ବେଙ୍ଗାଲୁରୁ,୧୮।୯: ଗଣେଶ ଚତୁର୍ଥୀ ଉତ୍ସବ କେବଳ ମହାରାଷ୍ଟ୍ରରେ ନୁହେଁ ଦେଶର ଅନ୍ୟ ଭାଗରେ ମଧ୍ୟ ପାଳନ କରାଯାଇଥାଏ। ଏହି ବିଶେଷ ପର୍ବ ଅବସରରେ କର୍ନାଟକ ବେଙ୍ଗାଲୁରୁର ଶ୍ରୀ ସତ୍ୟ ଗଣପତି ମନ୍ଦିର ଏହାର ପରିସରକୁ ଭାରତୀୟ ଟଙ୍କା ସହିତ ସଜାଇଥିଲା। ମୁଦ୍ରା ବ୍ୟତୀତ ମନ୍ଦିର ପରିସରକୁ ସଜାଇବା ପାଇଁ ନୋଟ ମଧ୍ୟ ବ୍ୟବହାର କରାଯାଇଛି।
ଜେପି ନଗରରେ ଅବସ୍ଥିତ ଶ୍ରୀ ସତ୍ୟ ଗଣପତି ମନ୍ଦିର ଗଣେଶ ଚତୁର୍ଥୀ ପାଇଁ ୫୦୦,୨୦୦,୧୦୦,୫୦,୨୦ ଏବଂ ୧୦ଟଙ୍କିଆ ନୋଟ ଏବଂ ମୁଦ୍ରା ସାହାଯ୍ୟରେ ସଜାଇଛନ୍ତି। ମନ୍ଦିର ଟ୍ରଷ୍ଟି ମୋହନ ରାଜୁ ଗଣମାଧ୍ୟମ ସହ କଥାହୋଇ କହିଛନ୍ତି ଯେ ପ୍ରତିବର୍ଷ ମନ୍ଦିର ପରିସର ବିଭିନ୍ନ ଢଙ୍ଗରେ ସଜା ହୋଇଥାଏ।
ସେ କହିଛନ୍ତି, ଗତ ୧୧ବର୍ଷ ଧରି ଆମେ ସର୍ବଦା ବିଭିନ୍ନ ଉପାୟରେ ଆଳଙ୍କାର କରିଆସୁଛୁ। ଏଥର ମନ୍ଦିରର ସମସ୍ତ ଟ୍ରଷ୍ଟିମାନେ ମୁଦ୍ରା ଏବଂ ନୋଟ ସାହାଯ୍ୟରେ କିଛି ଅଲଗା କରିବାକୁ ଚିନ୍ତା କଲେ। ପରିସରକୁ ସଜାଇବା ପାଇଁ ମୋଟ ୫୨.୫୦ଲକ୍ଷ ମୁଦ୍ରା ଏବଂ ୨ କୋଟି ୬ଲକ୍ଷ ନୋଟ ବ୍ୟବହାର କରାଯାଇଥିଲା। ପ୍ରତିବର୍ଷ ଆମେ କିଛି ଅଲଗା କରିଥାଉ।
ବିଗତ କିଛି ବର୍ଷ ମଧ୍ୟରେ ମନ୍ଦିର ପରିଚାଳକମାନେ ମଧ୍ୟ ଘର ସଜାଇବା ପାଇଁ ଫୁଲ, ମକା ଦାନା ଏବଂ କଞ୍ଚା ବନ୍ଧାକୋବି ବ୍ୟବହାର କରିଥିଲେ। ଗଣେଶ ଚତୁର୍ଥି ୧୯ସେପ୍ଟେମ୍ବରରୁ ଆରମ୍ଭ ହେବ ଏହା ଅନନ୍ତ ଚତୁର୍ଦ୍ଦଶୀରେ ୧୧ ଦିନ ପରେ ଶେଷ ହେବ।
