Posted inଖେଳ

କୋଲକାତା- ମୁମ୍ବାଇ ମୁକାବିଲା: ବ୍ୟାଟ୍ସମ୍ୟାନଙ୍କ ଲଢ଼େଇ

ଆବୁଧାବି,୨୩।୯(ପି.ଟି.): ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌)ର ପଞ୍ଚମ ମୁକାବିଲାରେ ବୁଧବାର ଦିନେଶ କାର୍ତ୍ତିକଙ୍କ ନେତୃତ୍ୱାଧୀନ କୋଲକାତା ନାଇଟ ରାଇଡର୍ସ ଓ ରୋହିତ ଶର୍ମାଙ୍କ ମୁମ୍ବାଇ ଇଣ୍ଡିଆନ୍ସ ମୁହଁାମୁହିଁ ହେବେ। ଉଦ୍‌ଘାଟନୀ ମ୍ୟାଚ୍‌ରେ ମୁମ୍ବାଇ ପ୍ରତିପକ୍ଷ ଚେନ୍ନାଇ ସୁପର କିଙ୍ଗ୍ସଠାରୁ ପରାସ୍ତ ହୋଇଥିଲା। ଅନ୍ୟପଟେ କୋଲକାତା ଟୁର୍ନାମେଣ୍ଟରେ ତା’ର ପ୍ରଥମ ମ୍ୟାଚ୍‌ ଖେଳିବ। ତେଣୁ କୋଲକାତା ପ୍ରଥମ ମ୍ୟାଚ୍‌ ଜିତି ବିଜୟ ଅଭିଯାନ ଆରମ୍ଭ କରିବା ଲକ୍ଷ୍ୟରେ ରହିଛି।
୨୦୧୩ ପରଠାରୁ ମୁମ୍ବାଇ କେବେବି ତା’ର ପ୍ରଥମ ମ୍ୟାଚ୍‌ରେ ବିଜୟୀ ହୋଇପାରିନାହିଁ। ଏଥର ମଧ୍ୟ ତାହା ହୋଇଛି। ଅନ୍ତିମ ୧୦ ଓଭରରେ ନିୟନ୍ତ୍ରଣକୁ ନେଇ ଚେନ୍ନାଇ ମ୍ୟାଚ୍‌ ହାତେଇ ନେଇଥିଲା। କୋଲକାତା ବିପକ୍ଷରେ ମୁମ୍ବାଇ ପ୍ରତ୍ୟାବର୍ତ୍ତନ କରିବା ଲକ୍ଷ୍ୟରେ ରହିଛି। ଉଭୟ ଦଳରେ ବିଗ୍‌ ହିଟରମାନେ ରହିଥିବାରୁ ଆବୁଧାବିର ଏହି ଟ୍ରାକ୍‌ରେ ଜବରଦସ୍ତ ଲଢ଼େଇ ଦେଖିବାକୁ ମିଳିବ ବୋଲି ଆଶା କରାଯାଉଛି।
ଶୁବମନ ଗିଲ୍‌ ତାଙ୍କ ତୃତୀୟ ଆଇପିଏଲ୍‌ ଖେଳିବାକୁ ଯାଉଛନ୍ତି। ସେ ଜଣେ ଉଚ୍ଚକୋଟୀର ପ୍ରତିଭାସମ୍ପନ୍ନ ବ୍ୟାଟ୍ସମ୍ୟାନ। ସେ ଏକ୍ସଟ୍ରା କଭର ଉପର ଦେଇ ଛକା ମାରିବାର କ୍ଷମତା ରଖନ୍ତି। ମୁମ୍ବାଇ ପାଇଁ ସେ ଉପଯୋଗୀ ସାବ୍ୟସ୍ତ ହେବେ। ସୀମିତ ଓଭର କ୍ରିକେଟ ଦୃଷ୍ଟିକୋଣରୁ ଦେଖିବାକୁ ଗଲେ ରୋହିତ ଶର୍ମା ଜଣେ ଅସାଧାରଣ ବ୍ୟାଟ୍ସମ୍ୟାନ ରୂପେ ନିଜକୁ ପ୍ରମାଣିତ କରିଛନ୍ତି। ଇତିମଧ୍ୟରେ ବେଶ୍‌ ଅଭିଜ୍ଞତା ହାସଲ କରିଥିବାର ରୋହିତ କୋଲକାତା ପାଇଁ ସମସ୍ୟା ସୃଷ୍ଟି କରିବେ। ସେହିପରି ହାର୍ଦ୍ଦିକ ପାଣ୍ଡ୍ୟା ମଧ୍ୟ ପ୍ରତିପକ୍ଷ ଦଳର ତାରକା ବୋଲର ସୁନୀଲ ନାରିନ, କୁଲଦୀପ ଯାଦବ ଓ ପ୍ୟାଟ୍‌ କୁମିନ୍ସଙ୍କ ଭଳି ବୋଲରଙ୍କୁ ମହଙ୍ଗା ସାବ୍ୟସ୍ତ କରିବାର କ୍ଷମତା ରଖୁଛନ୍ତି। ଦ୍ୱିତୀୟ ଦ୍ରୁତ ବୋଲର ଭାବେ କମଳେଶ ନାଗରକୋଟଇ କିମ୍ବା ପ୍ରସିଦ୍ଧ କ୍ରିଷ୍ଣା ସ୍ଥାନ ପାଇପାରନ୍ତି। ହାର୍ଦ୍ଦିକଙ୍କ ଭଳି ଆନ୍ଦ୍ରେ ରସେଲ ମଧ୍ୟ ବିସ୍ଫୋରକ ବ୍ୟାଟ୍ସମ୍ୟାନ। କୋଲକାତା ତରଫରୁ ସେ ଉପଯୋଗୀ ସାବ୍ୟସ୍ତ ହେବେ। ଟି୨୦ରେ ରେସେଲ ସବୁଠାରୁ ବିସ୍ଫୋରକ ବ୍ୟାଟ୍ସମ୍ୟାନ ସାବ୍ୟସ୍ତ ହୋଇଛନ୍ତି। ଗତ ସଂସ୍କରଣରେ ରସେଲ ୫୨ଟି ଛକା ମାରିଥିଲେ। ନିମ୍ନକ୍ରମରେ ବ୍ୟାଟିଂ କରିବାକୁ ପଠାଇଥିବାରୁ ସେ ଟିମ୍‌ ମ୍ୟାନେଜମେଣ୍ଟକୁ ଖୋଲାଖୋଲି ସମାଲୋଚନା କରିଥିଲେ। ତେବେ ଏଥର ସେ ୩ ନମ୍ବରରେ ବ୍ୟାଟିଂ କରିବାକୁ ସୁଯୋଗ ପାଇବେ। ଏହା ହେଲେ ସେ ପ୍ରତିପକ୍ଷ ବୋଲିଂକୁ ମାମୁଲି ସାବ୍ୟସ୍ତ କରି ବିସ୍ଫୋରକ ବ୍ୟାଟିଂ କରିବେ ବୋଲି ଆଶା କରାଯାଉଛି। ରସେଲଙ୍କୁ ଅତିକମ୍‌ରେ ୬୦ଟି ବଲ ବ୍ୟାଟିଂକରିବାକୁ ସୁଯୋଗ ଦିଆଯିବ। ଯଦି ତାଙ୍କୁ ଭାଗ୍ୟଦେବୀ ସହାୟ ହୁଅନ୍ତି ତା’ହେଲେ ସେ ଦ୍ୱିଶତକ ହାସଲ କରିପାରିବେ ବୋଲି କୋଲକାତା ମେଣ୍ଟର ଡେଭିଡ୍‌ ହସି କହିଛନ୍ତି। ପୁଣି ଇଂଲଣ୍ଡ ସୀମିତ ଓଭର ଅଧିନାୟକ ଇଆନ ମୋର୍ଗାନ କୋଲକାତା ଦଳରେ ସାମିଲ ଅଛନ୍ତି। ସେ ବିଶ୍ୱର ଅନ୍ୟତମ ଶ୍ରେଷ୍ଠ ହ୍ବାଇଟ୍‌ ବଲ୍‌ ଅଧିନାୟକ ବିବେଚିତ ହେଉଛନ୍ତି। ସେ ଅଧିନାୟକ ଦୀନେଶ କାର୍ତ୍ତିକଙ୍କୁ ଗୁରୁତ୍ୱପୂର୍ଣ୍ଣ ସମୟରେ ବିଭିନ୍ନ ପରାମର୍ଶ ଦେଇପାରିବେ। କୋଲକାତା ଦଳରେ ନାରିନ, ଟମ୍‌ ବାଣ୍ଟୋନ, ରସେଲ ଓ କୁମିନ୍ସଙ୍କ ଭଳି ବିଦେଶୀ ଖେଳାଳି ରହିଛନ୍ତି। ଏପରିସ୍ଥଳେ ମୋର୍ଗାନ କିପରି ଦଳରେ ସ୍ଥାନ ପାଇବେ ସେ ନେଇ ଟିମ୍‌ ମ୍ୟାନେଜମେଣ୍ଟ ସମସ୍ୟାରେ ପଡିବ।
ଅପରପକ୍ଷରେ ମୁମ୍ବାଇ ଦଳରେ ଟ୍ରେଣ୍ଟ ବୋଲ୍ଟଙ୍କ ବଦଳରେ ନାଥନ କଲ୍ଟର- ନାଇଲଙ୍କୁ ସାମିଲ କରାଗଲେ ଦଳ ଅଧିକ ସନ୍ତୁଳିତ ହେବ। ଶନିବାର ଭଲ ଆରମ୍ଭ କରିଥିଲେ ମଧ୍ୟ ମୁମ୍ବାଇ ୧୬୨/୯ରେ ସୀମିତ ରହିଥିଲା। ଭଲ ଷ୍ଟ୍ରାଇକ ରୋଟେଟ କରିପାରୁ ନ ଥିବା ସୌରଭ ତିଓ୍ବାରୀଙ୍କ ବଦଳରେ ଏବେ ବିସ୍ଫୋରକ ଇଶାନ କିଷନଙ୍କୁ ଦଳ ଖେଳାଇପାରେ। ଡେଥ୍‌ ଅଫ୍‌ କିଙ୍ଗ୍‌ କୁହାଯାଉଥିବା ଯଶପ୍ରୀତ ବୁମ୍‌ରା ଚେନ୍ନାଇ ବିପକ୍ଷରେ ୪୩ ରନ ଦେଇ ମହଙ୍ଗା ସାବ୍ୟସ୍ତ ହୋଇଥିଲେ। ସେ ନିଜର ପ୍ରଦର୍ଶନରେ ସୁଧାର ଆଣିବାକୁ ପ୍ରୟାସ କରିବେ। ଦ୍ରୁତ ବୋଲରଙ୍କୁ ବାଦ୍‌ ଦେଲେ କ୍ରୁନାଲ ପାଣ୍ଡ୍ୟା ଓ ରାହୁଲ ଚହରଙ୍କ ଭଳି ସ୍ପିନର ମୁମ୍ବାଇ ପାଇଁ ଉପଯୋଗୀ ସାବ୍ୟସ୍ତ ହେବେ। ହାର୍ଦ୍ଦିକ ଓ କିରନ ପୋଲାର୍ଡ ମଧ୍ୟ ଭଲ କାମଚଳା ବୋଲିଂ କରିପାରିବେ। ଉଭୟ ହାର୍ଦ୍ଦିକ ଓ ପୋଲାର୍ଡ ଚେନ୍ନାଇ ବିପକ୍ଷରେ ବୋଲିଂ କରି ନ ଥିଲେ। ଏଥର କିନ୍ତୁ ଦାୟିତ୍ୱ ନେବେ ବୋଲି ଆଶା କରାଯାଉଛି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ରାଜସ୍ଥାନର କ୍ରମାଗତ ଦ୍ୱିତୀୟ ବିଜୟ

