ମୁମ୍ବାଇ: ବଲିଉଡ ଷ୍ଟାର ସିଦ୍ଧାର୍ଥ ମାଲହୋତ୍ରା ଓ କିଆରା ଆଡଭାନିଙ୍କ ଯୋଡିକୁ ନେଇ ସବୁଠି ଚର୍ଚ୍ଚା ଯୋର ଧରିଛି । ବଲିଉଡ ଗପସପ ଗଳିର ଏହି ହଟ ଟପିକ ଉପରେ ସବୁବେଳେ କିଛି ନା କିଛି ଖବର ସାମ୍ନାକୁ ଆସୁଛି । କିଆରା-ସିଦ୍ଧାର୍ଥ ପରସ୍ପରକୁ ଡେଟ କରୁଥିବା ଆଲୋଚନା ହେଉଥିଲେ ବି ଏମାନେ କେବେ ଏହା ଖୋଲି କହି ନାହାନ୍ତି । ହେଲେ ପୁଣିଥରେ ଏମାନଙ୍କୁ ଏକାଠି ଦେଖିବାକୁ ମିଳିଛି । ତାହାପୁଣି ଅତି ନିକଟରୁ । ଏବେ କିଆରା ଆଡଭାନୀ ସୋସିଆଲ ମିଡିଆରେ ପୋଷ୍ଟ କରିଥିବା ଏକ ଭିଡିଓକୁ ନେଇ ଚର୍ଚ୍ଚା ଯୋର ଧରିଛି ।
ସ୍ୱାଧିନତା ଦିବସ ଅବସରରେ କିଆରା ଆଡଭାନୀ ଶାଢି ପିନ୍ଧିଥିବା ଏକ ଭିଡିଓ ଶେୟାର କରିଛନ୍ତି । ଯେଉଁଥିରେ କେହି ଜଣେ ତାଙ୍କ ସାମ୍ନାରେ ଜାତୀୟ ପତାକା ଉଡାଉଥିବା ନଜର ଆସିଛି । ହେଲେ ସେହି ବ୍ୟକ୍ତି ଜଣଙ୍କ ପରଦାରେ ନଜର ଆସୁ ନ ଥିବା ବେଳେ କେବଳ ତାଙ୍କ ହାତ ଦେଖାଯାଉଛି । ହେଲେ ଜାତୀୟ ପତାକା ଉଡାଉଥିବା ବ୍ୟକ୍ତି ଆଉ କେହି ନୁହେଁ, ସେ ହେଉଛନ୍ତି ସିଦ୍ଧାର୍ଥ ମାଲହୋତ୍ରା । ଘଟଣା ହେଲା କିଆରା ଯେଉଁ ଭିଡିଓ ଶେୟାର କରିଛନ୍ତି ସେଥିରେ ସିଦ୍ଧାର୍ଥଙ୍କୁ କ୍ରପ କରି ଦିଆଯାଇଛି । କେବଳ ତାଙ୍କ ହାତ ନଜର ଆସୁଛି । ହେଲେ କମେଣ୍ଟରେ ସିଦ୍ଧାର୍ଥ ଏହାର ପୋଲ୍ ଖୋଲି ଦେଇଛନ୍ତି । କମେଣ୍ଟରେ ସେ ଲେଖିଛନ୍ତି ଥାଙ୍କସ୍ ଫର କଟିଂ ମି । ଏହାର ଏକ ମଜାଦାର ଜବାବ ବି ଦେଇଛନ୍ତି କିଆରା, ସେ ଲେଖିଛନ୍ତି ତୁମ ହାତ ଏବେବି ନଜର ଆସୁଛି । ବାସ୍ ଏତିକିରେ ଏମାନଙ୍କ ପ୍ରଶଂସକ ଅନୁମାନ ଲଗାଇ ଦେଇଛନ୍ତି ଯେ କିଆରା-ସିଦ୍ଧାର୍ଥଙ୍କ ଭିତରେ କ’ଣ ରହିଛି ସମ୍ପର୍କ ।
