କୋରାପୁଟ, ୧୭।୭ (ଅମିତାଭ ବେହେରା): ଜାତୀୟ ଯୋଗ୍ୟତା ତଥା ପ୍ରବେଶିକା ପରୀକ୍ଷା (NEET-2026) ରେ କୋରାପୁଟ ଜିଲା ପାଇଁ ଗୌରବ ଆଣିଛନ୍ତି ସ୍ଥାନୀୟ ଫ୍ୟୁଜନ୍ ୱର୍ଲ୍ଡ ସ୍କୁଲର ଦ୍ୱାଦଶ ଶ୍ରେଣୀର ମେଧାବୀ ଛାତ୍ର ପୂଜ୍ୟମ ରାଜ। ନିଟ୍ ପରୀକ୍ଷାରେ ସେ ସର୍ବଭାରତୀୟ ସ୍ତରରେ (AIR) ୧୫୦୯ତମ ସ୍ଥାନ ହାସଲ କରି ସଫଳତା ସାଉଁଟିଛନ୍ତି। ପୂଜ୍ୟମଙ୍କ ଏହି ବିପୁଳ ସଫଳତା ପାଇଁ ସାରା ଜିଲ୍ଲାରେ ଖୁସିର ଲହରୀ ଖେଳିଯାଇଛି।
ବିଦ୍ୟାଳୟ ପକ୍ଷରୁ ମିଳିଥିବା ସୂଚନା ଅନୁଯାୟୀ, ପୂଜ୍ୟମଙ୍କ ଏହି ଉପଲବ୍ଧି ତାଙ୍କର ଅକ୍ଳାନ୍ତ ପରିଶ୍ରମ, ନିଷ୍ଠା, ପିତାମାତାଙ୍କ ଆଶୀର୍ବାଦ ଏବଂ ଶିକ୍ଷକମାନଙ୍କ ସଠିକ୍ ମାର୍ଗଦର୍ଶନର ପ୍ରତିଫଳନ ଅଟେ। ଏହି ଗୌରବମୟ ସଫଳତା ପାଇଁ ବିଦ୍ୟାଳୟର ପରିଚାଳନା କର୍ତ୍ତୃପକ୍ଷ, ଅଧ୍ୟକ୍ଷ ଏବଂ ସମସ୍ତ ଶିକ୍ଷକ ଶିକ୍ଷୟିତ୍ରୀ ପୂଜ୍ୟମ ଓ ତାଙ୍କ ପରିବାରକୁ ଆନ୍ତରିକ ଅଭିନନ୍ଦନ ଜଣାଇଛନ୍ତି।
ଫ୍ୟୁଜନ ୱାର୍ଲଡ ସ୍କୁଲର ଅଧ୍ୟକ୍ଷ ରଭି ରାଜ କହିଛନ୍ତି ଯେ, ପୂଜ୍ୟମ କେବଳ ନିଟ୍ ପରୀକ୍ଷା ନୁହେଁ, ବରଂ ଏହାପୂର୍ବରୁ ପ୍ରକାଶ ପାଇଥିବା ଜେଇଇପରୀକ୍ଷାରେ ମଧ୍ୟ ସର୍ବଭାରତୀୟ ସ୍ତରରେ ପ୍ରାୟ ୮୦୦୦ତମ ସ୍ଥାନ ଅଧିକାର କରି ବିଦ୍ୟାଳୟ ତଥା ଜିଲାର ନାଁ ରଖିଥିଲେ। ପୂଜ୍ୟମଙ୍କ ଏହି କୃତିତ୍ୱ କେବଳ ବିଦ୍ୟାଳୟ ପାଇଁ ନୁହେଁ, ସମଗ୍ର କୋରାପୁଟ ଜିଲା ପାଇଁ ଏକ ବଡ଼ ଗର୍ବର ବିଷୟ। ତାଙ୍କର ଏହି ସଫଳତା ଆଗାମୀ ଦିନରେ ବିଦ୍ୟାଳୟର ଅନ୍ୟ ସମସ୍ତ ଛାତ୍ରଛାତ୍ରୀଙ୍କୁ କଠିନ ପରିଶ୍ରମ କରି ନିଜର ଉଚ୍ଚ ଲକ୍ଷ୍ୟ ହାସଲ କରିବା ପାଇଁ ବେଶ୍ ପ୍ରେରଣା ଯୋଗାଇବ ବୋଲି ବିଦ୍ୟାଳୟ କର୍ତ୍ତୃପକ୍ଷ ଆଶା ପ୍ରକଟ କରିଛନ୍ତି।
