ମୁମ୍ବାଇ,୨୦।୪: ଭାରତୀୟ କ୍ରିକେଟର୍ ଦଳର ପୂର୍ବତନ ଅଧିନାୟକ ବିରାଟ କୋହଲି କେବେ ଏକ ଶତକ ସ୍କୋର କରିବେ, ଏହି ପ୍ରଶ୍ନ ଏବେ ପୁରୁଣା ହୋଇଯାଇଛି। ଏବେ ପ୍ରଶଂସକମାନେ ତାଙ୍କଠାରୁ ଏକ ଭଲ ଇନିଂସ ଆଶା କରୁଛନ୍ତି। ଟିମ ଇଣ୍ଡିଆ ଏବଂ ଆଇପିଏଲରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁର ଅଧିନାୟକତ୍ୱ ଛାଡିବା ପରେ ମଧ୍ୟ ସେ ବ୍ୟାଟ୍ସମ୍ୟାନ ଭାବରେ ଭଳ ପ୍ରଦର୍ଶନ କରିପାରି ନାହାଁନ୍ତି। ଲକ୍ଷ୍ନୌ ସୁପର ଜିଆଣ୍ଟସ ବିପକ୍ଷ ଶେଷ ମ୍ୟାଚରେ କୋହଲି ‘ଶୂନ’ରେ ଆଉଟ୍ ହୋଇଥିଲେ। ପ୍ରଥମ ବଲରେ ଖାତା ନ ଖୋଲି ପ୍ୟାଭିଲିୟନ ଫେରି ଥିଲେ। ଏହି କାରଣରୁ ଟିମ ଇଣ୍ଡିଆର ପୂର୍ବତନ ମୁଖ୍ୟ ରବି ଶାସ୍ତ୍ରୀ ଅସନ୍ତୋଷ ପ୍ରକାଶ କରିଛନ୍ତି। ସେ କୋହଲିଙ୍କୁ କ୍ରିକେଟରୁ ବିରତି ନେବାକୁ ପରାମର୍ଶ ଦେଇଛନ୍ତି। ଶାସ୍ତ୍ରୀ କହିଛନ୍ତି, ବାୟୋ-ବବୁଲ ସହିତ ଜଡିତ ପ୍ରତିବନ୍ଧକ ମଧ୍ୟରେ ଆମେ ଖେଳାଳିମାନଙ୍କର ଯତ୍ନ ନେବା ଉଚିତ୍। କୋହଲିଙ୍କଠାରେ ଆଉ ୬-୭ ବର୍ଷ କ୍ରିକେଟ୍ ବାକି ଅଛ। ତେଣୁ ତାଙ୍କୁ ବିଶ୍ରାମ ଆବଶ୍ୟକ।
ଆଇପିଏଲ ୨୦୨୨ ପୂର୍ବରୁ କୋହଲି ଆରସିବିର ଅଧିନାୟକତ୍ୱ ଛାଡିଥିଲେ। ତା’ପରେ ସେ ଜଣେ ବ୍ୟାଟ୍ସମ୍ୟାନ ଭାବରେ ଚମତ୍କାର ପ୍ରଦର୍ଶନ କରିବେ ବୋଲି ସମସ୍ତେ ଆଶା ପ୍ରକଟ କରିଥିଲେ। କିନ୍ତୁ ଚଳିତ ସିଜିନ୍ରେ ସେ ହାରାହାରି ୭ଟି ମ୍ୟାଚରେ ୧୯.୮୩ରେ ମାତ୍ର ୧୧୯ ରନ ସଂଗ୍ରହ କରିଛନ୍ତି।
