ମୁମ୍ବାଇ: ବଲିଉଡ୍ ବେବୋ କରିନା କପୁର ଖାନ୍ ତାଙ୍କ ପସନ୍ଦର ସ୍ଥାନ ସୁଇଜରଲାଣ୍ଡରେ ବର୍ତ୍ତମାନ ଛୁଟି କଟାଉଛନ୍ତି। ଗତବର୍ଷ ସେ ତାଙ୍କ ସ୍ବାମୀ ଓ ପିଲାଙ୍କ ସହିତ ଏଠାରେ ଛୁଟି କଟାଇଥିଲେ। ତେବେ ଏଥର ସେ ତାଙ୍କ ସାଙ୍ଗ ନତାସା ପୁନାୱାଲାଙ୍କ ସାଥିରେ ଛୁଟି କଟାଉଛନ୍ତି। ଏନେଇ ସେ ସୋସିଆଲ ମିଡିଆରେ କିଛି ଫଟୋ ପୋଷ୍ଟ କରିଛନ୍ତି। ଫଟୋରେ କରିନା ବରଫାବୃତ୍ତ ପାହାଡ଼ରେ ଠିଆ ହୋଇଥିବା ଦେଖିବାକୁ ମିଳିଛନ୍ତି। ସେ ଧଳା ରଙ୍ଗର ଏକ ଜ୍ୟାକେଟ୍ ଏବଂ କଳା ପ୍ୟାଣ୍ଟ, ଜୋତା ସହ ଆଖିରେ ଚଷମା ପିନ୍ଧିଛନ୍ତି। ନତାସା ମଧ୍ୟ ଉଲ୍ର ପୋଷାକ ସହ ଜୋତା ପିନ୍ଧିଛନ୍ତି। ତେବେ କରିନା ୨୦୧୨ରେ ବିବାହ ପରଠାରୁ ପ୍ରତିବର୍ଷ ସ୍ବାମୀ ସୈଫ ଅଲ୍ଲି ଖାନ୍ଙ୍କ ସହ ସୁଇଜରଲାଣ୍ଡ ଏବଂ ଲଣ୍ଡନରେ ଛୁଟି କଟାଇଥାନ୍ତି। କରିନା ୨୦୦୦ରେ ତାଙ୍କ ଫିଲ୍ମ କ୍ୟାରିୟର ଆରମ୍ଭ କରିଥିଲେ। ସେବେଠାରୁ ସେ ଦର୍ଶକଙ୍କୁ ଅନେକ ହିଟ୍ ଫିଲ୍ମ ଦେଇ ସମସ୍ତଙ୍କ ପ୍ରିୟ ହୋଇପାରିଛନ୍ତି। ଶେଷଥର ପାଇଁ ତାଙ୍କୁ ‘ଦି ବୁକଇନଘାମ୍ ମଡର୍ସ’ରେ ଦେଖିବାକୁ ମିଳିଥିଲା। ଆଗକୁ ତାଙ୍କ ପାଖରେ ୨ଟି ମୁଭି ରହିଛି।
