Posted inଜାତୀୟ

କେସିଆର୍‌: ଜାତୀୟ ଭୂମିକାରେ ଆଉ ପାଦେ

ହାଇଦ୍ରାବାଦ,୧୯ା୧: ୨୦୨୪ ସାଧାରଣ ନିର୍ବାଚନରେ ଭାଜପାକୁ ଚେକ୍‌ ଦେବା ପାଇଁ ତେଲଙ୍ଗାନା ମୁଖ୍ୟମନ୍ତ୍ରୀ କେ. ଚନ୍ଦ୍ରଶେଖର ରାଓ (କେସିଆର୍‌) ଲଗାତର ଉଦ୍ୟମ ଜାରି ରଖିଛନ୍ତି। ଏହି ପରିପ୍ରେକ୍ଷୀରେ ଭାରତ ରାଷ୍ଟ୍ର ସମିତି (ବିଆର୍‌ଏସ୍‌) ଅଧ୍ୟକ୍ଷ ଜାତୀୟ ସ୍ତରରେ ନିଜ ଭୂମିକା ବିସ୍ତାର ଦିଗରେ ବୁଧବାର ପ୍ରଥମ ପାଦ ବଢ଼ାଇଛନ୍ତି। ଏକ ଅଣକଂଗ୍ରେସ ବିରୋଧୀ ମେଣ୍ଟ ଗଠନ ସକାଶେ ସେ ହାଇଦ୍ରାବାଦର ଖାମ୍ମମ୍‌ ସହରରେ ଏକ ଗୁରୁତ୍ୱପୂର୍ଣ୍ଣ ବୈଠକ ଆୟୋଜନ କରିଛନ୍ତି। ଏଥିରେ ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆମ୍‌ ଆଦ୍‌ମୀ ପାର୍ଟି (ଏଏପି) ଆବାହକ ଅରବିନ୍ଦ କେଜ୍‌ରିଓ୍ବାଲ, ପଞ୍ଜାବ ମୁଖ୍ୟମନ୍ତ୍ରୀ ଭଗଓ୍ବନ୍ତ ମାନ୍‌, କେରଳ ମୁଖ୍ୟମନ୍ତ୍ରୀ ପିନାରାୟୀ ବିଜୟନ୍‌, ସମାଜବାଦୀ ପାର୍ଟି (ଏସ୍‌ପି) ଅଧ୍ୟକ୍ଷ ଅଖିଳେଶ ଯାଦବ, ସିପିଆଇର ଡି. ରାଜା ପ୍ରମୁଖ ଯୋଗଦେଇ କେସିଆର୍‌ଙ୍କ ପଦକ୍ଷେପକୁ ସମର୍ଥନ ଜଣାଇଛନ୍ତି। କର୍ନାଟକରେ ରାଜ୍ୟବ୍ୟାପୀ ‘ପଞ୍ଚରନତ୍ ରଥଯାତ୍ରା’ ଚଳାଇଥିବାରୁ ଧର୍ମନିରପେକ୍ଷ ଜନତା ଦଳ (ଜେଡିଏସ୍‌) ନେତା ଏଚ୍‌.ଡି. ଦେବେଗୌଡ଼ା ଏହି କାର୍ଯ୍ୟକ୍ରମରେ ଯୋଗଦେଇପାରି ନ ଥିଲେ ହେଁ କେସିଆର୍‌ଙ୍କ ପ୍ରତି ତାଙ୍କ ସମର୍ଥନ ଥିବା କହିଛନ୍ତି।