ଜୟପୁର,୨୮ା୩: ଜୟପୁରର ସଓ୍ବାଇ ମାନସିଂ ଷ୍ଟାଡିୟମରେ ଗୁରୁବାର ଖେଳାଯାଇଥିବା ୯ତମ ଆଇପିଏଲ୍‌ ମ୍ୟାଚରେ ଦିଲ୍ଲୀ କ୍ୟାପିଟାଲ୍ସକୁ ୧୨ ରନ୍‌ରେ ହରାଇ କ୍ରମାଗତ ଦ୍ୱିତୀୟ ବିଜୟୀ ହୋଇଛି...

ଦିଲ୍ଲୀକୁ ୧୮୬ ରନର ଟାର୍ଗେଟ୍‌ ଦେଲା ରାଜସ୍ଥାନ

ଜୟପୁର,୨୮।୩: ଦିଲ୍ଲୀ କ୍ୟାପିଟାଲ ଏବଂ ରାଜସ୍ଥାନ ରୟାଲ ମଧ୍ୟରେ ଖେଳାଯାଉଥିବା ୯ମ ମ୍ୟାଚରେ ଦିଲ୍ଲୀକୁ ୧୮୬ ରନର ଲକ୍ଷ୍ୟ ଦେଇଛି ରାଜସ୍ଥାନ। ଏହି ମ୍ୟାଚ ଜୟପୁରର...

କେଶବ ମହାରାଜଙ୍କୁ ଦଳରେ ସାମିଲ କଲା ରାଜସ୍ଥାନ ରୟାଲ୍ସ, କେକେଆର ଆଣିଲା ୧୬ ବର୍ଷ ବୟସ୍କ ଆଫଗାନିସ୍ତାନ ସ୍ପିନର

ନୂଆଦିଲ୍ଲୀ ,୨୮।୩: ଆହତ ପ୍ରସିଦ୍ଧ କ୍ରିଷ୍ଣାଙ୍କ ସ୍ଥାନରେ ବଦଳ ଖେଳାଳି ଭାବେ ରାଜସ୍ଥାନ ରୟାଲ୍ସ ଦକ୍ଷିଣ ଆଫ୍ରିକାର ସ୍ପିନର କେଶବ ମହାରାଜଙ୍କୁ ଦଳରେ ସାମିଲ କରିଛି।...

