Posted inଖେଳ

ସେହ୍ବାଗଙ୍କ ଆଇପିଏଲ୍‌ ଏକାଦଶରେ କୋହଲି ଅଧିନାୟକ

ନୂଆଦିଲ୍ଲୀ, ୧୨।୧୧- ବ୍ୟୟ ବହୁଳ ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ)ର ୧୩ତମ ସଂସ୍କରଣ ମଙ୍ଗଳବାର ଶେଷ ହୋଇଛି। ପ୍ରତିଯୋଗିତା ଶେଷରେ ଭାରତୀୟ କ୍ରିକେଟ ଦଳର ପୂର୍ବତନ ଖେଳାଳି ନିଜ ପସନ୍ଦର ଆଇପିଏଲ୍‌ ଏକାଦଶରେ ବିରାଟ କୋହଲିଙ୍କୁ ଅଧିନାୟକ କରିଛନ୍ତି। ଗତ ଲିଗ୍‌ରେ କୋହଲି ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆର୍‌ସିବି) ଦଳର ନେତୃତ୍ୱ ନେଇଥିଲେ। ଆର୍‌ସିବି ପ୍ଲେ-ଅଫ୍‌ରେ ପ୍ରବେଶ କରିଥିଲେ ହେଁ ଏଲିମିନେଟରରେ ସନ୍‌ରାଇଜର୍ସ ହାଇଦ୍ରାବାଦ ନିକଟରୁ ହାରି ଯାଇଥିଲା। ଅଧିନାୟକ ମନୋନୟନ କ୍ଷେତ୍ରରେ ଚାମ୍ପିୟନ ମୁମ୍ବାଇ ଇଣ୍ଡିଆନ୍ସର ଅଧିନାୟକ ରୋହିତ ଶର୍ମା ଏବଂ ହାଇଦ୍ରାବାଦର ଡେଭିଡ ଓ୍ବାର୍ନରଙ୍କ ଅପେକ୍ଷା କୋହଲିଙ୍କୁ ପସନ୍ଦ କରିଛନ୍ତି ସେହ୍ବାଗ। ପ୍ରଭାବୀ ପ୍ରଦର୍ଶନ ପାଇଁ ସୂର୍ଯ୍ୟ କୁମାର ଯାଦବଙ୍କୁ ସେ ୩ ନମ୍ବର ସ୍ଥାନରେ ରଖିଛନ୍ତି।
ପୂରା ପ୍ରତିଯୋଗିତାରେ ଆଧିପତ୍ୟ ବିସ୍ତାର କରିଥିବା ମୁମ୍ବାଇ ଫାଇନାଲରେ ଦିଲ୍ଲୀ କ୍ୟାପିଟାଲ୍ସକୁ ହରାଇ ରେକର୍ଡ ୫ମଥର ଟ୍ରଫି ହାସଲ କରିଥିଲା। ଆଇପିଏଲ ଶେଷରେ ଅନେକ କ୍ରିକେଟ ବିଶେଷଜ୍ଞ ସେମାନଙ୍କ ପସନ୍ଦର ଏକାଦଶ ଚୟନ କରିଛନ୍ତି। ସେମାନଙ୍କ ମଧ୍ୟରୁ ସେହ୍ବାଗ ଅନ୍ୟତମ। ସେ ନିଜ ପ୍ରାୟ ସମସ୍ତ ନିର୍ଭରଯୋଗ୍ୟ ଖେଳାଳିଙ୍କୁ ସାମିଲ କରିଛନ୍ତି। ସେ ଓପନର ଭାବେ ଅରେଞ୍ଜ୍‌ କ୍ୟାପ୍‌ ଅଧିକାରୀ କିଙ୍ଗ୍ସ ଇଲେଭେନ ପଞ୍ଜାବ ଅଧିନାୟକ ଲୋକେଶ ରାହୁଲ ଏବଂ ଆରସିବିର ଯୁବ ଖେଳାଳି ଦେବଦତ୍ତ ପଡିକାଲଙ୍କୁ ନେଇଛନ୍ତି। କୋହଲିଙ୍କୁ ୪ ଏବଂ ଓ୍ବାର୍ନରଙ୍କୁ ସେ ୫ମ ସ୍ଥାନ ଦେଇଛନ୍ତି। ”ଗତ ୩ ସିଜନଧରି ସୂର୍ଯ୍ୟକୁମାର ସ୍ଥିର ପ୍ରଦର୍ଶନ ଦେବାରେ ସକ୍ଷମ ହୋଇଛନ୍ତି। ତେଣୁ ତାଙ୍କୁ ୩ ନମ୍ବର ସ୍ଥାନ ଦିଆ ଯାଇଛି। କୋହଲିଙ୍କୁ ୪ର୍ଥ ସ୍ଥାନ ଦେବାର ଅର୍ଥ ହେଲା ସେ ସବୁବେଳେ ରନ ସଂଗ୍ରହ ପ୍ରକ୍ରିୟା ଜାରି ରଖିଥାନ୍ତି। ଆକ୍ରମଣାତ୍ମକ ଆଭିମୁଖ୍ୟ ରଖୁଥିବାରୁ ତାଙ୍କୁ ଅଧିନାୟକ ଦାୟିତ୍ୱ ମଧ୍ୟ ପ୍ରଦାନ କରିଛି। ଚମତ୍କାର ଫର୍ମରେ ଥିବା ଡେଭିଡ ଓ୍ବାର୍ନର ୫ମ ନମ୍ବର ସ୍ଥାନ ପାଇଁ ଉପଯୁକ୍ତ। ଓ୍ବାର୍ନର ଓ କୋହଲିଙ୍କ ମଧ୍ୟରେ କାହାକୁ ଅଧିନାୟକ ଦାୟିତ୍ୱ ଦିଆଯିବ ବୋଲି ଦ୍ୱନ୍ଦ୍ୱରେ ଥିଲେ ହେଁ ଶେଷରେ ଟିମ୍‌ ଇଣ୍ଡିଆ ଅଧିନାୟକଙ୍କ ସପକ୍ଷରେ ଗଲି। କାରଣ ସେ ଇନିଂସ ଓପନ କରିପାରିବେ ମିଡିଲ ଅର୍ଡରରେ ମଧ୍ୟ ଦକ୍ଷତା ଦେଖାଇପାରିବେ“ ବୋଲି ସେହ୍ବାଗ ପ୍ରକାଶ କରିଛନ୍ତି। ୬ ନମ୍ବର ସ୍ଥାନ ପାଇଁ ଏବି ଡି’ଭିଲର୍ସ, କିରନ ପୋଲାର୍ଡ ଓ ହାର୍ଦ୍ଦିକ ପାଣ୍ଡ୍ୟା ରହିଥିଲେ। ମାତ୍ର ଗତ ପ୍ରଦର୍ଶନକୁ ଦୃଷ୍ଟିରେ ରଖି ଡି’ଭିଲର୍ସଙ୍କୁ ରଖାଯାଇଛି। ବୋଲରଙ୍କ ମଧ୍ୟରେ ସେହ୍ବାଗ ଚଳିତ ବର୍ଷର ଶ୍ରେଷ୍ଠ ୨ ଉଇକେଟ ହାସଲକାରୀ କାଗିଶୋ ରାବାଡ଼ା ଓ ଯଶପ୍ରୀତ ବୁମ୍‌ରାଙ୍କୁ ପ୍ରାଧାନ୍ୟ ଦେଇଛନ୍ତି। ମହମ୍ମଦ ସାମିଙ୍କୁ ମଧ୍ୟ ଏଥିରେ ସାମିଲ କରାଯାଇଛି। ୟୁଜବେନ୍ଦ୍ର ଚହଲ ଓ ରଶିଦ ଖାଁ ଦୁଇ ସ୍ପିନର କୋଟା ପୂରଣ କରିଥିବାବେଳେ ସର୍ବାଧିକ ୩୦ଟି ଛକା ମାରିଥିବା ଇଶାନ କିଶନ ୧୨ତମ ଖେଳାଳିଭାବେ ରହିଛନ୍ତି।
ସେହ୍ବାଗଙ୍କ ଆଇପିଏଲ ଏକାଦଶ: ଲୋକେଶ ରାହୁଲ, ଦେବଦତ୍ତ ପଡିକାଲ, ସୂର୍ଯ୍ୟକୁମାର ଯାଦବ, ବିରାଟ କୋହଲି(ଅଧିନାୟକ), ଡେଭିଡ ଓ୍ବାର୍ନର, ଏବି ଡି’ଭିଲର୍ସ, ରଶିଦ ଖାଁ, ୟୁଜବେନ୍ଦ୍ର ଚହଲ, କାଗିଶୋ ରାବାଡ଼ା, ଯଶପ୍ରୀତ ବୁମ୍‌ରା, ମହମ୍ମଦ ସାମି, ଇଶାନ କିଶନ (ଦ୍ୱାଦଶ ଖେଳାଳି)।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଏସିଆନ ବକ୍ସିଂ: ମେରୀ କମ୍‌, ସାକ୍ଷୀ ଫାଇନାଲରେ