୪ ଜଣ ମୁଖ୍ୟମନ୍ତ୍ରୀଙ୍କ ସହ ମଞ୍ଚ ଶେୟାର କରିବା ଅବସରରେ ୟୁପିର ପୂର୍ବତନ ମୁଖ୍ୟମନ୍ତ୍ରୀ ଅଖିଳେଶ କହିଛନ୍ତି, ଭାଜପାର ଜାତୀୟ କାର୍ଯ୍ୟକାରିଣୀ ମଙ୍ଗଳବାର ଶେଷ ହୋଇଛି। ସାଧାରଣ ନିର୍ବାଚନକୁ ଆଉ ୪୦୦ ଦିନ ବାକି ଥିବା ସେମାନେ ନିଜେ କହୁଛନ୍ତି। ସରକାର ନିଜ ଦିନ ଗଣିବାରେ ଲାଗିଛି। ୪୦୦ ଦିନ ପରେ ଏହି ସରକାର ଆଉ ରହିବ ନାହିଁ। ଅନ୍ୟପକ୍ଷେ କଂଗ୍ରେସର ‘ଭାରତ ଯୋଡ଼ୋ ଯାତ୍ରା’ର ଗ୍ରାଣ୍ଡ୍‌ ଫିନାଲେ ଜାନୁୟାରୀ ୩୦ରେ କଶ୍ମୀରରେ ହେବ। ଉକ୍ତ କାର୍ଯ୍ୟକ୍ରମକୁ ଏସ୍‌ପି ଏବଂ ସିପିଏମ୍‌ ସମେତ ୨୧ ବିରୋଧୀ ଦଳକୁ ନିମନ୍ତ୍ରଣ କରାଯାଇଛି। କିନ୍ତୁ କେଜ୍‌ରିଓ୍ବାଲଙ୍କ ଏଏପିକୁ କଂଗ୍ରେସ ଡାକିନାହିଁ। ତେଣୁ ଏହା ପୂର୍ବରୁ ବିଆର୍‌ଏସ୍‌ ବୈଠକର ବିଶେଷ ତାତ୍ପର୍ଯ୍ୟ ରହିଥିବା କୁହାଯାଉଛି। କେସିଆର୍‌ଙ୍କ ରାଲିରେ ସାମିଲ ହେଇଥିବା କୌଣସି ଦଳ କଂଗ୍ରେସର ଯାତ୍ରାରେ ସାମିଲ ହୋଇନାହାନ୍ତି।

ଅଖିଳେଶ ଓ କେଜ୍‌ରିଓ୍ବାଲ କଂଗ୍ରେସ ପ୍ରତି ରୁଚି ନ ଥିବା ସ୍ପଷ୍ଟ କରିସାରିଛନ୍ତି। ଫେବୃୟାରୀ ୧୬ରେ ଅନୁଷ୍ଠିତ ହେବାକୁ ଥିବା ତ୍ରିପୁରା ବିଧାନସଭା ନିର୍ବାଚନରେ ଆସନ ବୁଝାମଣା ନେଇ କଂଗ୍ରେସ-ସିପିଏମ୍‌ ଆଲୋଚନା ଚାଲିଥିଲେ ହେଁ କେରଳ ମୁଖ୍ୟମନ୍ତ୍ରୀ ବିଜୟନ୍‌ କେସିଆର୍‌ଙ୍କ ରାଲିରେ ଯୋଗଦେଇଛନ୍ତି। ୨୦୧୯ ସାଧାରଣ ନିର୍ବାଚନ ପୂର୍ବରୁ ବିଜୟନ୍‌ଙ୍କ ଏକ ଅଣକଂଗ୍ରେସ-ଅଣଭାଜପା ସାମ୍ମୁଖ୍ୟ ସ୍ବପ୍ନ ଆଞ୍ଚଳିକ ନେତାମାନଙ୍କ ସମର୍ଥନ ଅଭାବରୁ ପୂରଣ ହୋଇ ନ ଥିଲା। ତେଣୁ କେସିଆର୍‌ଙ୍କ ଏହି ସାମ୍ମୁଖ୍ୟ ଗଠନ ସ୍ବପ୍ନ ବାସ୍ତବ ହେବ କି ନାହିଁ ସେନେଇ ପ୍ରଶ୍ନ ଉଠିଲାଣି। ଇତିମଧ୍ୟରେ କେଜ୍‌ରିଓ୍ବାଲ ମଧ୍ୟ ନିଜ ଜାତୀୟ ମହତ୍ତ୍ୱାକାଂକ୍ଷା ଉପରେ ସ୍ପଷ୍ଟ କରିସାରିଛନ୍ତି। ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ତଥା ତୃଣମୂଳ କଂଗ୍ରେସ (ଟିଏମ୍‌ସି) ସୁପ୍ରିମୋ ମମତା ବାନାର୍ଜୀ ମଧ୍ୟ ଜାତୀୟ ରାଜନୀତିରେ ବଡ଼ ଭୂମିକା ଚାହୁଁଛନ୍ତି। ଏହି ଦୌଡ଼ରେ ଥିବା ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କୁ ଗତ ସେପ୍ଟେମ୍ବରରେ କେସିଆର୍‌ ଭେଟିଥିଲେ। ସେତେବେଳେ ନୀତୀଶ କହିଥିଲେ, କୌଣସି ତୃତୀୟ ସାମ୍ମୁଖ୍ୟ ଗଠନର ଆବଶ୍ୟକତା ନାହିଁ। ଭାଜପା ବିରୋଧରେ କେବଳ ଗୋଟିଏ ସାମ୍ମୁଖ୍ୟ ହେବା ଦରକାର, ଯେଉଁଠି କଂଗ୍ରେସ ମଧ୍ୟ ସାମିଲ ଥିବ। ଏପରି ହେଲେ ୨୦୨୪ରେ ଭାଜପାକୁ ଆମେ ହରାଇପାରିବା ବୋଲି ସଂଯୁକ୍ତ ଜନତା ଦଳ (ଜେଡିୟୁ) ନେତା ନୀତୀଶ ପ୍ରକାଶ କରିଥିଲେ।

