତମଗଡ଼ ପନ୍ଦରମାଇଲ ନିକଟରେ ବୁଧବାର ଏକ ଦୁର୍ଘଟଣା ଘଟିଛି। ବ୍ରହ୍ମପୁରରୁ ତୁମୁଡ଼ିବନ୍ଧ ଅଭିମୁଖେ ଯାଉଥିବାବେଳେ...

୩ ବର୍ଷ ପୁଅର ବେକ କାଟି ମାରିଦେଲା ମା’

କୋରାପୁଟ,୧୪।୪(ସ୍ବ.ପ୍ର.): କୋରାପୁଟ ଜିଲା ଦଶମନ୍ତପୁର ବ୍ଲକର ଲୁକୁମାରୀ ଗ୍ରାମରେ ଗୁରୁବାର ଏକ ଚାଞ୍ଚଲ୍ୟକର ଘଟଣା ଘଟିଛି ା ଜଣେ ମା’ ନିଜର ୩ ବର୍ଷର ପୁଅର...

୪ ନାଲ୍‌କୋ କର୍ମଚାରୀଙ୍କୁ କରୋନା

ବଅଁରପାଳ,୨୩ା୭(ଡି.ଏନ୍‌.ଏ.): ନାଲ୍‌କୋ କଲୋନୀ ଅଞ୍ଚଳରେ ପୂର୍ବରୁ କରୋନାରୁ ଜଣେ ଡିଜିଏମଙ୍କର ମୃତ୍ୟୁ ଘଟିଥିବା ବେଳେ ତାଙ୍କ ସହ ମିଳାମିଶା କରିଥିବା ୨୪୧ ଜଣଙ୍କର ସ୍ବାବ୍‌ ନମୁନା...

ଏଣିକି ସ୍ବର୍ଗଦ୍ୱାରରେ ମୃତଦେହ ସତ୍କାର

ପୁରୀ ଅଫିସ,୧୬ା୮: ଦୀର୍ଘ ୪ ମାସ ପରେ ସୋମବାରଠାରୁ ସ୍ବର୍ଗଦ୍ୱାରରେ ପୁରୀ ଜିଲା ବାହାର ଲୋକଙ୍କ  ମୃତଦେହ ସତ୍କାର କରାଯାଇପାରିବ। ସରକାରଙ୍କ ନିୟମ ଅନୁଯାୟୀ, କେବଳ...

୧୭ ହାତୀଙ୍କ ଉତ୍ପାତ, ନାକେଦମ ବନ ବିଭାଗ

ଚମ୍ପୁଆ,୮।୫: କେନ୍ଦୁଝର ଜିଲା ଚମ୍ପୁଆ ବନାଞ୍ଚଳ ଅଧୀନ ଚମ୍ପୁଆ ଓ ଉଖୁଣ୍ଡା ଅଞ୍ଚଳରେ ୬ଦିନ ଧରି ହାତୀ ପଲଙ୍କ ଉପତ୍ାତ ଜାରି ରହିଛି। ଏଥିରେ ବନ...

Advertisement
Archives

Model This Week