ଗୁଗୁଲ ୟାର୍ଥରେ ପ୍ରତିଦିନ ନୂଆ ନୂଆ ରହସ୍ୟମୟ ତଥା ଆଶ୍ଚର୍ଯ୍ୟଜନକ ଘଟଣା ଦେଖିବାକୁ ମିଳିଥାଏ। ଗୁଗୁଲ ୟାର୍ଥ ବ୍ୟବହାରକାରୀମାନେ ଅନେକ ଥର ରହସ୍ୟମୟ ଜିନିଷ ଦେଖୁଥିବାର ଦାବି କରୁଛନ୍ତି। ଯାହା ବିଷୟରେ ଜାଣିବା ଆଶ୍ଚର୍ଯ୍ୟଜନକ। ବର୍ତ୍ତମାନ ଏହି ସମୟରେ ଜଣେ ଗୁଗୁଲ ୟାର୍ଥ ବ୍ୟବହାରକାରୀ ମଧ୍ୟ ଏକ ଆଶ୍ଚର୍ଯ୍ୟଜନକ ଫଟୋ ଶେୟାର କରିଛନ୍ତି। ଯାହା ଦେଖିଲେ ଭୟରେ ଦେହ ଥରି ଉଠିବ। ଗୁଗୁଲ ମ୍ୟାପ୍ ମାଧ୍ୟମରେ ୟୁଜରମାନେ ଅଜ୍ଞାତ ସ୍ଥାନ ବିଷୟରେ ସହଜରେ ଜାଣିପାରିଥାନ୍ତି। ଜୁମ୍ କରିବା ପରେ ଏହାର ଆଖପାଖ ସ୍ଥାନ ମଧ୍ୟ ଦୃଶ୍ୟମାନ ହୁଏ। କିନ୍ତୁ ବେଳେବେଳେ ଗୁଗୁଲ ମ୍ୟାପ୍ରେ ଅଦ୍ଭୁତ ଦୃଶ୍ୟ ଦେଖିବାକୁ ମିଳେ।
ଜଣେ ବ୍ୟକ୍ତି ସୋସିଆଲ ମିଡିଆ ସାଇଟ୍ ରେଡ୍ଡିଟ୍ରେ ଏକ ଫଟୋ ପୋଷ୍ଟ କରିଛନ୍ତି। ଯାହା ଚର୍ଚ୍ଚାର ବିଷୟ ପାଲଟିଛି। ବ୍ୟକ୍ତି ଜଣକ କହିଛନ୍ତି, ସେ ଗୁଗୁଲ ମ୍ୟାପ୍ ମାଧ୍ୟମରେ ଏହି ଫଟୋ ପାଇଛନ୍ତି। ଭାଇରାଲ ଫଟୋରେ ସମୁଦ୍ର କୂଳରେ ଚପଲ ପିନ୍ଧିଥିବା ଜଣେ ବ୍ୟକ୍ତିଙ୍କ ପାଦ ଦେଖିବାକୁ ମିଳିଛି। ଏହି ଫଟୋ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି। ବାସ୍ତବରେ ଫଟୋରେ କେବଳ ମଣିଷର ଗୋଡ଼ ଚାଲୁଥିବାର ଦୃଶ୍ୟମାନ ହୁଏ।
’U / helloalola’ ନାମକ ଜଣେ ରେଡ୍ଡିଟ୍ ବ୍ୟବହାରକାରୀ ଏହି ଫଟୋକୁ ଉଠାଇଥିବା ଦାବି କରିଛନ୍ତି। ଫଟୋରେ ମାନବ ଶରୀର ଦେଖାଯାଉ ନାହିଁ, କେବଳ ପାଦ ଦେଖାଯାଉଛି। ଯାହାକୁ ଦେଖି ସୋସିଆଲ ମିଡିଆ ବ୍ୟବହାରକାରୀମାନେ ଦ୍ୱନ୍ଦ୍ୱରେ ପଡ଼ିଛନ୍ତି। ଫଟୋରେ ୟୁଜରମାନେ ଭିନ୍ନ ଭିନ୍ନ ମନ୍ତବ୍ୟ ଦେଇଛନ୍ତି। ଜଣେ ୟୁଜର କହିଛନ୍ତି ଛୁଟିଦିନରେ ମଣିଷ ନୁହେଁ, କେବଳ ପାଦ ଆସିଥିଲା ବୁଲିବାକୁ।
ଅନ୍ୟପକ୍ଷରେ ଗୁଗୁଲ୍ ୟାର୍ଥରେ ଏହିପରି ଫଟୋଗୁଡ଼ିକ ପ୍ରାୟତଃ ଦେଖାଯାଏ। ନେଟ୍ଓ୍ବାର୍କ ସମସ୍ୟା ହେତୁ ବେଳେବେଳେ ଏପରି ଘଟିଥାଏ। ତଥାପି ଲୋକମାନେ ଏଥିରୁ ଅନେକ ତଥ୍ୟ ପାଆନ୍ତି। ଅନେକ ଥର ଲୋକମାନେ ସେହି ସ୍ଥାନ ବିଷୟରେ ଖୋଜନ୍ତି ଯାହା ବିଷୟରେ କେହି ଜାଣନ୍ତି ନାହିଁ, କିନ୍ତୁ ସେମାନେ ଗୁଗୁଲ ମ୍ୟାପ୍ରୁ ଏହା ବିଷୟରେ ଜାଣିପାରନ୍ତି। ପୂର୍ବରୁ ଜଣେ ୟୁଜର ଆଣ୍ଟାର୍କଟିକାରେ ଏଲିଅନ୍ସ ଅଛନ୍ତି ବୋଲି ଦାବି କରିଥିଲେ।
