ରବିଶ କୁମାର। ସାମ୍ବାଦିକତା ଜଗତର ଜଣେ ପରିଚିତ ନାମ। ଏକାଧିକ ସମ୍ମାନରେ ସେ ସମ୍ମାନିତ ହୋଇଛନ୍ତି। କର୍ମ ଜୀବନକୁ ଛାଡ଼ିଦେଲେ ରବିଶଙ୍କ ବ୍ୟକ୍ତିଗତ ଜୀବନ ବିଷୟରେ ହୁଏତ ସେତେଟା ଆପଣ ଜାଣି ନ ଥାଇପାରନ୍ତି। ତେବେ ପ୍ରେମ ଉପରେ ରବିଶ ଏକ ପୁସ୍ତକ ରଚନା କରିଛନ୍ତି। ଏହାର ନାମ ‘ଇସ୍କ ମେ ସହର ହୋନା’। ପୁସ୍ତକ ଉନ୍ମୋଚନ ସମୟରେ ରବିଶ ନିଜର ମନକଥା ସମସ୍ତଙ୍କୁ ଜଣାଇଥିଲେ। ସେ କହିଥିଲେ, ଯେତେବେଳ ପର୍ଯ୍ୟନ୍ତ ଆପଣ କାହାକୁ ଭଲ ପାଇ ନଥାନ୍ତି, ସେତେବେଳ ପର୍ଯ୍ୟନ୍ତ ଆପଣଙ୍କ ଜୀବନରେ ସକାଳ ହୋଇ ନ ଥାଏ। ତେବେ ରବିଶଙ୍କ ପ୍ରେମକାହାଣୀ କିପରି ଥିଲା ଜାଣିବା..
ରବିଶ ବିହାରର ମୋତିହାରୀ ଅଞ୍ଚଳର ବାସିନ୍ଦା। ପାଟଣାର ଲୋୟଲା ହାଇସ୍କୁଲରୁ ପଢ଼ା ସରିବା ପରେ ସେ ଗ୍ରାଜୁଏଶନ ପାଇଁ ଦିଲ୍ଲୀ ଯାଇଥିଲେ। ଦେଶବନ୍ଧଚ କଲେଜରେ ରବିଶ ବିଏ ଆଡମିଶନ କରିଥିଲେ। ଏଥିସହ ସିଭିଲ୍ ସର୍ଭିସ ପାଇଁ ପ୍ରସ୍ତୁତି କରୁଥିଲେ। ଦିଲ୍ଲୀରେ ପାଠପଢ଼ା ସମୟରେ ସେ ନିଜ ଜୀବନସାଥୀଙ୍କୁ ଭେଟିଥିଲେ। େସେତେବେଳେ କୋଲକାତାରେ ରହୁଥିବା ନୟନା ଦିଲ୍ଲୀର ଇନ୍ଦ୍ରପ୍ରସ୍ତ କଲେଜରେ ବିଏ କରୁଥିଲେ। ବିଏ ପରେ ସେ ଜବାହାରଲାଲ ନେହେରୁ ବିଶ୍ୱବିଦ୍ୟାଳୟରୁ ଏମ୍ଏ କରିଥିଲେ। ରବିଶ ଏବଂ ନୟନାଙ୍କ ଯେତେବେଳେ ଦେଖାହେଲା ସେ ଭଲ ବନ୍ଧୁ ପାଲଟିଥିଲେ। ନୟନା ସେତେବେଳେ ରବିଶଙ୍କୁ ଇଂରାଜୀ ଶିଖାଇବାରେ ସାହାଯ୍ୟ କରୁଥିଲେ। ଧିରେ ଧିରେ ଉଭୟଙ୍କ ବନ୍ଧୁତା ପ୍ରେମରେ ପରିବର୍ତ୍ତନ ହୋଇଥିଲା। ଉଭୟ ଭିବାହ କରିବାକୁ ମନ ବଳାଇଥିଲେ। ହେଲେ ଏହା ସହଜ ନ ଥିଲା। ଉଭୟ ଭିନ୍ନ ଜାତିର ହୋଇଥିବାରୁ ପରିବାରଲୋକେ ଆପତ୍ତି ଉଠାଇଥିଲେ। ହେଲେ ୭ ବର୍ଷ ଧରି ଉଭୟ ଉଭୟଙ୍କୁ ଡେଟ୍ କରିବା ପରେ ବିବାହ କରିଥିଲେ। ବର୍ତ୍ତମାନ ନୟନାଙ୍କ ସହ ରବିଶ ସୁଖୀ ଦାମ୍ପତ୍ୟ ଜୀବନ ଅତିବାହିତ କରୁଛନ୍ତି। ଉଭୟଙ୍କ ଦୁଇଟି କନ୍ୟା ସନ୍ତାନ ଅଛି। ରବିଶ ଏନ୍ଡିଟିଭିରେ କାମ କରୁଥିବା ବେଳେ ନୟନା ଲେଡି ଶ୍ରୀରାମ କଲେଜରେ ଇତିହାସ ଅଧ୍ୟାପିକା ଅଛନ୍ତି।
