ବେଙ୍ଗାଲୁରୁ,୧୬।୫: ଗତ ସପ୍ତାହରେ ଅର୍ଥାତ ଶନିବାର ମେ’୧୩ରେ ଘୋଷଣା ହେଲା କର୍ନାଟକ ବିଧାନସଭା ନିର୍ବାଚନର ଫଳାଫଳ। ଏଥିରେ କଂଗ୍ରେସ ବିଜୟୀ ହେଲା। ଗୋଟିଏ ପଟେ କଂଗ୍ରେସ ମୁଖ୍ୟମନ୍ତ୍ରୀ ବାଛିବାକୁ ବୈଠକ କରିଚାଲିଥିବା ବେଳେ ଏହା ୩ ଦିନ ହେବ ସ୍ଥିର ହୋଇ ପାରୁନାହିଁ। ଅନ୍ୟପଟେ ଦଳକୁ ସମର୍ଥନ କରୁଥିବା ସମ୍ପ୍ରଦାୟ ଏବେ ତାଙ୍କ ନେତାଙ୍କୁ କ୍ୟାବିନେଟରେ ସ୍ଥାନ ଦେବାକୁ ଦାବି କଲେଣି।
ଗୋଟିଏ ପଟେ ଦଳର ଭେଟେରାନ ନେତାମାନେ, ଯେଉଁମାନେ ୨୦୧୩ ସରକାରରେ କ୍ୟାବିନେଟର ଅଂଶ ଥିଲେ, ସେମାନେ ପୁନର୍ବାର କ୍ୟାବିନେଟରେ ପ୍ରବେଶ କରିବା ଆଶାରେ ହାଇକମାଣ୍ଡ ଆଡକୁ ଚାହିଁଥିବା ବେଳେ ଅନ୍ୟ ପଟେ ରାଜ୍ୟରେ କଂଗ୍ରେସର ବିଜୟ ପାଇଁ ଦାୟୀ ଅନ୍ୟ ସମ୍ପ୍ରଦାୟର ଲୋକେ ସେମାନଙ୍କ ନେତାମାନଙ୍କୁ କ୍ୟାବିନେଟ ପୋର୍ଟଫୋଲିଓ ଦେବାକୁ ଦାବି କଲେଣି।
ନିକଟରେ ମୁସଲିମ ସମ୍ପ୍ରଦାୟର ନେତାମାନଙ୍କୁ କ୍ୟାବିନେଟରେ ଉପଯୁକ୍ତ ସ୍ଥାନ ଦେବା ପାଇଁ ଉପ-ମୁଖ୍ୟମନ୍ତ୍ରୀ ପଦ ସହିତ ୫ଟିି କ୍ୟାବିନେଟ ପଦବୀ ପାଇଁ ଦାବି ହୋଇଛି। ସମ୍ପ୍ରଦାୟର ନେତାମାନେ ଦାବି କରିଛନ୍ତି ଯେ ଦଳ ପ୍ରତି ମୁସଲମାନମାନଙ୍କ ବିଶ୍ୱସ୍ତତା କଂଗ୍ରେସକୁ ୨୨୪ ସଦସ୍ୟ ବିଶିଷ୍ଟ ବିଧାନସଭାରେ ୧୩୫ଟି ଆସନ ପାଇବାରେ ସାହାଯ୍ୟ କରିଛି। କଂଗ୍ରେସ ଦଳ ୧୫ ଜଣ ମୁସଲମାନ ପ୍ରାର୍ଥୀ ପ୍ରଦାନ କରିଥିଲେ, ସେଥିମଧ୍ୟରୁ ୧୧ ପ୍ରାର୍ଥୀ ଜିତିଥିଲେ।
କର୍ଣ୍ଣାଟକ ୱାକଫ ବୋର୍ଡ ସଭାପତି ଶାଫି ସାଦି କଂଗ୍ରେସ ସଭାପତି ମଲ୍ଲିକାର୍ଜୁନ ଖାର୍ଗେଙ୍କୁ କହିଛନ୍ତି ଯେ ମୁସଲିମ ସମ୍ପ୍ରଦାୟ ଦଳ ପଛରେ ଛିଡା ହୋଇଛି, ସାଦି ହେଉଛନ୍ତି ସେହି ନେତା ଯିଏକି ୱାକଫ ବୋର୍ଡ ସଭାପତି ହେବାରେ ବିଜେପି ସାହାଯ୍ୟ କରିଥିଲା।
