Posted inଫୁରସତ

ଆସିଛି ପର୍ଯ୍ୟଟନ ଋତୁ: ବୁଲି ଯାଆନ୍ତୁ କର୍ନାଟକରେ ପକ୍ଷୀ ବିହାର

ବେଶ୍‌ କିଛିଦିନର ବ୍ୟବଧାନ ପରେ କର୍ନାଟକକୁ ପୁନର୍ବାର ପର୍ଯ୍ୟଟକ ଭ୍ରମଣ ନିମନ୍ତେ ଯିବା ଲାଗି ଅନୁମତି ମିଳିଗଲାଣି। ତେଣୁ ଧୀରେ ଧୀରେ ଏଠାରେ ପର୍ଯ୍ୟଟକଙ୍କ ସଂଖ୍ୟା ବଢୁଥିବା ମଧ୍ୟ ଦେଖିବାକୁ ମିଳୁଛି। ତେବେ ଏହି ଶୀତଦିନେ କର୍ନାଟକରେ ପକ୍ଷୀ ବିହାର କରିବାର ସୁଯୋଗ ବେଶ୍‌ ନିଆରା ଲାଗିଥାଏ…

କର୍ନାଟକ ନିଜର ଐତିହାସିକ କୀର୍ତ୍ତିରାଜି ସହିତ ଆକର୍ଷଣୀୟ ପ୍ରାକୃତିକ ସୌନ୍ଦର୍ଯ୍ୟ ପାଇଁ ମଧ୍ୟ ଦେଶବିଦେଶରେ ବେଶ୍‌ ପ୍ରସିଦ୍ଧି ଲାଭ କରିପାରିଛି। ତା’ଛଡ଼ା ବିଭିନ୍ନ ଲୁପ୍ତପ୍ରାୟ ପଶୁପକ୍ଷୀଙ୍କର ସୁରକ୍ଷା ନିମନ୍ତେ ଏଠାରେ ରହିଛି ଅନେକ ବନ୍ୟପ୍ରାଣୀ ଅଭୟାରଣ୍ୟ। ବିଶେଷକରି ଏହି ଅଭୟାରଣ୍ୟଗୁଡ଼ିକରେ ପର୍ଯ୍ୟଟକ ବିଭିନ୍ନ ପ୍ରଜାତିର ପଶୁଙ୍କ ସମେତ ଅନେକ ପକ୍ଷୀଙ୍କୁ ଦେଖିବାର ସୁଯୋଗ ପାଇଥାନ୍ତି। ମୁଖ୍ୟତଃ ଶୀତଦିନେ ଏଠାକୁ ବହୁ ବିଦେଶୀ ପକ୍ଷୀ ଉଡ଼ିଆସନ୍ତି, ଯାହା ସ୍ଥାନୀୟ ଅଞ୍ଚଳର ଶୋଭାକୁ ବଢ଼ାଇବାରେ ବେଶ୍‌ ସହାୟକ ହୋଇଥାଏ। ଏଠାରେ ସେମିତି କେତୋଟି କର୍ନାଟକର ଲୋକପ୍ରିୟ ପକ୍ଷୀ ଅଭୟାରଣ୍ୟ ସମ୍ପର୍କରେ ଉଲ୍ଲେଖ କରାଗଲା…

ରଙ୍ଗନାଥିଟ୍ଟୁ: କର୍ନାଟକର ମାଣ୍ଡ୍ୟା ଜିଲାରେ ଥିବା ରଙ୍ଗନାଥିଟ୍ଟୁ ପକ୍ଷୀ ଅଭୟାରଣ୍ୟଟି ହେଉଛି ସ୍ଥାନୀୟ ଅଞ୍ଚଳର ଏକ ବଡ଼ ଅଭୟାରଣ୍ୟ। ଏଠାରେ ପ୍ରାୟ ୧୭୦ ପ୍ରଜାତିର ପକ୍ଷୀ ଦେଖାଯାଇଥାନ୍ତି, ଯେମିତିକି ପେଣ୍ଟେଡ୍‌ ଷ୍ଟର୍କ, ଏସିଆନ୍‌ ଓପନ୍‌ବିଲ୍‌ ଷ୍ଟର୍କ, କମନ୍‌ ସ୍ପୁନ୍‌ବିଲ, ଉଲ୍ଲି-ନେକ୍ଡ ଷ୍ଟର୍କ, ବ୍ଲାକ୍‌ ହେଡେଡ୍‌ ଇବିସ୍‌, ଇଣ୍ଡିଆନ୍‌ ସାଗ୍‌ ଇତ୍ୟାଦି ଅନ୍ୟତମ। ତା’ଛଡ଼ା ଶୀତଦିନେ ଏଠାକୁ ପ୍ରାୟ ୪୦ ହଜାରରୁ ଅଧିକ ଭ୍ରମଣକାରୀ ପକ୍ଷୀ ଉଡ଼ି ଆସୁଥିବାର ରେକର୍ଡ ମଧ୍ୟ ରହିଛି। ତେଣୁ ପର୍ଯ୍ୟଟକଙ୍କ ନିମନ୍ତେ ଶୀତଦିନେ ପକ୍ଷୀ ବିହାର ପାଇଁ ଏହାଠାରୁ ଭଲସ୍ଥାନ ଆଉ କ’ଣ ହୋଇପାରେ।