ପ୍ରକାଶ ଯେ, ଅତୀତରେ ଭାଜପା କିମ୍ବା କଂଗ୍ରେସର ବିନା ସମର୍ଥନରେ କୌଣସି ତୃତୀୟ ସାମ୍ମୁଖ୍ୟ ତିଷ୍ଠିପାରି ନାହିଁ। ପୂର୍ବତନ ପ୍ରଧାନମନ୍ତ୍ରୀ ଭି.ପି. ସିଂଙ୍କ ନେତୃତ୍ୱାଧୀନ ସରକାର ପ୍ରତି ଭାଜପାର ସମର୍ଥନ ରହିଥିଲା। ସେହିପରି କଂଗ୍ରେସ ସମର୍ଥନରେ ତାଙ୍କ ଉତ୍ତରାଧିକାରୀ ଚନ୍ଦ୍ରଶେଖର, ଏଚ୍‌.ଡି. ଦେବେଗୌଡ଼ା ଏବଂ ଆଇ.କେ. ଗୁଜରାଲ ମଧ୍ୟ ସରକାର ଗଢ଼ିପାରିଥିଲେ।


Enter your email to get our daily news in your inbox.

All Right Reserved By Dharitri.Com

ବନ୍ଦରରୁ ୨୦ ଟନ୍‌ ହେରୋଇନ ଜବତ, ଆନୁମାନିକ ମୂଲ୍ୟ ୧୮୦୦ କୋଟି…

ମୁମ୍ବାଇ, ୨୧।୯ : ମୁମ୍ବାଇର ନାଭା ଶେରା ବନ୍ଦରରୁ ୨୦ ଟନରୁ ଅଧିକ ପରିମାଣର ହିରୋଇନ ଜବତ କରାଯାଇଛି। ଜବତ ହୋଇଥିବା ହିରୋଇନର ଆନୁମାନିକ ମୂଲ୍ୟ...

ଗ୍ରେଟର ନୋଏଡ଼ା ଆକାଶରେ ଏଲିଅନ୍‌: ଲୋକେ ଆତଙ୍କିତ !

ନୋଏଡା, ୧୮।୧୦: ଆକାଶରେ ଲାଲ୍‌ ରଙ୍ଗର ଏଲିଅନ୍‌ ନେଇ ଉତ୍ତରପ୍ରଦେଶ ଗ୍ରେଟର ନୋଏଡ଼ା ଅଞ୍ଚଳରେ ଲୋକଙ୍କ ମଧ୍ୟରେ ଆତଙ୍କ ଦେଖାଦେଇଛି। ସ୍ଥାନୀୟ ଦଙ୍କୌର ଅଞ୍ଚଳର ପାରସୌଲ...

ଲକ୍‌ଡାଉନ୍‌ ଦ୍ୱାରା ମହାମାରୀର ହେବନି ସମାଧାନ: ସତ୍ୟେନ୍ଦ୍ର ଜୈନ

ନୂଆଦିଲ୍ଲୀ,୨୭।୩: ରାଜଧାନୀ ଦିଲ୍ଲୀରେ କରୋନା ସଂକ୍ରମଣ ଜାରି ରହିଛି। ଏପରିସ୍ଥଳେ ଲକ୍‌ଡାଉନ୍‌ ଜାରି ହେବା ନେଇ ବହୁ ଗୁଜବ ମଧ୍ୟ ଉଠୁଛି। ଏନେଇ ଦିଲ୍ଲୀ ସ୍ବାସ୍ଥ୍ୟମନ୍ତ୍ରୀ...

