ଲା-ନିନା ପ୍ରଭାବ: ସେପ୍ଟେମ୍ବରରେ ପ୍ରବଳ ବର୍ଷିବ

 

ଭୁବନେଶ୍ୱର,୧୮।୮(ବ୍ୟୁରୋ): ଚଳିତବର୍ଷ ଦକ୍ଷିଣ ପଶ୍ଚିମ ମୌସୁମୀ ବାୟୁ ବିଳମ୍ବରେ ପ୍ରତ୍ୟାବର୍ତ୍ତନ କରିବ। ରାଜ୍ୟର ସେପ୍ଟେମ୍ବର ମାସରେ ମଧ୍ୟ ପ୍ରବଳ ବର୍ଷା ହେବ ବୋଲି ଅନୁମାନ କରାଯାଇଛି। ପ୍ରଶାନ୍ତ ମହାସାଗରରେ ଶରତ ଋତୁରେ ଲା-ନିନା ସୃଷ୍ଟି ହେବ ବୋଲି ଆମେରିକାର ଜାତୀୟ ସାମୁଦ୍ରିକ ଓ ବାୟୁମଣ୍ଡଳୀୟ ପ୍ରଶାସନ ଅନୁମାନ କରିଛି। ଶୀତଋତୁ ପର୍ଯ୍ୟନ୍ତ ଲା-ନିନାର ପ୍ରଭାବ ୫୦ରୁ ୫୫ ପ୍ରତିଶତ ରହିବା ସମ୍ଭାବନା ରହିଛି ବୋଲି ଅନୁମାନ କରାଯାଇଛି। ବର୍ତ୍ତମାନ ଏଲ୍‌ ନିନ୍ୟୋ ପ୍ରଶାନ୍ତ ମହାସାଗରରେ ବିଷୁବ ରେଖାରେ ସୁପ୍ତ ଅବସ୍ଥାରେ ରହିଛି। ଏହାର ପ୍ରଭାବ ଜଳଭାଗ ଉପରେ ପଡୁନାହିଁ। ଗତ ୪ ସପ୍ତାହ ହେବ ବିଷୁବ ରେଖା ନିକଟ ଅନ୍ତର୍ଜାତୀୟ ଡେଡ୍‌ ଲାଇନ ନିକଟସ୍ଥ ପୂର୍ବ ପ୍ରଶାନ୍ତ ମହାସାଗର ସମୁଦ୍ର ଜଳ ପୂର୍ବ ଭାଗ ସ୍ବାଭାବିକ ତାପମାତ୍ରାଠାରୁ କମ୍‌ ରହିଛି। ଅନ୍ତର୍ଜାତୀୟ ଡେଡ୍‌ ଲାଇନ ହେଉଛି ଭୂପୃଷ୍ଠର ଏକ କାଳ୍ପନିକ ରେଖା। ଲା-ନିନା ଜଳ ଭାଗକୁ ଥଣ୍ଡା ରଖିବାରେ ସହାୟକ ହୋଇଥିବା ବେଳେ ଏଲ ନିନ୍ୟୋ ଜଳର ତାପମାତ୍ରା ବୃଦ୍ଧିରେ ସହାୟକ ହୋଇଥାଏ। ଲା-ନିନା ଯୋଗୁ ସମୁଦ୍ରର ଉପରି ଭାଗ ଜଳର ତାପମାତ୍ରା ବୃଦ୍ଧି ହୋଇ ନ ଥାଏ। ଏହାଦ୍ୱାରା ଭୂମଧ୍ୟ ସାଗରୀୟ ବାୟୁ ପ୍ରବାହ ହୋଇଥାଏ, ଯାହା କି ମୌସୁମୀକୁ ସ୍ବାଭାବିକ କରିବାରେ ବିଶେଷ ସହାୟକ ହୋଇଥାଏ। ମାତ୍ର ଏଲ ନିନ୍ୟୋ ବାୟୁ ପ୍ରବାହ ଗତିକୁ ଧିମା କରିବା ସହିତ ଜଳଭାଗକୁ ଉତ୍ତପ୍ତ କରିବାରେ ସାହାଯ୍ୟ କରିଥାଏ, ଯାହା କି ବିଶ୍ୱ ଜଳବାୟୁ ଉପରେ ଏହାର କୁପ୍ରଭାବ ପକାଇଥାଏ। ବିଶେଷ କରି ଆଫ୍ରିକା, ଭାରତ ଏବଂ ଉତ୍ତର ଆମେରିକୀୟ ଦେଶଗୁଡିକର ମୌସୁମୀ ପ୍ରଭାବିତ ହୋଇଥାଏ। ଏଲ ନିନ୍ୟୋର ପ୍ରଭାବ ଯୋଗୁ ଭାରତରେ ମୌସୁମୀ ପ୍ରଭାବିତ ହୋଇଥିବାରୁ ସ୍ବଳ୍ପ ବୃଷ୍ଟି ହେବା ସହ କେତେକ ଅଞ୍ଚଳରେ ବେଳେ ବେଳେ ମରୁଡି ଦେଖା ଦେଇଥାଏ। ଲା-ନିନା ଦେଖାଦେଲେ ଭାରତରେ ମୌସୁମୀ ବର୍ଷା ଅଧିକ ହେବା ସହ କେତେକ ରାଜ୍ୟରେ ବନ୍ୟା ପରିସ୍ଥିତି ଉପୁଜି ଥାଏ। ଚଳିତବର୍ଷ ଲା-ନିନା ସୃଷ୍ଟି ହେବାର ସମ୍ଭାବନା ଥିବାରୁ ଦକ୍ଷିଣ ପଶ୍ଚିମ ମୌସୁମୀ ଯୋଗୁ ରାଜ୍ୟରେ ଅଗଷ୍ଟ ଓ ସେପ୍ଟେମ୍ବର ମାସରେ ପ୍ରବଳ ବର୍ଷା ହେବାର ସମ୍ଭାବନା ରହିଛି। ଏପରିକି ବଙ୍ଗୋପସାଗରରେ ଅଧିକ ଲଘୁଚାପ ସୃଷ୍ଟି ହେବାର ସମ୍ଭାବନା ରହିଛି। ପୂର୍ବତନ ଆଞ୍ଚଳିକ ପାଣିପାଗ ନିର୍ଦ୍ଦେଶକ ଶରତ କୁମାର ସାହୁ କହିଛନ୍ତି ଯେ, ଉତ୍ତର ପୂର୍ବ ଦିଗ ଅର୍ଥାତ୍‌ ରାଜସ୍ଥାନ ପଟରୁ ସେପ୍ଟେମ୍ବର ୧୫ ସୁଦ୍ଧା ମୌସୁମୀ ଅପସାରଣ ଆରମ୍ଭ ହୋଇଥାଏ। ଓଡ଼ିଶାରେ ଅକ୍ଟୋବର ଦ୍ୱିତୀୟ ସପ୍ତାହରେ ମୌସୁମୀ ପ୍ରତ୍ୟାବର୍ତ୍ତନ ଘୋଷଣା କରାଯାଇଥାଏ। ତେବେ ଚଳିତବର୍ଷ ଏଥିରେ ସାମାନ୍ୟ ବିଳମ୍ବ ହୋଇପାରେ ବୋଲି ଅନୁମାନ କରାଯାଉଛି।
ରାଜ୍ୟକୁ ଜୁନ ୧୧ରେ ଦକ୍ଷିଣ ମୌସୁମୀ ପ୍ରବେଶ କରିଥିଲା। ଜୁନରେ କିଛିଟା ବର୍ଷା ହୋଇଥିଲା। ଜୁଲାଇରେ ପୂରା ଉଭାନ ହୋଇଗଲା। ଅଧାରୁ ଅଧିକ ଜିଲାରେ ମରୁଡି ଆଶଙ୍କା ଦେଖାଦେଲା। ତେବେ ଅଗଷ୍ଟ ମାସର ପ୍ରଥମ ଓ ଦ୍ୱିତୀୟ ସପ୍ତାହରେ ଦୁଇରୁ ୩ଟି ଲଘୁଚାପ ସୃଷ୍ଟି ହେବାରୁ ବର୍ଷାର ଅଭାବ କିଛି ମାତ୍ରାରେ ପୂରଣ ହୋଇଛି। ଏବେ ବି ୫ଟି ଜିଲାରେ ସ୍ବାଭାବିକ ସ୍ଥିତି ଫେରି ନାହିଁ। ଜୁନ୍‌ ପହିଲାରୁ ଜୁଲାଇ ୧୭ ତାରିଖ ମଧ୍ୟରେ ବାଲେଶ୍ୱରରେ ୩୩ ପ୍ରତିଶତ କମ୍‌ ବର୍ଷା ହୋଇଥିବା ବେଳେ ଖୋର୍ଦ୍ଧା ୨୭, ମୟୂରଭଞ୍ଜ ୨୨, ନବରଙ୍ଗପୁର ୨୦, ପୁରୀ ୨୪ ଏବଂ ବାଲେଶ୍ୱରରେ ସ୍ବାଭାବିକଠାରୁ ୩୩ ପ୍ରତିଶତ କମ୍‌ ବର୍ଷା ହୋଇଛି। ରାଜ୍ୟରେ ଏବେ ମଧ୍ୟ ସ୍ବାଭାବିକଠାରୁ ୬ ପ୍ରତିଶତ କମ୍‌ ବର୍ଷା ରହିଛି। ଏହି ସମୟ ମଧ୍ୟରେ ୭୭୨.୯ ପ୍ରତିଶତ ହେବା ଜାଗାରେ ହୋଇଛି ୭୨୩.୨ ପ୍ରତିଶତ।


