ଭାରତରେ ଲୋକପ୍ରିୟ ଗେମିଂ ଆପ୍ ପବ୍ଜୀ ବ୍ୟାନ୍ ହେବା ପରେ ଭାରତୀୟ କମ୍ପାନୀ ଏନ୍କୋର ଗେମ୍ସ ବିକଳ୍ପ ସ୍ବରୂପ ଫଉ-ଜି ଖେଳ ଆଣିଛି। ଏନେଇ ଅଭିନେତା ଅକ୍ଷୟ କୁମାର ନିଜର ସୋସିଆଲ ମିଡିଆରେ ସୂଚନା ଦେଇଥିଲେ। ତେବେ ଆସନ୍ତୁ ଜାଣିବା ଏହାର ଅର୍ଥ, ଏହା କେବେ ରିଲିଜ କରାଯିବ। କେବେଠାରୁ ଖେଳ ଉପରେ କାମ ଚାଲୁରହିଛି ଆଦି ତଥ୍ୟ।
FAU:Gର ଅର୍ଥ କ’ଣ?
ଫଉ-ଜିର ପୁରା ନାମ ଫିଅରଲେସ୍ ଆଣ୍ଡ ୟୁନାଇଟେଡ୍: ଗାଡ୍ସ। ଏହାକୁ ପବ୍ଜୀର ବିକଳ୍ପ ବୋଲି କୁହାଯାଉଥିଲା। ହେଲେ ଫଉଜୀ ପବ୍ଜୀ ସହ ପ୍ରତିସ୍ପର୍ଦ୍ଧା କରିବ ନାହିଁ ବୋଲି କମ୍ପାନୀ କହିଛି।
କେବେ ରିଲିଜ ହେବ ଏହି ଖେଳ?
ଏହି ଖେଳ ଏବେ ପାଇପ୍ଲାଇନ୍ରେ ଅଛି। ଅକ୍ଟୋବର ମାସରେ ଏହା ରିଲିଜ ହେବ ବୋଲି କମ୍ପାନୀ କହିଛି।
କେବେଠାରୁ ଫଉଜୀ ଖେଳ ଉପରେ କାମ ଚାଲିଛି?
୨୦୨୦ମେ’ ମାସରୁ ଏହି ଖେଳ ନିର୍ମାଣ କରାଯାଉଛି। ଅକ୍ଟୋବର ସୁଦ୍ଧା ଏହାର କାମ ସରିବ। ହେଲେ ଏହାର ସଠିକ୍ ତାରିଖ ବିଷୟରେ ବିଶେଷ କିଛି ଜଣାପଡ଼ିନାହିଁ।
ଫଉଜୀର ପ୍ରଥମ ଏପିସୋଡ:
ଏହି ଆକ୍ସନ ଗେମ୍ର ପ୍ରଥମ ଏପିସୋଡ ଗଲଓ୍ବାନ ଘାଟି ଉପରେ ଆଧାରିତ ରହିବ। ଏହାଦ୍ୱାରା ମନୋରଞ୍ଜନ ସାଙ୍ଗକୁ ସୈନିକ ମାନଙ୍କର ବଳିଦାନ ବିଷୟରେ ଖେଳାଳି ଜାଣିପାରିବେ।
କମ୍ପାନୀ ଅନ୍ୟ ଦୁଇ ଖେଳ ଉପରେ କରୁଛି କାମ:
ଏନ୍କୋର୍ ଗେମ୍ସ ଫଉଜୀ ସହ ଆଉ ଦୁଇ ଖେଳ ଆଣିବାକୁ ଯାଉଛି। ଫଉଜୀ ଶୁଟିଂ ଗେମ୍ ହୋଇଥିବା ବେଳେ ଅନ୍ୟ ଦୁଇଟି କ୍ରିକେଟ ଏବଂ ସଙ୍ଗୀତ ଭିତ୍ତିକ ଖେଳ ରହିବ। ହେଲେ ଏହାର ନାମ କ’ଣ ରହିବ ତାହା ଉପରୁ ପରଦା ଉଠି ନାହିଁ। ତେବେ କ୍ରିକେଟ ଗେମ୍ ଆଇପିଏଲ୍ ଆରମ୍ଭ ହେବା ପୂର୍ବରୁ ରିଲିଜ କରାଯିବ।