ଇତିହାସ ରଚିଲେ ରିଷଭ ପନ୍ତ, ଏଭଳି କରିବାରେ ହେଲେ ୭ମ ଖେଳାଳି

ଜୟପୁର,୨୮।୩: ୨୦୨୪ ଆଇପିଏଲର ୧୭ ତମ ସିଜନରେ ପ୍ରାୟ ପ୍ରତ୍ୟେକ ମ୍ୟାଚରେ ନୂଆ ରେକର୍ଡ ସୃଷ୍ଟି ହେଉଛି । ଜୟପୁରର ସୱାଇ ମାନ ସିଂ ଷ୍ଟାଡିୟମରେ...

ମୁମ୍ବାଇ ଇଣ୍ଡିଆନ୍ସ ପାଇଁ ଖରାପ ଖବର, ଏହି ଗୁରୁତ୍ୱପୂର୍ଣ୍ଣ ଖେଳାଳିଙ୍କ ଫେରିବା କଷ୍ଟକର

ନୂଆଦିଲ୍ଲୀ,୨୮।୩: ସନରାଇଜର୍ସ ହାଇଦ୍ରାବାଦ ବିପକ୍ଷରେ ପରାଜୟ ପରେ ମୁମ୍ବାଇ ଇଣ୍ଡିଆନ୍ସ ପାଇଁ ଆଉ ଏକ ଖରାପ ଖବର ଆସିଛି। ଦଳର ଷ୍ଟାର ବ୍ୟାଟର ସୂର୍ଯ୍ୟକୁମାର ଯାଦବ...

ହାର୍ଦ୍ଦିକ ପାଣ୍ଡ୍ୟାଙ୍କୁ ଭିଲିଆନ୍‌ ସଜେଇଲେ ଏହି କ୍ରିକେଟର୍‌: କହିଦେଲେ ଏମିତି କଥା

ହାଇଦ୍ରାବାଦ୍‌,୨୮।୩: ମୁମ୍ବାଇ ଇଣ୍ଡିଆନ୍ସକୁ ସନରାଇଜର୍ସ ହାଇଦ୍ରାବାଦ ବିପକ୍ଷରେ ପରାଜୟର ସାମ୍ନା କରିବାକୁ ପଡିଛି। ହାର୍ଦ୍ଦିକ ପାଣ୍ଡ୍ୟାଙ୍କ ଅଧିନାୟକତ୍ୱକୁ ନେଇ ପ୍ରଶ୍ନ ଉଠିଛି। ଏଥି ସହ ବର୍ତ୍ତମାନ...

ରୋହିତଙ୍କୁ ସମ୍ଭାଳିବାକୁ ପଡିଲା ମୁମ୍ବାଇ ଇଣ୍ଡିଆନ୍ସର ଅଧିନାୟକତ୍ୱ! ପାଣ୍ଡ୍ୟାଙ୍କୁ କହିଲେ…

ନୂଆଦିଲ୍ଲୀ,୨୮।୩: ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ସନରାଇଜର୍ସ ହାଇଦ୍ରାବାଦ ୨୦ ଓଭରରେ ୩ ଉଇକେଟ୍‌ ହରାଇ ୨୭୭ ରନ୍‌ ସଂଗ୍ରହ କରିଥିଲା। ଆଇପିଏଲ ଇତିହାସରେ ଏହା ହେଉଛି...

ପାଣ୍ଡ୍ୟାଙ୍କୁ ଗାଳି, ଗାଏକଓ୍ବାଡଙ୍କ ପାଇଁ ତାଳି…ଅଧିନାୟକ ଦାୟିତ୍ୱ କିଭଳି ଦିଆଯାଏ ଧୋନୀଙ୍କଠାରୁ ଶିଖିବା ଉଚିତ

ନୂଆଦିଲ୍ଲୀ,୨୮।୩: ଆଇପିଏଲ୍‌ରେ ମାର୍ଚ୍ଚ ୨୪ ଏବଂ ୨୬ର ଦୃଶ୍ୟ ବହୁତ କିଛି ବୟାନ କରୁଛି। ପ୍ରଥମେ ମାର୍ଚ୍ଚ ୨୪ ବିଷୟରେ କଥା ହେବା। ଏହି ଦିନ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri