ଆମେଠି,୨୬।୧୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିରୋଧରେ ପୂର୍ବତନ ଆମେଠି ଏମ୍ପି ଓ କଂଗ୍ରେସ ନେତା ରାହୁଲ ଗାନ୍ଧୀ ଅପଶବ୍ଦ ବ୍ୟବହାର କରିଛନ୍ତି ଅଭିଯୋଗ ଆଣିଛନ୍ତି କେନ୍ଦ୍ରମନ୍ତ୍ରୀ ସ୍ମୃତୀ ଇରାନି। ପ୍ରଧାନମନ୍ତ୍ରୀଙ୍କ ବିରୋଧରେ ଖରାପ ଭାଷା ବ୍ୟବହାର କରିବା ସହ ପୂରା ଦେଶରେ ମିଛ ପ୍ରଚାର କରୁଛନ୍ତି ରାହୁଲ । ଏଭଳି ଜାରି ରହିଲେ ଗାନ୍ଧୀ ପରିବାର ଆମେଠି ଭଳି ରାଏବରେଲିରୁ ମଧ୍ୟ ହାରିବ ବୋଲି ନିଜ ସଂସଦୀୟ ନିର୍ବାଚନ ମଣ୍ଡଳୀକୁ ୩ ଦିନିଆ ଗସ୍ତରେ ଆସିଥିବା ଇରାନି ଦୃଢ଼ୋକ୍ତି ପ୍ରକାଶ କରିଛନ୍ତି।
ଉଲ୍ଲେଖଥାଉ କି, କଂଗ୍ରେସର ଗଡ଼ କୁହାଯାଉଥିବା ଆମେଠି ଲୋକସଭା ଆସନରେ ୨୦୧୯ ନିର୍ବାଚନରେ ରାହୁଲ ଗାନ୍ଧୀଙ୍କୁ ହରାଇଥିଲେ ସ୍ମୃତୀ ଇରାନି। ଉତ୍ତର ପ୍ରଦେଶର ଏହି ଆସନରେ ରାହୁଲ ଗାନ୍ଧୀ ୨୦୦୪ରୁ ଏମ୍ପି ଥିଲେ। ଆଉ ରାଇଏରେଲି ଲୋକସଭା ଆସନରୁ ୨୦୦୪ରୁ ଅପରାଜେୟ ଅଛନ୍ତି କଂଗ୍ରେସ ସଭାପତି ସୋନିଆ ଗାନ୍ଧୀ।
