ମାଡ୍ରିଡ୍,୨୫ା୫: ସ୍ପାନିସ୍ ଲିଗ୍ ଫୁଟବଲରେ ବ୍ରାଜିଲର ଫରଓ୍ବାର୍ଡ ଖେଳାଳି ଭିନିସିୟସ୍ ଜୁନିୟରଙ୍କ ଜାତିଆଣ ଆକ୍ଷେପ ମାମଲାରେ କ୍ଷମାପ୍ରାର୍ଥନା କରିଛନ୍ତି ସ୍ପାନିଶ ଲିଗ୍ ସଭାପତି ଜାଭିଏର ଟେବାସ୍। ଭାଲେନ୍ସିଆ ବିପକ୍ଷରେ ରିୟଲ ମାଡ୍ରିଡ୍ର ୧-୦ ପରାଜୟରେ ମଷ୍ଟାଲ୍ଲା ଷ୍ଟାଡିୟମରେ ଜାତିଆଣ ଆକ୍ଷେପ ହେବା ପରେ ଇନ୍ଷ୍ଟାଗ୍ରାମ ଓ ଟୁଇଟରରେ ସେ ଏହାକୁ ନେଇ ଏକ ଭିଡିଓ ମଧ୍ୟ ପୋଷ୍ଟ କରିଥିଲେ। ଏପରିକି ୪ ବର୍ଷ ମଧ୍ୟରେ ୯ ଥର ଜାତିଆଣ ଆକ୍ଷେପର ଶିକାର ହେବାକୁ ପଡିଥିବା ସେ କହିଛନ୍ତି। ସ୍ପାନିଶ୍ ଲିଗ୍ରେ ଜାତିଆଣ ଆକ୍ଷେପକୁ ସମର୍ଥନ କରାଯାଉଥିବା ନେଇ ସେ ଅଭିଯୋଗ ଆଣିବା ପରେ ଏହା ଉପରେ ଟେବାସ୍ ପ୍ରତିକ୍ରିୟା ରଖିଥିଲେ। ସ୍ପାନିଶ୍ ଲିଗ୍କୁ ବଦନାମ କରିବାର କୌଣସି ଅଧିକାର ଭିନିସିୟସଙ୍କର ନାହିଁ। ଅନ୍ୟପକ୍ଷେ ଭିନିସିୟସଙ୍କ ପ୍ରତି ସମର୍ଥନର ସୁଅ ଛୁଟିବା ପରେ ଟେବାସ୍ କ୍ଷମା ପ୍ରାର୍ଥନା କରିଛନ୍ତି। ଏକ ସାକ୍ଷାତକାର ଅବସରରେ ସେ ନିଜ ମନ୍ତବ୍ୟକୁ ନେଇ ଦୁଃଖିତ ବୋଲି ପ୍ରକାଶ କରିଛନ୍ତି।