ବାଙ୍କାପୁରା:କର୍ନାଟକର ହାବେରୀ ଜିଲାରେ ରହିଛି ବାଙ୍କାପୁରା ନାମକ ଏକ ଆକର୍ଷଣୀୟ ସ୍ଥଳୀ, ଯେଉଁଠାରେ ବାଙ୍କାପୁରା ନାମକ ଏକ ଦୁର୍ଗ ଅଛି। ଆଉ ଏହି ଦୁର୍ଗ ମଧ୍ୟରେ ଏକ ଅଭୟାରଣ୍ୟ ପ୍ରତିଷ୍ଠା କରାଯାଇ ମୁଖ୍ୟତଃ ମୟୂର ଓ ମୟୂରୀଙ୍କୁ ସୁରକ୍ଷା ଦିଆଯିବା ସହ ସେମାନଙ୍କର ବଂଶ ବୃଦ୍ଧି ପାଇଁ ବି ବିଶେଷ ଦୃଷ୍ଟି ଦିଆଯାଉଛି। ତା’ଛଡ଼ା ଏଠାରେ ଅନ୍ୟାନ୍ୟ କେତେକ ପକ୍ଷୀ ଯେମିତିକି: ଗ୍ରୀନ୍‌ ବି ଇଟର୍‌, ନାଇଟ୍‌ଜାର୍‌, ପାରାଡାଇଜ୍‌ ଫ୍ଲାଏ କ୍ୟାଚର୍‌, ଇଣ୍ଡିଆନ୍‌ ରବିନ୍‌, ସ୍ପଟେଡ୍‌ ଡୋଭ୍‌, ଗ୍ରେ ହର୍ନବିଲ୍‌, ବ୍ଲୁ ଟେଲ୍ଡ ବି ଇଟର୍‌, ଟେଲର୍‌ ବାର୍ଡ ଇତ୍ୟାଦିଙ୍କୁ ବି ପର୍ଯ୍ୟଟକ ଦେଖିବାର ସୁଯୋଗ ପାଇପାରିବେ।

ଦାନ୍ଦେଲି:ଏହା କର୍ନାଟକର ଉତ୍ତର କନ୍ନଡ଼ ଜିଲାରେ ଅବସ୍ଥିତ ଏକ ଅଭୟାରଣ୍ୟ। ପ୍ରାୟ ୮୬୬.୪୧ ବର୍ଗ କି.ମି. ପରିସୀମା ବ୍ୟାପ୍ତ ଅଞ୍ଚଳ ଉପରେ ଗଢ଼ିଉଠିଥିବା ଏହି ଅଭୟାରଣ୍ୟରେ ପର୍ଯ୍ୟଟକ ବାଘ, ହାତୀ, ହରିଣ ଆଦି ପଶୁଙ୍କ ସମେତ ପ୍ରାୟ ୨୦୦ ପ୍ରଜାତିର ପକ୍ଷୀଙ୍କୁ ଦେଖିବାର ସୁଯୋଗ ପାଇପାରିବେ। କହିବାକୁ ଗଲେ ପକ୍ଷୀବିହାର ପାଇଁ ଏହା ଏକ ଉପଯୁକ୍ତ ସ୍ଥାନ। ଗ୍ରେଟ୍‌ ହର୍ନବିଲ୍‌ ଓ ମାଲବର ପାଇଡ୍‌ ହର୍ନବିଲ୍‌ ନାମରେ ଦୁଇଟି ପକ୍ଷୀ ହେଉଛନ୍ତି ଏଠାକାର ମୁଖ୍ୟ ଆକର୍ଷଣ। ତା’ଛଡ଼ା ଅହିରାଜ ଓ କୁମ୍ଭୀରଙ୍କ ସୁରକ୍ଷା ନିମନ୍ତେ ବି ଏଠାରେ ବିଶେଷ ଧ୍ୟାନ ଦିଆଯାଇଥାଏ।

