ଭୁବନେଶ୍ୱର,୨୪।୧୨: କଳିଙ୍ଗ ଷ୍ଟିମ୍ଶିପ୍ ଏଜେଣ୍ଟ୍ସ ଆସୋସିଏସନ (କେଏସ୍ଏଏ) ପକ୍ଷରୁ ହୋଟେଲ ଏମ୍ପାୟାର୍ସଠାରେ ଏକ ଗୁରୁତ୍ୱପୂର୍ଣ୍ଣ ସମାବେଶ ଆୟୋଜିତ ହୋଇଯାଇଛି। ଉଲ୍ଲେଖଯୋଗ୍ୟ, ମେସର୍ସ ଓଡ଼ିଶା ଷ୍ଟିଭେଡର୍ସ ଲିମିଟେଡ୍ (ଓଏସ୍ଏଲ୍)ର ନିର୍ଦ୍ଦେଶକ ଚର୍ଚ୍ଚିତ ମିଶ୍ରଙ୍କ ନେତୃତ୍ୱରେ ଆୟୋଜିତ ଏକ ଗୁରୁତ୍ୱପୂର୍ଣ୍ଣ ସମାବେଶରେ କେଏସ୍ଏଏ ପକ୍ଷରୁ ଏକ ନୂଆ ଅଧ୍ୟାୟ ‘ରୂପାନ୍ତରିତ ଯୋଜନା’ ନିକଟରେ ଉନ୍ମୋଚିତ (ଆରମ୍ଭ) ହୋଇଯାଇଛି। ଅପରପକ୍ଷରେ ମିଶ୍ର ସଂଘର ପ୍ରଥମ ସଭାପତି ଭାବେ ଅବସ୍ଥାପିତ ହୋଇଛନ୍ତି।
ଏ ସମ୍ପର୍କରେ କେଏସ୍ଏଏ ସଭାପତି ଚର୍ଚ୍ଚିତ ମିଶ୍ର କହିଛନ୍ତି, ଏହି ପରିବର୍ତ୍ତନକାରୀ ଯୋଜନା ସଂଘର ପ୍ରତ୍ୟେକ ସଦସ୍ୟଙ୍କୁ ଖୋଲା ନିମନ୍ତ୍ରଣ କରୁଛି। ବିଶେଷକରି ଆମେ ସକ୍ରିୟ ଅଂଶଗ୍ରହଣକୁ ଅଧିକ ପ୍ରୋତ୍ସାହିତ କରୁଛୁ। କାରଣ ଏହା ଏକ ରୋମାଞ୍ଚକ ଯାତ୍ରାର ଆରମ୍ଭ ହୋଇଥିବାବେଳେ କଳିଙ୍ଗ ଷ୍ଟିମ୍ଶିପ୍ ଏଜେଣ୍ଟସ ଆସୋସିଏସନ ଭବିଷ୍ୟତକୁ ରୂପ ଦେବ।
ସେହିଭଳି କେଏସ୍ଏଏର ସମ୍ପାଦକ ତଥା ମେସର୍ସ ଇନ୍ଫିନିଟି ସିପିଂ ପ୍ରାଇଭେଟ୍ ଲିମିଟେଡ୍ର ସ୍ବଦେଶ ରଞ୍ଜନ ସ୍ବାଇଁ କହିଛନ୍ତି, ଚର୍ଚ୍ଚିତ୍ ମିଶ୍ର ସଂଘର ନେତୃତ୍ୱ ନେଉଥିବାରୁ ଏବଂ ଆମର ପରିବର୍ତ୍ତନକାରୀ ଯୋଜନା କାର୍ଯ୍ୟକାରୀ ହେଉଥିବାରୁ ଆମେ ପ୍ରତ୍ୟେକ ସଦସ୍ୟଙ୍କୁ ଏହି ଯାତ୍ରାର ଏକ ଅବିଚ୍ଛେଦ୍ୟ ଅଂଶ ହେବାକୁ ନିମନ୍ତ୍ରଣ କରୁଛୁ। ଏପରିକି ଆମେ ମିଳିମିଶି ଆମର ସମ୍ପର୍କକୁ ନୂତନ ଉଚ୍ଚତାରେ ପହଞ୍ଚାଇପାରିବା ଏବଂ ଏହା ସମସ୍ତଙ୍କ ପାଇଁ ଏକ ମୂଲ୍ୟବାନ୍ ଏବଂ ସହାୟକ ସଂସ୍ଥା ହୋଇ ରହିବ ବୋଲି ସୁନିଶ୍ଚିତ କରିପାରିବା।