ଦୁବାଇ, ୨୮।୫(ପି.ଟି.)-ଛଅ ଥର ବିଶ୍ୱ ଚାମ୍ପିୟନ ଏମ୍‌. ସି. ମେରୀ କମ୍‌ (୫୧ କେଜି) ଓ ସାକ୍ଷୀ (୫୪ କେଜି) ଏସିଆନ ବକ୍ସିଂ ଚାମ୍ପିୟନଶିପ୍‌ର ଫାଇନାଲରେ...

ଦୁଇ ଭାଗ ହୋଇଛି ଭାରତୀୟ ଡ୍ରେସିଂ ରୁମ୍‌; କୋହଲି- ରାହୁଲଙ୍କୁ ନେଇ ପୂର୍ବ କ୍ରିକେଟର କହିଲେ…

ନୂଆଦିଲ୍ଲୀ,୨୧।୧: ଅନେକ ଥର ଭାରତୀୟ କ୍ରିକେଟ ଦଳ ଦୁଇ ଭାଗ ହୋଇଥିବା ନେଇ ଚର୍ଚ୍ଚା ହୋଇଆସିଛି। ବିରାଟ କୋହଲି ଏବଂ ରୋହିତ ଶର୍ମାଙ୍କୁ ନେଇ ଏଭଳି...

ମାଳବିକାଙ୍କୁ ଇଣ୍ଟରନ୍ୟାଶନାଲ ଟାଇଟଲ

ନୂଆଦିଲ୍ଲୀ, ୨ା୩ (ପି.ଟି.)- ଭାରତର ବରୁଣ କପୁର ଓ ମାଳବିକା ବନ୍‌ସୋଡ୍‌ କାମ୍ପାଲାରେ ଚାଲିଥିବା ଉଗାଣ୍ଡା ଇଣ୍ଟରନ୍ୟାଶନାଲ ବ୍ୟାଡ୍‌ମିଣ୍ଟନ ଟୁର୍ନାମେଣ୍ଟ ୨୦୨୧ରେ ପୁରୁଷ ଓ ମହିଳା...

କୋଭିଡ-୧୯ : ୧୭ ବର୍ଷରୁ କମ୍ ମହିଳା ଫିଫା ବିଶ୍ବକପ୍ ସ୍ଥଗିତ

ଭୁବନେଶ୍ୱର, ୪.୩(କ୍ରୀଡ଼ା ପ୍ରତିନିଧି)- ଆସନ୍ତା ନଭେମ୍ବର ରେ ଭାରତର ୪ଟି ସ୍ଥାନରେ ଆୟୋଜନ ହେବାକୁ ଥିବା ୧୭ ବର୍ଷରୁ କମ୍ ମହିଳା ଫିଫା ବିଶ୍ବକପକୁ ସ୍ଥଗିତ...

କୋହଲିଙ୍କ କ୍ଲାସ୍‌ ନେଲେ ଦ୍ରାଭିଡ

ସେଞ୍ଚୁରିଅନ,୧୯।୧୨: ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ଟେଷ୍ଟ ସିରିଜର ପ୍ରଥମ ମ୍ୟାଚ ଡିସେମ୍ବର ୨୬ରୁ ସେଞ୍ଚୁରିଅନର ସୁପର ସ୍ପୋର୍ଟ ପାର୍କରେ ଖେଳାଯିବ। ଆଜି ପର୍ଯ୍ୟନ୍ତ...

ଲାଇଭ୍‌ ମ୍ୟାଚ୍‌ରେ କ୍ରିକେଟର୍‌ଙ୍କ ଚିରିଗଲା ପ୍ୟାଣ୍ଟ୍‌

ରାଉଲପିଣ୍ଡି,୮।୩: ପାକିସ୍ତାନ ଏବଂ ଅଷ୍ଟ୍ରେଲିଆ ମଧ୍ୟରେ ୩ ମ୍ୟାଚ ବିଶିଷ୍ଟ ସିରିଜର ପ୍ରଥମ ଟେଷ୍ଟ ମ୍ୟାଚ ରାୱଲପିଣ୍ଡିରେ ଖେଳାଯାଉଛି। ଓପନର୍‌ ଇମାମ-ଉଲ-ହକ (୧୫୭) ଏବଂ ଅଜହର...

ପାକିସ୍ତାନ ବିପକ୍ଷ ମ୍ୟାଚ୍‌ ଲାଗି ଏମିତି କହିଲେ ଗମ୍ଭୀର

ନୂଆଦିଲ୍ଲୀ,୧୭।୮ : ଦୁଇ ଚିରପ୍ରତିଦ୍ୱନ୍ଦ୍ୱୀ ଭାରତ ଓ ପାକିସ୍ତାନ ଆଇସିସି ଟି୨୦ ବିଶ୍ୱକପ୍‌ର ଗ୍ରୁପ ପର୍ଯ୍ୟାୟ ମ୍ୟାଚ୍‌ରେ ଅକ୍ଟୋବର ୧୪ ତାରିଖରେ ପରସ୍ପରକୁ ଭେଟିବେ। ଏ...

ରିଡ୍‌ଙ୍କ ତତ୍ତ୍ୱାବଧାନରେ ଆକ୍ରମଣାତ୍ମକ ହୋଇଛୁ: ଗୁରିନ୍ଦର

ବେଙ୍ଗାଲୁରୁ,୬।୫(ପି.ଟି.): ହେଡ୍‌ କୋଚ୍‌ ଗ୍ରାହାମ ରିଡ୍‌ଙ୍କ ତତ୍ତ୍ୱାବଧାନରେ ଆମେ ଆକ୍ରମଣାତ୍ମକ ଖେଳ ପ୍ରଦର୍ଶନ କରିବାରେ ସଫଳ ହୋଇଛୁ ବୋଲି ଭାରତୀୟ ଡିଫେଣ୍ଡର ଗୁରିନ୍ଦର ସିଂ କହିଛନ୍ତି।...

Advertisement
Archives

Model This Week