କୋଲକାତା,୮।୭: ପଶ୍ଚିମବଙ୍ଗର ରାଜଧାନୀ କୋଲକାତାର ଗାର୍ଡେନ ରିଚ ଅଞ୍ଚଳରେ ଜଣେ ୨୬ ବର୍ଷୀୟା ମହିଳାଙ୍କୁ ତାଙ୍କ ଆପର୍ଟମେଣ୍ଟରେ ଗଣବଳାତ୍କାର କରାଯାଇଛି। ଅଭିଯୁକ୍ତମାନେ ମହିଳାଙ୍କ ଫ୍ଲାଟରୁ ୧୫ ଲକ୍ଷ ଟଙ୍କା ଚୋରି କରି ନେଇଛନ୍ତି। ମଙ୍ଗଳବାର ଅପରାହ୍ନରେ ଏହି ଘଟଣା ଘଟିଛି। ଘଟଣାବେଳେ ମହିଳା ଫ୍ଲାଟରେ ଏକୁଟିଆ ଥିଲେ। ତାଙ୍କ ମେଡିକାଲ ରିପୋର୍ଟରୁ ବଳାତ୍କାର ସ୍ପଷ୍ଟ ହୋଇଥିବା ଜଣେ ବରିଷ୍ଠ ପୋଲିସ ଅଧିକାରୀ କହିଛନ୍ତି।
”ମହିଳା ଜଣଙ୍କ ଫ୍ଲାଟରେ ଦୁଇ-ତିନି ଜଣ ଅଜଣା ବ୍ୟକ୍ତିଙ୍କୁ କାହିଁକି ପ୍ରବେଶ କରିବାକୁ ଦେଲେ, ତାହା ଜଣାପଡ଼ି ନାହିଁ। ଆମେ ଜାଣିବାକୁ ଚେଷ୍ଟା କରୁଛୁ ପୀଡ଼ିତା ସେମାନଙ୍କୁ ଜାଣି ଥିଲେ କି। ତାଙ୍କୁ ବଳାତ୍କାର କରିବା ପରେ ୧୫ ଲକ୍ଷ ଟଙ୍କା ଲୁଟି ନେଇଥିବା ପୋଲିସ ଅଧିକାରୀ କହିଛନ୍ତି। ପୀଡ଼ିତା ବୁଧବାର ଗାର୍ଡେନ ରିଚ୍ ଥାନାରେ ଅଭିଯୋଗ କରିବା ପରେ କୋଲକାତା ପୋଲିସର ଗୁପ୍ତଚର ବିଭାଗ ତଦନ୍ତ ଆରମ୍ଭ କରିଛି।
ପ୍ରାଥମିକ ତଦନ୍ତରୁ ଜଣାପଡ଼ିଛି, ମହିଳାଙ୍କୁ ବଳାତ୍କାର କରିବା ପୂର୍ବରୁ ବାନ୍ଧି ଦିଆଯାଇଥିଲା। ଆମେ ଫ୍ଲାଟରୁ ନମୁନା ସଂଗ୍ରହ କରିବା ସହ ଅଞ୍ଚଳର ସିସିଟିଭି ଯାଞ୍ଚ କରୁଛୁ ବୋଲି ଅଧିକାରୀ ସୂଚନା ଦେଇଛନ୍ତି।