୩୧ ଜୁଲାଇ ପର୍ଯ୍ୟନ୍ତ ଅନ୍ତର୍ଜାତୀୟ ଉଡ଼ାଣ ବନ୍ଦ…

ନୂଆଦିଲ୍ଲୀ,୩୦।୬: ଦେଶରେ ଜାରି ରହିଥିବା କରୋନା ମହାମାରୀ ସଂକ୍ରମଣକୁ ଦୃଷ୍ଟିରେ ରଖି କେନ୍ଦ୍ର ସରକାର ୩୧ ଜୁଲାଇ ପର୍ଯ୍ୟନ୍ତ ଅନ୍ତର୍ଜାତୀୟ ଉଡ଼ାଣ ବନ୍ଦ କରିବାକୁୂ ଘୋଷଣା...

ଜେଡିୟୁ ଅର୍ଥ ନୀତୀଶ କୁମାର! ଦଳ ପୋଷ୍ଟରରେ କେବଳ ମୁଖ୍ୟମନ୍ତ୍ରୀଙ୍କ ରହିବ ଫଟୋ, ନ ମାନିଲେ ହେବ କାର୍ଯ୍ୟାନୁଷ୍ଠାନ

ପାଟନା,୨୯ ।୪: ଜନତା ଦଳ ୟୁନାଇଟେଡ(ଜେଡିୟୁ)ର ଯେ କୌଣସି ପୋଷ୍ଟର ଓ ବ୍ୟାନରରେ ଏବେ କେବଳ ନୀତୀଶ କୁମାରଙ୍କର ଫଟୋ ରହିବ । ଦଳ ପକ୍ଷରୁ...

ରାଫାଲ ରାୟର ପୁନର୍ବିଚାର:କାହିଁକି ମନାକଲେ ସୁପ୍ରିମକୋର୍ଟ

ନୂଆଦିଲ୍ଲୀ,୧୫-୧୧:ସୁପ୍ରିମକୋର୍ଟ ରାଫାଲ ରାୟର ପୁନର୍ବିଚାର ପାଇଁ ଦାଏର ପିଟିଶନଗୁଡ଼ିକୁ ଖାରଜ କରିବା ସହ ଏହି ବିବାଦର ଆଇନଗତ ଦିଗ ଉପରେ ପୂର୍ଣ୍ଣଚ୍ଛେଦ ପକାଇଛନ୍ତି। ୩୬ ଫାଇଟର...

ହାଥରସ୍‌ ମାମଲାରେ ସତ୍ୟପାଠ ଦାଖଲ କଲେ ଯୋଗୀ ସରକାର: ଯାଞ୍ଚ୍‌ର ତଦାରଖ କରନ୍ତୁ ସୁପ୍ରିମ୍‌କୋର୍ଟ

ନୂଆଦିଲ୍ଲୀ, ୧୪।୧୦: ଉତ୍ତରପ୍ରଦେଶ ହାଥରସ୍‌ ବଳାତ୍କାର ମାମଲାରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ସରକାରଙ୍କ ପକ୍ଷରୁ ସୁପ୍ରିମ୍‌କୋର୍ଟରେ ସତ୍ୟପାଠ ଦାଖଲ କରାଯାଇଛି। ଗୁରୁବାର ଏହି ମାମଲାର ଶୁଣାଣି...

କରୋନା ବଞ୍ଚାଇବ କମଳନାଥ ସରକାରଙ୍କୁ!

ଭୋପାଳ,୧୫।୩: ମଧ୍ୟପ୍ରଦେଶରେ କମଳନାଥ ସରକାର ଏବେ ସଙ୍କଟରେ। କଂଗ୍ରେସ ନେତା ଜ୍ୟୋତିରାଦିତ୍ୟ ସିନ୍ଧିଆ ଦଳ ଛାଡିବା ପରେ ମଧ୍ୟପ୍ରଦେଶ ରାଜନୀତିରେ ଦେଖାଦେଇଛି ସଙ୍କଟ। ଏବେ କମଳନାଥ...

Advertisement
Archives

Model This Week