ମଣ୍ଡାଗଡ଼େ: କର୍ନାଟକର ଶିମୋଗା ଜିଲାରେ ରହିଛି ମଣ୍ଡାଗଡ଼େ ନାମକ ଏକ ଗାଁ। ଆଉ ଏହି ଗାଁ ନିକଟ ଦେଇ ବହିଯାଉଥିବା ତୁଙ୍ଗା ନଦୀ ମଧ୍ୟରେ ରହିଛି ଏକ ଛୋଟ ଦ୍ୱୀପ, ଯାହା ମଣ୍ଡାଗଡ଼େ ପକ୍ଷୀ ଅଭୟାରଣ୍ୟ ଭାବେ ଜଣାଶୁଣା। ଏହି ଅଭୟାରଣ୍ୟରେ ବର୍ଷସାରା ବିଭିନ୍ନ ପ୍ରକାରର ପକ୍ଷୀ ଦେଖିବାକୁ ମିଳିଥାନ୍ତି। ଆଉ ଖାସ୍‌ କରି ଶୀତଦିନେ ଏଠାକୁ ପାଖାପାଖି ୫ ହଜାରରୁ ଊର୍ଦ୍ଧ୍ୱ ବିଦେଶୀ ପକ୍ଷୀ ଉଡ଼ିଆସିଥାନ୍ତି। ଅପୂର୍ବ ପ୍ରାକୃତିକ ଶୋଭାରେ ଭରା ମଣ୍ଡାଗଡ଼େରେ ଏହି ପକ୍ଷୀମାନଙ୍କୁ ଦେଖିବା ସହ ସେମାନଙ୍କ କାକ୍କଳି ଶୁଣିବାକୁ ବେଶ୍‌ ମଧୁର ଲାଗିଥାଏ।

କେବଳ ଏତିକି ନୁହେଁ, କର୍ନାଟକରେ ପକ୍ଷୀ ବିହାର ନିମନ୍ତେ ରହିଛି ଆହୁରି ଅନେକ ପକ୍ଷୀ ଅଭୟାରଣ୍ୟ, ଯେମିତିକି: ମଗଦୀ ପକ୍ଷୀ ଅଭୟାରଣ୍ୟ, ଗୁଡ଼ଭି ପକ୍ଷୀ ଅଭୟାରଣ୍ୟ, ଅଟ୍ଟିଭେରୀ ପକ୍ଷୀ ଅଭୟାରଣ୍ୟ ଇତ୍ୟାଦି ଅନ୍ୟତମ।


Enter your email to get our daily news in your inbox.

All Right Reserved By Dharitri.Com

ଭାରତରେ ରହିଛି ଦୁନିଆର ସବୁଠୁ ବିଚିତ୍ର ଗାଁ, ଯେଉଁଠି ହ୍ବିସିଲ୍‌ ମାରି ପରସ୍ପରସହ କଥା ହୋଇଥାନ୍ତି ଲୋକେ

କିଛି ବାର୍ତ୍ତା ଦେବାକୁ ଥିଲେ ଆମେ ତାକୁ ନିଜ ଭାଷାରେ କହିଥାଉ। ହେଲେ ଭାରତରେ ଏଭଳି ଏକ ବିଚିତ୍ର ଗାଁ ରହିଛି, ଯେଉଁଠାରେ ଲୋକେ ପରସ୍ପରସହ...

ରାସ୍ତା ମଝିରେ ଧମାକାଦାର ଡ୍ୟାନ୍ସ କଲେ ଜୋମାଟୋ ଡେଲିଭରୀ ବୟ: ଭାଇରାଲ ହେଉଛି ଭିଡିଓ

ଆଜିକାଲି ସୋସିଆଲ ମିଡିଆରେ ଜୋମାଟୋ ଡେଲିଭରୀ ବୟଙ୍କ ଭିଡିଓ ଭାଇରାଲ ହେବାରେ ଲାଗିଛି। ସେ ପାର୍ଶଲ ଦେବା ସମୟରେ ରାସ୍ତା ମଝିରେ ନାଚୁଛନ୍ତି। ଯୁବକ ଜଣଙ୍କ...

Viral Video: କିସ୍‌ କରୁଥିବା ବେଳେ ସ୍ବାମୀଙ୍କ ହାବୁଡରେ ପଡିଗଲେ ସ୍ତ୍ରୀ, ଆଉ ତା’ପରେ…

ସୋସିଆଲ ମିଡିଆରେ ଅନେକ ଥର ମଜାଳିଆ ଭିଡିଓ ଦେଖାଯାଏ। ଠିକ୍‌ ସେହିଭଳି ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଯାହାକୁ ଦେଖିଲେ ଆପଣ...

୩୯ ମୁଦ୍ରା, ୩୭ ଚୁମ୍ବକ ଖଣ୍ଡ ଗିଳି ଦେଲେ ଯୁବକ: କାରଣ ଜାଣିଲେ ହେବେ ଆଶ୍ଚର୍ଯ୍ୟ

ଅନେକ ଥର ପିଲାମାନେ ଖେଳିବା ସମୟରେ କିଛି ଜିନିଷ ଗିଳି ଦିଅନ୍ତି, ଯାହା ବେଳେବେଳେ ସେମାନଙ୍କ ଜୀବନ ପ୍ରତି ବିପଦ ହୋଇଯାଏ। କିନ୍ତୁ ଯଦି ଏହା...

ଭବିଷ୍ୟତ ନିର୍ମାଣରେ ଏନ୍‌ଜିଓର ଭୂମିକା ଗୁରୁତ୍ୱପୂର୍ଣ୍ଣ

ପ୍ରତିବର୍ଷ ଫେବୃଆରୀ ୨୭ ତାରିଖକୁ ସମଗ୍ର ବିଶ୍ୱରେ ‘ସ୍ବେଚ୍ଛାସେବୀ ସଙ୍ଗଠନ’ ବା ନନ୍‌-ଗଭର୍ନମେଣ୍ଟାଲ ଅର୍ଗାନାଇଜେଶନ (ଏନଜିଓ) ଦିବସ ଭାବରେ ପାଳନ କରାଯାଇଆସୁଅଛି। ଚଳିତ ବର୍ଷ ଏହି...

ଟ୍ରେନ୍‌ରେ ପଇସା ନ ଦେବାରୁ ଲୋକଙ୍କୁ ପିଟିଲେ କିନ୍ନର, ରେଲଓ୍ବେ ଦେଲା ଏଭଳି ଜବାବ, ଶୁଣିଲେ ହୋଇଯିବେ ଆଶ୍ଚର୍ଯ୍ୟ

ଟ୍ରେନ୍‌ରେ ଯାତ୍ରା କରିବା ସମୟରେ, ଆପଣ ପ୍ରାୟତଃ ଭିକାରୀ କିମ୍ବା କିନ୍ନର ଟ୍ରେନ ଭିତରେ ଟଙ୍କା ମାଗୁଥିବାର ଦେଖିଥିବେ। ଏହି ଘଟଣା ହୁଏତ ଆପଣଙ୍କ ସହିତ...

ଫ୍ରି ଫାୟାର ଗେମ୍‌ ଖେଳିବା ସମୟରେ ହେଲା ବନ୍ଧୁତା, ଘର ଛାଡି ପଳାଇଲେ ୪ ଭଉଣୀ, ଭାଇରାଲ ହେଉଛି ମାମଲା

ଦୁନିଆରେ ଅନଲାଇନ୍‌ ଗେମ୍‌ ପାଇଁ ଲୋକଙ୍କର କ୍ରେଜ୍‌ ରହିଛି। ଲୋକମାନେ ଦିନସାରା ଖେଳଗୁଡିକର କଳ୍ପନା ଦୁନିଆରେ ବୁଡି ରହିଥା’ନ୍ତି । ବର୍ତ୍ତମାନ ଏହିପରି ଅନେକ ଖେଳ...

ପ୍ରତି ୪ ବର୍ଷରେ କାହିଁକି ଫେବୃଆରୀ ମାସ ହୁଏ ୨୯ ଦିନିଆ, ଜାଣନ୍ତୁ ଏହାର ପ୍ରକୃତ କାରଣ…

ପୂର୍ବ ହେଉ କି ପଶ୍ଚିମ, ଜ୍ୟୋତିର୍ବିଜ୍ଞାନୀମାନେ କ୍ୟାଲେଣ୍ଡରର ଉନ୍ନତି ପାଇଁ ସର୍ବଦା ଚେଷ୍ଟା କରନ୍ତି। ଭାରତର ହିନ୍ଦୁ ପାଞ୍ଜି କିମ୍ବା କ୍ୟାଲେଣ୍ଡରରେ ଏହା ଦାବି କରାଯାଇଛି...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri