ଖରାଦିନେ କୁଲ୍, କମ୍ଫଟେବଲ୍ ଲୁକ୍ ଦେଇଥାଏ ଫ୍ଲୋରାଲ୍ ପ୍ରିଣ୍ଟ୍ର ଆଉଟ୍ଫିଟ୍। ଅଲ୍ ଟାଇମ୍ ଫ୍ୟାଶନରେ ରହିଥିବା ଏହି ପ୍ରିଣ୍ଟ ଦେଖିବାକୁ ଯେମିତି ଆକର୍ଷଣୀୟ, ପିନ୍ଧିଲେ ବି ସେମିତି ତାଜା ଅନୁଭବ ଦେଇଥାଏ। ସବୁଠୁ ବଡ଼ କଥା ହେଉଛି ଏହି ଷ୍ଟାଇଲ୍ର ଆଉଟ୍ଫିଟ୍ ସବୁ ପ୍ରକାରର ବଡି ଟାଇପ୍ସକୁ ବେଶ୍ ଭଲ ମାନିଥାଏ। ଫ୍ଲୋରାଲ୍ ଆଉଟ୍ଫିଟ୍ର କ’ଣ ରହିଛି ଲାଟେଷ୍ଟ ଟ୍ରେଣ୍ଡ ଜାଣନ୍ତୁ ସେ ସମ୍ପର୍କରେ…
* ଫ୍ଲୋରାଲ୍ ଶାଢି: ଫ୍ଲୋରାଲ୍ ପ୍ରିଣ୍ଟ ଶାଢିର ଡିମାଣ୍ଡ ପୂର୍ବରୁ ଥିଲା ଆଉ ଏବେ ବି ରହିଛି। ଏପରିକି ସେଲିବ୍ରିଟିଙ୍କ ଗହଣରେ ମଧ୍ୟ ଏହି ଶାଢିର ଖୁବ୍ ଚାହିଦା ରହୁଥିବା ଦେଖିବାକୁ ମିଳେ। ବିଶେଷକରି ଖରାଦିନେ କାଜୁଆଲ୍ ଆଉଟିଂ ହେଉ କିମ୍ବା ଅଫିସ୍କୁ ପିନ୍ଧିକି ଯିବାପାଇଁ ବି ଫ୍ଲୋରାଲ୍ ପ୍ରିଣ୍ଟ ଶାଢି ଏକ ବେଷ୍ଟ ଅପ୍ସନ ହୋଇଥାଏ।
* ଫ୍ଲୋରାଲ୍ କୁର୍ତ୍ତା: ଫ୍ଲୋରାଲ୍ ପ୍ରିଣ୍ଟ ଥିବା କୁର୍ତ୍ତା ବି ଖୁବ୍ ସୁନ୍ଦର ଲାଗିଥାଏ। ଏହି କୁର୍ତ୍ତା ସହିତ ମ୍ୟାଚିଂ କଲର୍ର ପ୍ଲେନ ଲେଗିଙ୍ଗ୍ସ ପରଫେକ୍ଟ ମ୍ୟାଚ୍ କରିଥାଏ; ଯାହାକୁ ଅଫିସ୍ ହେଉ କିମ୍ବା ସାଙ୍ଗମାନଙ୍କ ସହ ଆଉଟିଂରେ ଯିବାବେଳେ ପିନ୍ଧିଲେ କମ୍ଫଟେବଲ୍ ଲାଗିଥାଏ। ଅନ୍ୟପକ୍ଷେ ଅନାରକଲି ଷ୍ଟାଇଲ୍ର ଫ୍ଲୋରାଲ୍ କୁର୍ତ୍ତାକୁ ପାର୍ଟି, ଫଙ୍କଶନ୍କୁ ପିନ୍ଧିକି ଗଲେ ଆକର୍ଷଣୀୟ ଲୁକ୍ ମିଳିଥାଏ।
* ଫ୍ଲୋରାଲ୍ ଫ୍ରକ୍: ଫ୍ଲୋରାଲ୍ ପ୍ରିଣ୍ଟର ନି ଲେଙ୍ଗ୍ଥ ଫ୍ରକ୍ ଆକର୍ଷଣୀୟ ଲୁକ୍ ଦେଇଥାଏ। ଖାସ୍ କରି ଧଳା ରଙ୍ଗର ଫ୍ରକ୍ ଉପରେ ମଲ୍ଟି କଲର୍ର ଫ୍ଲୋରାଲ୍ ପ୍ରିଣ୍ଟ ଥିଲେ, ବହୁତ ସୁନ୍ଦର ଦେଖାଯାଇଥାଏ। ବିଶେଷକରି କକ୍ଟେଲ୍ ପାର୍ଟି ହେଉ କିମ୍ବା ସାଙ୍ଗମାନଙ୍କ ସହ ଇଭିନିଙ୍ଗ୍ ପାର୍ଟିରେ ଗଲାବେଳେ ଏହି ଟାଇପ୍ର ଫ୍ରକ୍ ପିନ୍ଧିଲେ, ଡିଫରେଣ୍ଟ ଲୁକ୍ ମିଳିଥାଏ।
* ଫ୍ଲୋରାଲ୍ ଜିନ୍ସ: ଜିନ୍ସର ଚାହିଦା ତ ଯୁବପିଢିଙ୍କ ଭିତରେ ସବୁବେଳେ ରହିଆସିଛି। ଖାସ୍କରି ଫ୍ଲୋରାଲ୍ ଜିନ୍ସର ଚାହିଦା ଏବେ ଖୁବ୍ ରହୁଥିବାର ଦେଖିବାକୁ ମିଳୁଛି। ବିଶେଷକରି ନୀଳ ରଙ୍ଗର ଜିନ୍ସ ହେଉ କିମ୍ବା କଳା ରଙ୍ଗର ଜିନ୍ସରେ ହୋଇଥିବା ଫ୍ଲୋରାଲ୍ ପ୍ରିଣ୍ଟ ବହୁତ ସୁନ୍ଦର ଲାଗିଥାଏ। ଫ୍ଲୋରାଲ୍ ଜିନ୍ସ ସହ ମ୍ୟାଚିଂ କରି ହାଇ ହିଲ୍ ପିନ୍ଧିଲେ ମଡର୍ନ ଲୁକ୍ ମିଳିଥାଏ।
* ଫ୍ଲୋରାଲ୍ ପ୍ୟାଣ୍ଟ: କେବଳ ଜିନ୍ସ ନୁହେଁ, ଏବେ ମାର୍କେଟ୍ରେ ଅନ୍ୟ ଫ୍ୟାବ୍ରିକ୍ର ଫ୍ଲୋରାଲ୍ ପ୍ୟାଣ୍ଟ ବି ମିଳିଲାଣି; ଯାହା ଦେଖିବାକୁ ଆକର୍ଷଣୀୟ ଲାଗିବା ସହ ପିନ୍ଧିବାକୁ ମଧ୍ୟ କମ୍ଫଟେବଲ୍ ହୋଇଥାଏ। ସେହିପରି ଏହା ସହିତ ମ୍ୟାଚିଂ ଟି-ଶାର୍ଟ ପିନ୍ଧିଲେ ଲୁକ୍କୁ ଏହା ଖୁବ୍ ଭଲ ମାନିଥାଏ।
* ଫ୍ଲୋରାଲ୍ ପ୍ଲାଜୋ: ଖରାଦିନେ କୁଲ୍, କମ୍ଫଟେବଲ୍ ଲୁକ୍ ଦେଇଥାଏ ପ୍ଲାଜୋ। ଆଉ ଫ୍ଲୋରାଲ୍ ପ୍ରିଣ୍ଟ ହୋଇଥିବା ପ୍ଲାଜୋ ତ ଦେଖିବାକୁ ବେଶ୍ ଆକର୍ଷଣୀୟ ଲାଗିଥାଏ। ଏହାକୁ ଅଫିସ୍କୁ ପିନ୍ଧି ଯାଇପାରିବେ, ନଚେତ୍ ରେଗୁଲାର୍ ଭାବେ ଏହାକୁ ଘରେ ମଧ୍ୟ ଆରାମରେ କ୍ୟାରି କରିପାରିବେ।
