ଦିଗପହଣ୍ଡି,୨୦।୭(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ବଜାର ସାହି ଗାନ୍ଧୀ ଛକରେ ଦୁଇଦିନବ୍ୟାପୀ ଖେମୁଣ୍ଡି ଲୋକ କଳା ମହୋତ୍ସବ ସୋମବାର ପୂର୍ବାହ୍ନ ସାଢ଼େ ୧୧ ଟାରେ ଆନୁଷ୍ଠାନିକ ଭାବେ ଉଦଘାଟିତ ହୋଇଯାଇଛି । ମୁଖ୍ୟ ଅତିଥି ଦିଗପହଣ୍ଡି ବିଧାୟକ ଡ଼.ସିଦ୍ଧାନ୍ତ ମହାପାତ୍ର, ଲୋକ ସଂସ୍କୃତି ଗବେଷକ ତଥା ବିଶିଷ୍ଟ ନାଟ୍ୟକାର ମନ୍ମଥ କୁମାର ଶତପଥି, ଆକାଶବାଣୀ ରେଡ଼ିଓ ଓ ଦୂରଦର୍ଶନର ପ୍ରାକ୍ତନ ନିର୍ଦ୍ଦେଶକ ଡ଼. ଶାନ୍ତନୁ କୁମାର ରଥ, ତହସିଲଦାର ସନ୍ତୋଷ କୁମାର ସାହୁ, ସାହିତ୍ୟକ ଡ଼. ସୁରେନ୍ଦ୍ର ନାଥ ପାଣିଗ୍ରାହୀ, ଡ଼. କୁଳମଣି ଓଝା, ଐତିହାସିକ ତଥା ଗବେଷକ ଡ଼.ଅନନ୍ତରାମ କର କୌଣ୍ଡିନ୍ୟ, ଗଞ୍ଜାମ ଜିଲା ସଂସ୍କୃତି ପରିଷଦ ସଦସ୍ୟ ବିଘ୍ନେଶ୍ୱର ସାହୁ ସଭା ସ୍ଥଳରେ ପହଞ୍ଚିବା ପରେ ଗାନ୍ଧୀ ଛକରେ ଥିବା ବରପୁତ୍ର ମାନଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟାର୍ପଣ ଓ ଶ୍ରଦ୍ଧା ସୁମନ ଅର୍ପଣ କରିଥିଲେ।
ପରେ ସ୍ଥାନୀୟ କଳିଙ୍ଗ ବୈଶ୍ୟ ସମାଜ ଗୃହ ପରିସରରେ ଆୟୋଜିତ ଲୋକକଳା ପ୍ରଦର୍ଶନୀକୁ ବିଧାୟକଙ୍କ ଉପସ୍ଥିତିରେ ଆକାଶବାଣୀ ରେଡ଼ିଓ ଓ ଦୂରଦର୍ଶନର ପ୍ରାକ୍ତନ ନିର୍ଦ୍ଦେଶକ ଡ଼. ଶାନ୍ତନୁ କୁମାର ରଥ ଉଦଘାଟନ କରିଥିଲେ । ସେହିପରି ସ୍ଥାନୀୟ କଳିଙ୍ଗ ବୈଶ୍ୟ ସମାଜ ସଭାଗୃହରେ ‘ଖେମୁଣ୍ଡିର ଲୋକ କଳା ବିଭବ’ ସମ୍ପର୍କିତ ଆଲୋଚନା ସଭାରେ ରାଜ୍ୟ ସଂସ୍କୃତି ବିଭାଗର ପ୍ରାକ୍ତନ ଉପ ନିର୍ଦ୍ଦେଶକ କୃଷ୍ଣଚନ୍ଦ୍ର ନିଶଙ୍କ ଏବଂ ମହୋତ୍ସବ କମିଟି ସମ୍ପାଦକ ଆଲୋକ ବିଷୋୟୀଙ୍କ ମିଳିତ ସଂଯୋଜନାରେ ଆୟୋଜିତ ଆଲୋଚନା ସଭାରେ ଅତିଥିବୃନ୍ଦ ଖେମୁଣ୍ଡିି ଗଡ଼ଜାତ ଅଞ୍ଚଳର ଲୋକ କଳା, ସଂସ୍କୃତି, ପାରମ୍ପରିକ ଲୋକ ନୃତ୍ୟ, ନାଟ୍ୟ ଅଭିନୟ ସମ୍ପର୍କରେ ବିସ୍ତୃତ ଆଲୋଚନା କରିଥିଲେ।
ଏନଏସି ଅଧ୍ୟକ୍ଷ ପ୍ରଫୁଲ ପଣ୍ଡା, ବିଚିତ୍ର ବର୍ଣ୍ଣାଳି ନାଟ୍ୟ ସଂସଦ ସଭାପତି ବିଶ୍ୱନାଥ ଚୌଧୁରୀ, ମହୋତ୍ସବ କମିଟି କୋଷାଧ୍ୟକ୍ଷ ରଘୁନାଥ ପାଣିଗ୍ରାହୀ, କାର୍ଯ୍ୟକର୍ତ୍ତା କୁରେଶୁ ପଣ୍ଡା, ଅଶେଷ ନାଥ ମିଶ୍ର,ହର ପ୍ରସାଦ ରଥ, ସରପଞ୍ଚ ଲିଙ୍ଗରାଜ ଦୋରା, ନାଟ୍ୟ କଳା ନିର୍ଦ୍ଦେଶକ ରବୀନ୍ଦ୍ର ନାଥ ଡାକୁଆ, ଅବସରପ୍ରାପ୍ତ ଶିକ୍ଷକ ପଦ୍ମଚରଣ ମେକାପ, କାଳୁ ଚରଣ ପାଣିଗ୍ରାହୀଙ୍କ ସମେତ ସହରର ବହୁ ଗଣ୍ୟମାନ୍ୟ ବ୍ୟକ୍ତି, ବିଭିନ୍ନ କଲେଜର ଛାତ୍ରୀ ଛାତ୍ର ବୃନ୍ଦ ଉପସ୍ଥିତ ଥିଲେ। ବିଚିତ୍ର ବର୍ଣ୍ଣାଳି ନାଟ୍ୟ ସଂସଦର ସଦସ୍ୟ ବୃନ୍ଦ ସମସ୍ତ କାର୍ଯ୍ୟକ୍ରମ ପରିଚାଳନାରେ ସହାୟତା କରିଥିଲେ।