Enter your email to get our daily news in your inbox.

All Right Reserved By Dharitri.Com

ଭାଜପାରେ ଯୋଗ ଦେବା ପରେ ଭର୍ତ୍ତୃହରି ଦେଲେ ବଡ଼ ବୟାନ, କହିଲେ ଓଡ଼ିଶାରେ…

ନୂଆଦିଲ୍ଲୀ,୨୮।୩: ବିଜେପିରେ ସାମିଲ ପରେ ସାଂସଦ ଭର୍ତ୍ତୃହରି ମହତାବ ଓଡ଼ିଶା ରାଜନୀତିକୁ ନେଇ ବଡ଼ ବୟାନ ଦେଇଛନ୍ତି। କେବଳ ‘ରାଷ୍ଟ୍ରବାଦ, ଏକାତ୍ମତା, ପୂର୍ବୋଦୟ ଭାଜପା ଜରିଆରେ...

ପଦ୍ମ ଧରିଲେ ପଦ୍ମଶ୍ରୀ ଦମୟନ୍ତୀ ବେସ୍ରା

ଭୁବନେଶ୍ୱର/ନୂଆଦିଲ୍ଲୀ,୨୮।୩: ଭାଜପାରେ ସାମିଲ ହେଲେ ପଦ୍ମଶ୍ରୀ ଦମୟନ୍ତୀ ବେସ୍ରା। ଗୁରୁବାର ଅପରାହ୍ନ ସାଢେ ୨ଟାରେ ନୂଆଦିଲ୍ଲୀର ଭାଜପା ମୁଖ୍ୟାଳୟରେ ସେ ଯୋଗ ଦେଇଛନ୍ତି। ଏହା ସହିତ...

ଭାଜପାରେ ଯୋଗଦେଲେ ଭର୍ତ୍ତୃହରି ମହତାବ, ନିକଟରେ ବିଜେଡିରୁ ଇସ୍ତଫା ଦେଇଥିଲେ

ଭୁବନେଶ୍ୱର,୨୮।୩: ନିକଟରେ ବିଜୁ ଜନତା ଦଳ(ବିଜେଡି)ରୁ ଇସ୍ତଫା ଦେଇଥିବା କଟକ ଲୋକ ସଭା ଏମପି ଭର୍ତ୍ତୃହରି ମହତାବ ଭାଜପାରେ ଯୋଗ ଦେଇଛନ୍ତି। ତାଙ୍କ ସହିତ ଦୁଇଥର...

ଭାଜପାରେ ମିଶିଲେ ସିଦ୍ଧାନ୍ତ ମହାପାତ୍ର

ନୂଆଦିଲ୍ଲୀ/ଭୁବନେଶ୍ୱର,୨୮ା୩: ଭାଜପାରେ ଗୁରୁବାର ଯୋଗ ଦେଇଛନ୍ତି ଅଭିନେତା ତଥା ବିଜେଡିର ପୂର୍ବତନ ଏମ୍‌ପି ସିଦ୍ଧାନ୍ତ ମହାପାତ୍ର। ଦିଲ୍ଲୀ ମୁଖ୍ୟ କାର୍ଯ୍ୟାଳୟରେ ଯୋଗଦେଇ ସେ ଭାଜପାରେ ସାମିଲ...

ଆଗାମୀ ଦୁଇ ଦିନରେ ୨ରୁ ୩ ଡିଗ୍ରୀ ବୃଦ୍ଧି ପାଇବ ତାପମାତ୍ରା

ଭୁବନେଶ୍ୱର,୨୮ା୩: ପାଗ ଶୁଖିଲା ରହୁଥିବାରୁ ଚଳିତମାସ ଶେଷ ପର୍ଯ୍ୟନ୍ତ ତାପମାତ୍ରା ୨ରୁ ୩ ଡିଗ୍ରୀ ସେଲସିୟସ ବୃଦ୍ଧି ପାଇବ ବୋଲି ଭୁବନେଶ୍ୱର ଆଞ୍ଚଳିକ ପାଣିପାଗ ବିଜ୍ଞାନ...

ଏପ୍ରିଲ ପ୍ରଥମ ସପ୍ତାହରେ ଘୋଷଣା ହେବ କଂଗ୍ରେସ ଟିକେଟ୍‌

ଭୁବନେଶ୍ୱର,୨୮।୩: ମୁଣ୍ଡ ଉପରେ ନିର୍ବାଚନ। ଭାଜପା ଓ ବିଜେଡି ପର୍ଯ୍ୟାୟ କ୍ରମେ ନିଜର ପ୍ରାର୍ଥୀ ତାଲିକା ଘୋଷଣା କରିଛନ୍ତି। କିନ୍ତୁ ଏଥିରେ ପଛରେ ପଡିଛି କଂଗ୍ରେସ...

ଭାଜପାରେ ମିଶିପାରନ୍ତି ଅନୁଭବ, ଆଜି ହେବ ସ୍ପଷ୍ଟ

ଭୁବନେଶ୍ୱର,୨୮ା୩: ବିଜେଡି ଟିକେଟ୍‌ରେ କେନ୍ଦ୍ରାପଡ଼ା ଲୋକ ସଭାକୁ ନିର୍ବାଚିତ ହୋଇଥିବା ଅଭିନେତା ଅନୁଭବ ମହାନ୍ତି ଗୁରୁବାର ଭାଜପାରେ ଯୋଗ ଦେଇ ପାରନ୍ତି ବୋଲି ରାଜନୈତିକ ମହଲରେ...

ଟିକେଟ୍‌ ପାଇବା ପରେ ନବୀନ ନିବାସରେ ନେତାଙ୍କ ପ୍ରବଳ ଭିଡ଼, ଭେଟିବାକୁ ଆସିଲେ…

ଭୁବନେଶ୍ୱର,୨୮ା୩: ଟିକେଟ୍‌ ପାଇବା ପରେ ବିଜେଡି ସୁପ୍ରିମୋଙ୍କୁ ଧନ୍ୟବାଦ ଜଣାଇବା ପାଇଁ ନବୀନ ନିବାସରେ ଏମ୍‌ପି ଏବଂ ବିଧାୟକ ପ୍ରାର୍ଥୀଙ୍କ ପ୍ରବଳ ଭିଡ଼ ଲାଗିଛି। ଏମାନଙ୍କ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri